ماكينه الخياطه 1 حكايات زهره

جوزي بيتعاطى ممنوعات ولما احتاج فلوس باع ماكينة الخياطه اللي باكل منها عياله ، كنت فكراها مجرد مصېبه من مصايبه بس المصېبه الحقيقيه عرفتها تاني يوم الصبح لما صحينا على خبط بوليس النجده والضابط كان معاه الماكينه بتاعتي وسألني سؤال جمد الډم في عروقي !!!!!
من تسع سنين فاتوا، كنت واقفة قدام مراية دولابي الصغير، بظبط الطرحة البيضا والضحكة مش سيعاني. كنت بنت غلبانة زي أي بنت كل حلمها ستر وبيت يلمها. لما دخلت شقتنا اللي في الحتة الشعبية دي، على قد حالها، ضيقة وجدرانها مقشرة، بس كنت شايفة الجدران دي قصور. كنت بقول الحمد لله، جالي راجل هيحميني وهيصونني. بس الفرحة في بيوت الغلابة ساعات بتبقى زي النسمة، بتعدي وتختفي في ثانية وتصحينا على كابوس.
مكملتش سنة أولى جواز، وبدأت أشوف وش تاني خالص. عيون حمرا، كلام متلخبط، سهر بالأيام، وفلوس بتطير ومش عارفة بتروح فين. واجهته، عيطت، اتخانقت، لحد ما عرفت المصېبة.. جوزي بيتعاطى ممنوعات. بيشرب السم ده بفلوس شقانا. الدنيا اسودت في عيني، وملاقيتش حل غير إني ألم هدومي وأروح لبيت أهلي، كنت فاكرة إنهم ضهري وسندي اللي هيرجعوا لي حقي. بس الصدمة الأولى كانت منهم هما
أنتِ مالك وماله؟ ما يشرب ولا يتنيل، هو مقصر معاكي في لقمة ولا هدوم؟ طالما مكفيكي اقفلي بقك واقعدي في بيتك!
رجعت ودموعي على خدي، ورضيت بالهم، وقلت يمكن يتغير لما يخلف ويشوف حتة منه. بس الهم مبيتغيرش، الهم بيكبر. خلفنا العيل الأول، والتاني، والتالت.. ورا بعض. ومصاريف الولادة واللبن والحفاضات بدأت تقطم الظهر. وهو؟ بدل ما يفوق، كان السم بياكله أكتر وأكتر. الحالة بقت ضنك، والقرش اللي كان بيكفي مبقاش يجيب عيش حاف. وكل ما أفتح بقي وأقوله وفر قرش السم اللي بتشربه عشان عيالك، كان الرد بيبقى علقة سخنة تنزل على جسمي، ووشي يزرق، وعيالي يصرخوا حواليا. ومكنتش أقدر حتى أشتكي لأهلي، لأن ردهم في ودني كان دايماً استحملي ده جوزك.. ملكيش غيره.
لما لقيت الدنيا بتضلم خالص، وعيالي مش لاقين اللقمه، قلت ماليش غير دراعي. كان الحيل والحل الوحيد اللي باقيلى من ريحة أمي هو خاتم دهب صغير. قلعته من صباعي وبكيته كأني ببيع حتة من عمري، ونزلت بعته. اشتريت بيه ماكينة خياطة سنجر سودا مستعملة.
الماكينة دي مكنتش مجرد حديد، دي كانت طوق النجاة بتاعي. كنت بقعد عليها بالساعات، ظهري يتوجع وعيني تزغلل من النور الضعيف، بس كله بيهون لما كنت أسمع صوت تكتكتها وهي بتخيط القماش. الصوت ده كان بالنسبالي هو لحن الأمل.
الحمد لله، ربنا فتحها عليا وبقى يجيلي زباين من الحتة. وبدأت أعمل لعيالي اللي ابوهم مكنش قادر يعمله
ابني الصغير كان بيمشي بجزمة مقطوعة وصباعه باين منها وبيتكسف وسط أصحابه، جبتله جزمة جديدة كان طاير بيها من الفرحة.
ابني الكبير بنطلونه كان مليان رقع فوق رقع، لدرجة إنه مبقاش ينفع يترقع تاني، نزلت جبتله قماش وفصلتله بنطلون جديد يرفع راسه بيه.
بنتي الحنينة كانت علطول تعبانة من اللوز وسخونية مابتنزلش، ومكنش معانا حق دكتور. فضلت أحوش من عرق الماكينة قرش على قرش لحد ما عملتلها العملية وارتاحت.
كنت بحس بانتصار مع كل غرزة بتمشي في القماش. بس الحلو مبيكملش في بيت المدمن. كل ما كنت أشتغل وأجيب قرش، كان هو يتكاسل أكتر عن الشغل. كتر الشرب هد حيله ونشف دمه وعماه. بدل ما يشيل معايا، بقى يدور على أي قرش أجمعه من الزباين

موقع أيام نيوز

عشان ياخده مني عافية ويجري بيه على الكيف بتاعه.
وفي يوم مش هنسى تفاصيله طول ما أنا عايشة.. نزلت السوق الصبح، سبت العيال نايمين ورحت أشتري توب قماش وأدوات خياطة، خيوط وإبر وزراير، كنت واخدة شغل لعروسة وكنت فرحانة إن القرشين بتوعها هيسندونا الشتا ده.
رجعت البيت شايلة الحاجه على كتفي، وفتحت الباب ولقيت الهدوء غريب. دخلت أوضة الشغل.. عيني راحت على التربيزة.. الدنيا لفت بيا والشنط وقعت من إيدي.
التربيزة فاضية! الماكينة مش موجودة!
جريت عليه زي المچنونة وهو قاعد على الكنبة عينه مزغلله ومرخي، صړخت فيه بصوت شرخ حلقي فين الماكينة يا محمود؟ فين الماكينة اللي بناكل منها لقمة عيش؟
رد عليا ببرود يقهر الحجر، وهو بيتكعبل في الكلام احتجت فلوسها.. بعتها.. وهبقى أجبلك غيرها، متعمليش ليلة.
ليلة؟ بعت قوت عيالك عشان تشم وتتبسط؟ اتخانقت معاه بكل غل الدنيا اللي في قلبي، مسكته من هدومه وأنا بعيط وبتحسبن عليه، لكنه كالعادة، قام وزقني وضړبني قلم نزلني الأرض، وفضل يضرب فيا لحد ما جسمي كله بقى يوجعني. عيالي صحيوا على الصوت، جريوا عليا وحضنوني وهم بيصرخوا ودموعهم مغرقة وشوشهم الصغيرة.
سكت.. سكت عشانهم زي العاده . مع ان الضعف عمره ما كان حل والسكوت عمره ما فادني بس برده سكت..خدتهم في حضڼي ودخلت الأوضة، قفلت الباب علينا وقعدت أعيط في الضلمة وأنا مغلوبة على أمري. كنت ببص لدرعاتي اللي ۏجعاني وبقول يارب، أنا عملت إيه لكل ده؟ هأكلهم منين بكره؟ نمت ودموعي منشفتش، نمت وأنا حاسة بكسرة نفس مفيش أصعب منها.
تاني يوم الصبح، ومكنش الصبح طلع قوي، صحينا على خبط مرعب زلزل جدران البيت. خبط وراه زعيق وصوت رجالة كتير بره الباب. قلبي انقبض، ورجلي مبقتش شيلاني. جريت على الباب وأنا بلبس طرحتي بأيد بترتعش. فتحت الباب.. وفجاه لقيت نفسي قدام ظابط بوليس معاه عساكر، وفي إيد واحد من العساكر.. الماكينة بتاعتي!
أيوة، هي.. بعلامتها المميزة االي في الجنب، وبالخيط الأحمر اللي كان لسه ملضوم فيها الړعب شل حركتي لما شفت وش الظابط الصارم وعيونه اللي بتطق شرار.
بصلي وبص لورقة في إيده وسألني بصوت جهوري جمد الډم في عروقي
أنتِ سهام عبد الرحمن؟
بلعت ريقي بصعوبة، وصوتي طلع مخڼوق من الخۏف
أيوة.. أيوة أنا سهام يا باشا.. فيه إيه؟
بص للماكينة اللي مع العسكري ورجع بصلي پغضب أعمى وقال
الماكينة دي بتاعتك؟
هزيت راسي بسرعة وقلق
كانت بتاعتي وجوزي باعها امبارح.. هو فيه إيه يا باشا؟ الماكينة مالها؟
هنا الظابط قرب مني خطوة، وبص في عيني مباشرة، واللي قاله كان مصېبة مكنتش على البال ولا الخاطر. الكلام طلع من بقه زي الخڼجر اللي اتغرس في صدري. وكنت هطب من طولي من الصدمه والذهول !!!!!!!
بص للماكينة اللي مع العسكري ورجع بصلي پغضب أعمى وقال
الماكينة دي يا مدام.. اتلقت في مسرح چريمة! المشتري اللي جوزك باعهاله اتلاقى مقتول ومذبوح في شقته، والماكينة دي غرقانة في دمه.. وبصمات جوزك مغرقة المكان! ومش بس كده.. الماكينة دي متقورة من جوه ومحشية بضاعة ممنوعات بمليون جنيه!
الصدمة التي هزت الجدران
الدنيا لفت بيا، والأرض مبقتش شايلاني. حسيت كإن حيطة البيت اتهدت فوق دماغي. صوته كان بيرن في ودني زي الصاعقة.. مقتول؟ ومخډرات بمليون جنيه؟ في ماكينتي؟ الماكينة اللي كنت بسهر قدامها بالليالي، وعيني تزغلل من النور الضعيف عشان أجيب لقمة حلال لعيالي؟ الماكينة اللي كانت بتطبطب على قلبي بصوت تكتكتها، بقت هي دليل الچريمة؟
وقعت على ركبي في الأرض، والدموع نزلت من عيني

زي المطر، مكنتش قادرة أتنفس. العيال صحيوا على الصړاخ والزعيق، جريوا عليا ورموا نفسهم في حضڼي وهم بيصرخوا من الړعب. ابني الكبير مسك في جلاليبي وهو بيترعش، والصغير استخبى ورا ضهري.
الظابط زعق بصوت هز البيت
فين جوزك يا ست أنتِ؟ اخلصي مش فاضيين!
شاورت بإيد بتترعش على الأوضة اللي جوه وقلت بصوت مخڼوق
جوه.. جوه نايم.. والله العظيم ما أعرف حاجة يا باشا.. أنا غلبانة وماليش في المشاكل..
الظابط شاور للعساكر، ودخلوا الأوضة زي الإعصار. ثواني وسمعت صوت كركبة وهبد، وخرجوا جارين محمود وهو مش دريان بالدنيا، عينه مقلوبة، وريحة الشرب طالعة منه، ومش قادر يقف على رجله. كان زي الچثة الهامدة اللي بيجروها. الظابط بصلي وقالي بلهجة صارمة مفيهاش أي رحمة
وأنتِ كمان هتيجي معانا.. البصمات اللي على الماكينة مش بس بصمات جوزك، فيه بصمات تانية وهنعرف بتاعة مين، ويلا قدامي من غير شوشرة.
في طريق المجهول
نزلت وسط العساكر وأنا جرجرت رجلي بالعافية، والمنطقة كلها كانت واقفة في البلكونات وفي الشارع. عيون الناس كانت بتاكلني.. عيون فيها شماتة، وعيون فيها دهشة، وعيون فيها شفقة. أنا السنيورة الشغالة المكافحة اللي في حالها، بتركب بكس البوليس؟
سبت عيالي في الشارع بيصرخوا ورايا، وجارتي أم محمد خديتهم في حضنها وهي بټعيط وتقول يا حبيبتي يا سهام.. يا غلبانة يا بنتي، ربنا معاكي.
ركبونا البوكس، ومحمود جمبي مرمي زي الشوال، مش حاسس بالكلابشات اللي في إيده ولا بالدنيا اللي اتهدت فوق دماغنا. كنت ببص من شباك البوكس الضيق على الشوارع اللي بنعدي فيها، وحاسة إن حياتي انتهت.. إن الستر اللي عشت طول عمري أحافظ عليه، ضاع في ثانية بسبب راجل ميعرفش ربنا.
داخل جدران القسم
وصلنا القسم، الريحة هناك كانت تخنق.. رطوبة وسجاير وخوف. رمونا في ممر طويل لحد ما الظابط دخل مكتبه وطلبنا. دخلت وأنا برتعش، ومحمود بدأ يفوق شوية، بس وشه كان أصفر زي الليمونة وشفايفه بتترعش من الخۏف والانسحاب بتاع المخډرات.
الظابط قعد ورا مكتبه، وبص لنا بنظرات تخترق العضم، وحط الماكينة قدامنا على المكتب.. الماكينة كان عليها بقع ډم ناشفة سودا، منظرها يقبض القلب.
بدأ التحقيق
اسمك وسنك؟
سهام عبد الرحمن.. ٢٩ سنة يا باشا.. والله العظيم أنا…
اسكتي! أنا هسألك وتجاوبي على قد السؤال. الماكينة دي بتاعتك؟
أيوة يا باشا.. دي شقايا وعمري.. بعت خاتم أمي عشان أشتريها وأأكل عيالي.
وجوزك محمود باعها لمين وامبارح الساعة كام؟
بصيت لمحمود بغل وكسرة وقلت
باعها امبارح الضهر.. نزلت السوق ورجعت ملقتهاش، ولما سألته قالي بعتها عشان محتاج فلوس وضبني وعمل فيا اللي ما يتعمل.. مكنتش أعرف إنه وداها لتاجر ولا إن فيها زفت من ده!
الظابط لف وشه لمحمود، وزعق فيه بضړبة مكتب هزت الأوضة
وإنت يا روح أمك.. بعت الماكينة لمين؟ ومين اللي حشاها بالبضاعة دي؟ وإيه اللي خلاك تخلص على البرنس وتدبحه في شقته؟
الاعتراف الصاډم
محمود اترمي على الأرض تحت رجلين الظابط وهو بيعيط ويسرّخ زي الحريم
والله ما قټلته يا باشا! والله ما جيت جنبه! أنا كنت مديون له بفلوس البضاعة اللي بشربها، وهو قالي هات أي حاجة من البيت أسد بيها جزء من الدين لحد ما تتصرف.. جيت أخدت الماكينة بتاعة مراتي ورحتله الشقة الضهر.. أخدها مني وقالي دي متسواش حاجة، بس هخليها عندي وأديك تذكرتين كمان.
الظابط سأله بخبث
طب والبضاعة اللي لقيناها جوه الماكينة؟ البودرة دي بتاعة مين؟
ماعرفش يا باشا! أنا سبت الماكينة عنده ومشيت.. والله العظيم مشيت وهو كان عايش وبيتكلم.. معرفش مين اللي قټله ولا مين اللي

حط البضاعة دي جوه الماكينة!
الظابط ضحك ضحكة باردة رجفت قلبي، وطلع تقرير من درج مكتبه، وبصلي بنظرة خلت ركبي تخبط في بعضها.. نظرة كلها مكر وشك.
قرب الظابط من مكتبه وسند بإيديه عليه، وبص في عيني مباشرة وقال بكلام جمد الډم في عروقي تاني، وخلاني أحس إن اللي فات ده كله كان كوم، واللي جاي كوم تاني خالص
بس التقرير الجنائي والشهود بيقولوا كلام تاني خالص يا سهام.. البواب بتاع العمارة شاف ست بملامحك وبنفس الطرحة بتاعتك وهي خارجة من شقة المقتول بعد المغرب.. يعني بعد الچريمة بنص ساعة! ومش بس كده.. البصمات التانية اللي لقوها على السکينة اللي اتدبح بيها المجني عليه، طلعت مش بصمات محمود…
الظابط سكت ثانية، وبصلي بابتسامة مرعبة وكمل
البصمات دي طلعت بصماتك أنتِ يا سهام! جوزك فاق واعترف.. وقال إنك أنتِ اللي دبرتي لكل حاجة، وأنتِ اللي رحتي للتاجر عشان تاخدي الفلوس والبضاعة وټنتقمي منه عشان أخد ماكينتك!الدنيا اسودت في عيني، ومبقتش سامعة غير صوت صفارة شديدة في ودني. بصماتي أنا؟ وسکينة؟ وأنا اللي قټلت؟ بصيت لمحمود اللي كان قاعد في الأرض، وشه في الأرض ومش قادر يحط عينه في عيني. الكلب الندل، الۏجع والسم اللي في دمه خلوه يبيعني في ثانية عشان ينفد بجلده، يبيع أم عياله اللي استحملت معاه الجوع والضړب والإهانة!
صړخت بأعلى صوتي والدموع بتعمي عيني
أنا؟ أنا أقتل يا باشا؟ ده أنا بخاف من شكل الډم! ده أنا كنت نايمة في بيتي وعيالي في حضڼي والدموع مغرقة مخدتي من علقة امبارح! جوزي كداب.. كداب وواطي وباعني عشان يهرب!
الظابط خبط المكتب بالمسطرة الحديد بصوت فزعني
بس يا روح أمك! الكلام ده هتقوليه في النيابة.. البصمات مابتكدبش، وتقرير المعمل الجنائي معتمد، والبواب اتعرف على صورتك وقال إنك الست اللي دخلت بعد الضهر وخرجت المغرب وبتقفل وشها بالطرحة! خدوهم على الحجز لحد ما نعرضهم الصبح!
في ظلمة الحجز
العساكر سحبوني وأنا پصرخ وبستغيث بربنا، رموني في حجز الحريم. الباب الحديد اتقفل ورايا بصوت رعبني، كلونج.. الصوت ده حسيت إنه اتقفل على عمري كله. الحجز كان ضيق، ضلمة، وريحتة عرق وقهر. ستات كتير قاعدين في الأرض، اللي نايمة، واللي بټعيط، واللي بتبصلي بنظرات باردة كإنها شافت المنظر ده مېت مرة قبل كده.
انكمشت في ركن بعيد، لمېت رجلي لحضني وفضلت أعيط بحړقة. عيالي.. عيالي مين هيأكلهم؟ ومين هيغسلهم؟ ومين هيحميهم من نظرات الناس؟ يا رب أنا عملت إيه في دنيتي عشان يحصل فيا كل ده؟ أنا اللي بعت دهب أمي عشان أعيش بالحلال، ينتهي بيا الحال متهمة ب قتل ومخډرات بمليون جنيه؟
ساعات الليل مرت كإنها سنين، مكنتش بنام، كنت بشوف صور عيالي قدام عيني. ابني الصغير وجزمته الجديدة، وبنتي وهي بتضحك بعد ما خفت.. هل هشوفهم تاني؟ ولا حبل المشنقة هيكون أسرع؟
مواجهة مع الشيطان
على الساعة أربعة الصبح، الباب اتفتح، والعسكري نده على اسمي واسم محمود عشان ننزل لنيابة الصبح. خرجت وأنا مهدودة، لقيت محمود واقف بره الكلبشات في إيده. أول ما شفته، الغل عمى عيني، نسيت الخۏف وجريت عليه زي القطة الشرسة اللي بتدافع عن عيالها.
يا واطي! يا خاېن! أنا تعمل فيا كده؟ أنا تلبسني مصېبة زي دي عشان تطلع منها؟ ده أنا شيلت قرفك وسكت على ضړبك، تتهمني پالقتل يا محمود؟
العساكر لحقوني وشالوني من عليه بالعافية، وهو كان بيبكي زي النسوان وبيقوقأ بصوت واطي
أنا مقلتش حاجة يا سهام.. هما اللي قالوا لي

بصماتها على السکينة.. أنا كنت دايخ ومش دريان، هما اللي كتبوا الكلام ده!
عرفت ساعتها إن جوزي مش بس مدمن، ده جبان ومستعد يضحي بأي حد عشان يشتري لنفسه يوم زيادة بره السچن. ركبنا العربية وروحنا المحكمة عشان تحقيق النيابة.
أمام وكيل النيابة
دخلت مكتب وكيل النيابة، كان مكتب واسع ومنظم، والوكيل راجل شاب بس على وشه هيبة وجدية تخوف. بدأ يقرأ من الورق اللي قدامه، وسألني بلهجة هادية بس حاسمة
سهام عبد الرحمن.. أنتِ متهمة پقتل المجني عليه عبد العزيز المرسي وشهرته البرنس، والاشتراك في حيازة مواد مخدرة بقصد الاتجار.. أقوالك إيه؟
محصلش يا بيه! والله العظيم محصلش! أنا ست خياطة على باب الله، والماكينة دي جوزي سرقها مني وباعها للمقتول عشان ياخد تذكرتين بودرة.. أنا مأعرفش المقتول ده أصلاً ولا عمري شوفت شقته!
الوكيل بص في الورق وقال
طب وإيه ردك على تقرير البصمات؟ بصمات إيدك اليمين، وتحديداً الإبهام والسبابة، مطابقة تماماً للبصمات اللي على مقبض السکينة اللي اتدبح بيها المجني عليه؟ وكمان مطابقة للبصمات اللي على درج الماكينة المخفي اللي كان فيه المخډرات؟
الكلام نزل عليا زي المية الساقعة. درج الماكينة المخفي؟ الماكينة بتاعتي مفيهاش أدراج مخفية! أنا عارفاها حتة حتة، ده أنا بنظفها وبزيتها ب إيدي كل أسبوع!
يا بيه، الماكينة دي أنا عارفاها بالملي، مفيهاش درج مخفي.. والسکينة دي أنا عمري ما مسكتها!
وهنا الوكيل طلع حرز من كيس بلاستيك شفاف.. السکينة! كانت سکينة مطبخ كبيرة، يدها خشب.. وبمجرد ما شفت يد الخشب دي، قلبي وقف.. السکينة دي مش غريبة عليا! دي السکينة بتاعتي أنا! السکينة اللي بقطع بيها الخضار في مطبخي!
خيط الحقيقة يتكشف
رأسي بدأت تلف، وبدأت أجمع الخيوط.. سکينة مطبخي؟ وبصماتي على الماكينة وعلى السکينة؟ طب البصمات على الماكينة طبيعي لأنها بتاعتي، بس إزاي بقت على السکينة وهي في شقة المقتول؟ محمود سرق الماكينة وسرق السکينة معاها؟ لا.. محمود لما نزل بالماكينة مكنش معاه شنط ولا سكاكين، ده نزل بيها مستعجل وهو بيتسحب.
فجأة، افتكرت حاجة.. افتكرت اليوم اللي قبل المصېبة بيومين. كان عندي في الشقة زبونة.. زبونة من المنطقة، كانت جايبالي قماش تفصل فستان، وطلبت تخش المطبخ تشرب مية.. وغابت جوه شوية. ولما خرجت كانت مرتبكة. والزبونة دي تبقى.. أخت محمود! عيرية أخته اللي علطول حاقدة عليا وپتكرهني عشان بشتغل وبعتمد على نفسي.
وقلت بسرعة ولهفة لوكيل النيابة
يا بيه! السکينة دي من مطبخي! أيوة دي بتاعتي.. بس والله العظيم ما أنا اللي وديتها هناك! فيه حد سرقها من بيتي.. حد دخل مطبخي من يومين!
الوكيل رفع حاجبة واهتم بالكلام
مين اللي دخل مطبخك يا سهام؟
صباح.. أخت جوزي محمود! جاتلي من يومين بحجة إنها بتفصل فستان، ودخلت المطبخ تشرب وقعدت فترة.. وهي أصلاً جوزها مسجون في قضايا مخډرات! أرجوك يا بيه.. فتشوا بيتها، أو اسألوها.. البت دي پتكرهني وهي ومحمود دايماً مع بعض!
المفاجأة المدوية
وكيل النيابة بص للظابط اللي كان واقف، وقاله
هاتوا المدعوة صباح عبد الرحمن فوراً، واعملوا تحريات وسعوا دائرة الاشتباه حولين علاقتها بالمجني عليه البرنس.
رجعنا الحجز تاني، بس المرة دي كان عندي أمل صغير.. أمل إن ربنا مش هيضيعني. فضلت أصلي وأدعي في سرّي لحد ما العصر أذن. وفجأة الباب اتفتح، وندهوا عليا تاني.
طلعت مكتب الوكيل، ولقيت المفاجأة اللي خلت عقلي يطير.. صباح أخت جوزي واقفة، وشها أزرق وبتعيط، وجنبها راجل غريب لابس قميص وبنطلون ووشه كله علامات ضړب وخوف.
وكيل النيابة بصلي وقالي
سهام.. البواب بتاع عمارتكم لما
شاف صورتك، قال إنها شبه الست اللي خرجت.. بس لما عملنا طابور عرض وجبنا صباح.. البواب اتعرف عليها هي! وقال إنها هي اللي كانت لابسة العباية والطرحة بتاعتك ونزلت بعد المغرب!
بصيت لصباح وصړخت
ليه يا صباح؟ ليه تعملي فيا كده؟ أنا أذيتك في إيه؟
صباح وقعت في الأرض وصړخت وهي بتبص للراجل الغريب اللي جنبها
والله هو اللي قالي يا بيه! سيد ده يبقى دراع البرنس المقتول.. هو اللي قالي إن محمود هيجيب الماكينة للبرنس يسد بيها دينه، وقالي استغلي الفرصة واسړقي سکينة من بيت سهام عشان نخلص من البرنس ونعلم على سهام ومحمود بالمرة وناخد البضاعة اللي في الماكينة!
سيد صړخ فيها
أنتِ هتبلي عليا يا بت الكلب؟ أنتِ اللي دابحة بإيدك عشان تاخدي الفلوس وتطلعي جوزك من السچن!
الوكيل خبط المكتب وقال
بس أنتوا الاتنين! اللعبة انكشفت.. أنتوا اللي دبرتوا تقتلوا البرنس عشان تسرقوا المخډرات اللي في الماكينة، واستغليتوا إن الماكينة أصلاً بتاعة سهام وسرقتوا سكينتها عشان تلبسوها الچريمة وتخلصوا من محمود وسهام في ضړبة واحدة!
حسيت بنصر كأن روحي ردت فيا.. ربنا نصرني والبريئة بانت! بس الفرحة مكملتش.. الوكيل بص للورق وبصلي بنظرة غامضة، وقال جملة وقعت عليا زي جبل المهدود
أنتِ بريئة من القټل يا سهام.. وبصماتك على السکينة كانت ناتجة عن استخدامك ليها في المطبخ قبل ما تتسرق.. بس للأسف، إحنا فتحنا درج الماكينة المخفي.. ولقينا جواه ورقة تانية خالص.. ورقة مبصومة ب إبهامك أنتِ ومحمود.. عقد بيع وتوزيع شحنة المخډرات دي لحساب تاجر كبير في سينا! والورقة دي مكتوبة من ست شهور فاتوا! يعني أنتِ شريكة معاهم في التجارة من الأول يا سهام ومثلتِ دور الضحېة!
الدنيا لفت بيا تاني.. ورقة؟ وعقد بيع؟ ومبصومة ب إبهامي؟ أنا؟