حب عمري

حب عمري يوم حنتها

اسامه

يعني معقوله طول الفترة دي ما اشوفكيش ويوم اشوفك اشوفك وانا بخبطك بالعربيه ويوم حنتك يا مي مي مي ارجوكي ردي عليا

يحيي

على اساس بقى ان انت مش خابطها قصد

علشان عرفت انها هتتجوز غيرك منك لله يا شيخ

انا هوديك في ستين داهيه

وقبل ما نبدا الحكايه اعرفكم بنفسي انا اسامه

عندي 33 سنه وفي يوم كنت راجع من برا

ولقيت ماما بتقولي

الام

حمدالله علي السلامه يا حبيبي

كويس انك جيت قبل ما امشي

تعالي شوف الهانم مراتك بتقولي اي

اسامه

خير يارب فيه اي با ماما انا نفسي اجي من برا

وتكوني هنا وانتي وهي تكونوا كويسين مافيش خناق

الام

هو ده اللي قدرك عليه ربنا بدل ما تسمع

مني هي عملت فيا اي وتدخل ديها قلمين

علي وشها

اسامه

ماما خليكي فاكره ان انا من الاول

مكنتش عايز رحاب وانتي اللي فضلتي

تزني عليا علشان اتجوزها الله يخليكي

سبيني في حالي بقي

الام

برضه كده ماشي يا اسامه انا ماشيه ومش

جايه البيت هنا تاني وبعدها مشيت

وخرجت رحاب

رحاب

هفضل اكره امك لأنها هي السبب في اللي بتعمله معايا من يوم ما اتجوزتك وانا شايفه

في عينك كره ليا معرفش ليه

انا خلاص اتخنقت منك

اسامه

بقولك اي انا راجع من برا مش ناقص مشاكل

خليكي هاديه

رحاب

هو انت لسه بتحب مي بعد السنين دي كلها

وانا اول لما هي قالت كده سبتها ودخلت الاوضه جوا وفي الاوضه بدأت افتكر اللي حصل

زمان

#فلاش باك

اسامه راجع من برا وامه كانت في الصاله

اسامه

ماما انا خالص اخد ميعاد من عم مي علشان

نروح نتقدم ليها بالله عليكي عايزين ناخد

حاجه كويسه واحنا رايحين

الام

هو انت لسه بتفكر في البنت دي ما انا قولت لك مش هينفع وكل شيء قسمه ونصيب البنت دي مش هينفع تكون مراتك

اسامه

الكلام اللي انت بتقوليه ده يا ماما انت عارفه ان انا بحب مي جدا ومستني ان انا كنت خلصت دراسه علشان خاطر اروح واتقدم ليها

الام

يا ابني البنت دي ابوها وامها ميتين من زمان ومحدش رباها يعني وانا بصراحه ربنا كده ما اضمنهاش في بيتك

اسامه

الكلام الغريب اللي انت بتقوليه ده يا ماما انت عارفه متاكده ان عمها هو اللي مربيها مربيها احسن تربيه كمان

الام

وانا الكلام خلص وخطبتلك رحاب جارتنا يا بنت كويسه واهلها مربيينها احسن تربيه والموضوع

اتقفل خلاص

اسامه

هو انا ايه كل حاجه برايك وباذنك انت حرام عليك هو انا ما ليش رايي في اي حاجه انا مش هتجوز الا مي ولو انت مش عايزه تيجي معايا انا هروح واتقدم لوحدي

الام

براحتك يا حبيبي وريني بقى هتعيش انت وهي فين انا مش موافقه ان البنت دي تدخل بيتي

ولو انت مصمم انك تتجوزها يبقي خلاص يا حبيبي تاخدها وتروح تشوف مكان برا

اسامه

ايه الكلام اللي انت بتقوليه ده يا ماما بعد ما وضبت شقتي عايزاني اشوف مكان بره

الام

هو ده اللي عندي يا اسامه هتتجوز البنت اللي على مزاجي علشان خاطر ابقى عارفه هي اخلاقها ايه وعامله ايه يا اما تتجوز اللي انت عايزها بس تعيش بره البيت

اسامه

وانا يا ماما هتجوز اللي انا عايزها مهما حصل لو انت مش عايزه تديني حاجه من مراثي خلاص دي حاجه ترجع لك بس اعملي حسابك لو انا فعلا اتجوزت وعشت بره مش هرجع لك هنا تاني

الام

ده شئ يريحك وبعدها مشي

وفي بيت عمها

العم

هو ازاي يعني سر الوالده ما جتش معاكي مش انت قايل ان هي هتيجي وتتقدم

اسامه

معلش يا عمي اصل ماما تعبانه شويه

وبعدين انا قولتك انا موافق علي كل حاجه

انت عايزها والله

العم

بس يابني اللي ملوش كبير بيشتري ليه

كبير وانا بصراحه كده مش موافق اديك

بنت اخويا من غير حد من اهلك

وبعدها دخلت الام وقالت

الام

وادي اهله هنا اهو وانا بقولك مش موافقه

علي الجوازه دي انت ممكن تجوزها ل ابني

وانت عارف ان هيقعد في الشارع

العم

اي الكلام الغريب ده انا مش فاهم حاجه

ا

الام

بنتكم شمال وانا مش عايزة اجوزها ل ابني

وانا حره بقي الله اعلم هي مصممه عليه

ليه اكيد حصل بينهم حاجه مهي ولا ليها

اب ولا ام وكانت بتعمل كل حاجه علي مزجها

العم

اخرسي قطع لسانك انا عارف ان انا مربي بنتي ازاي امشي اطلعي بره وانا اللي ما عنديش بنات للجواز

اسامه

حقك عليا يا عمي انا اسف والله انا ما اعرفش ايه الكلام اللي ماما قالته ده

العم

عارف لو فكرت تقرب من بنت اخويا تاني انا هعمل فيك ايه امشي اطلع بره وبعدها خرج

وخرجت مي

مي

والله العظيم يا عمي انا ما اعرفش ايه الكلام الغريب اللي هي بتقوله ده انت عارف انت مربيني ازاي وانا عمري ما هعمل اي حاجه غلط

العم

انتي جايه تقولي ليا علي الكلام ده علي

اساس انا مش عارف انا مربيكي ازاي

مش عايزك تشيلي هم اي حاجه ومش عايزك

تحطي الكلام ده في دماغك بس كل اللي انا عايزه منك يا بنتي ما ترديش على الواد ده تاني

مي

من غير ما تقول ي عمي والله حاضر هعملك

اللي انت عايزة

وبعدها دخلت جوا

وبعد ما روح اسامه

اسامه

هو انت ليه عملت معايا كده ده الأمهات كلهم المفروض بتبقى عايزه تشوف ابنها فرحان وانت بتعملي كده

الام

بقولك اي مهو انت مش هتتجوزها يعني

مش هتتجوزها وهتعمل اللي في دماغي

ومافيش الا رحاب وبعدها دخلت

وعدا كام شهر وبعدين روحت خطبت رحاب

وبعد ما اتجوزنا دخلنا الشقه وهي قالت

رحاب

ما تعرفش والله يا اسامه انا فرحانه ازاي ان انت جيت واتقدمت ليا مش مصدقه ان انا في بيتك ومعاك دلوقتي

اسامه

انا معاكي بجسمي بس انما عقلي بالتفكيري مع واحده ثانيه

رحاب

اي الكلام الغريب اللي اتت بتقولوا

ده امال انت جيت واتجوزتني ليه

اسامه

علشان انتي وماما عايزين كده بس بصراحه انا

عمري ما حبيتك ولا هحبك وبعدها فضل

عايش معاها

# باك

وفي شقه مي كانت قاعده مع حما.تها بعد ما

اتخطبت

مي

هو انا مش فاهمه كلامك يا حما.تي انت عايزه ايه بالظبط والله يا ريت توضحي اكتر من كده

الحما

انا حاسه يا مي ان ابني مش مبسوط معاكي وانا مش عارفه السبب ايه وكل ما يجي يعمل معاكي حاجه تفرحك مش بيحس انك بتكوني فرحانه هو انت عايزه ايه بالضبط

مي

مين اللي قال كده بالعكس أنا فرحانه في وجوده في حياتي والله بس مش

كل حاجه الفلوس الكلمه الحلوه

ممكن تغني علي اي حاجه انما هو فاكر

عكس كده فاكر ان كل ما يحب يشوفني

مبسوطه لازم يجيب ليا حاجه

الحما

هو ده ابني يا حبيبتي وهي دي طريقته

والمفروض بقي تتعودي عليها

مي

وانا عمري ما حبيت الطريقه دي ولا هحبها خالص يا حما.تي

الحما

والله انا شايفه ان احنا نجيبه ونيجي لعمك بالليل بقى لان انا حاسه كده ان ابني مش هيكون مبسوط معاكي وبعدها.مشيت

وخرجت مرات عمها

اشجان

والله يا اختي انا مش عارفه انت بتتنططي على ايه مش تحمدي ربنا ان حد بص في وشك وراضي يتجوزك بعد الكلام اللي حما.تك الاولانيه قالته

مي

اي الكلام الغريب اللي انتي بتقولي ده يا مرات

عمي المفروض انتي تكوني عرفاني اكتر من

كده وتكوني عارفه كمان ان عمري ما بعمل

حاجه غلط

الحما

الله اعلم بقى يا حبيبتي يكون ابنها قالها ايه علشان خاطر تيجي لحد هنا وتقول الكلام اللي هي قالته ده

مي

انا مش عايزه اسمع كلمه تانيه ارجوكي

بقي نفسي تحبني زي بنتك انا عمري

ما عملت حاجه تزعلك وبعدها دخل العم

رؤوف

فيه اي مالكم صوتكم عالي ليه

كده مالك يا مي يا حبيبتي

مي

مافيش حاجه وبعدها دخلت جوا

رؤوف

عملت ايه يا اشجان انا عارف ان انت كل يوم لازم تعملي مصيبه مع البنت دي

اشجان

مافيش حاجه بجد انا اتخنقت والله من العيشه اللي انا فيها دي مش عارفه البت دي شايفه

نفسها علينا ليه

رؤوف

بقولك اي احمدي ربنا انتي شوفتي اللي

حصل في بنتنا بسبب كرهك لمي بطلي بقى اللي انت بتعمليه ده

اشجان

هو انت ليه كل شويه لازم تفكرني باللي حصل لبنتي حرام عليك ارحمني بقى شويه

رؤوف

بقولك لا اهدي علي البت شويه

اشجان

طول ما انا بشوفك بتحبها اكتر من بنتك هفضل اكرهها مش هحبها مش ذنب ان ابوها وامها ما.توا يعني

رؤوف

انتي غبيه والله وانا عمري ما هحب حد اكتر

من بنتي دي ظنون في دماغك انتي

اوعي كده بقي من وشي وبعدها

دخل عند هاله وكانت علي السرير وعامله تعيط

رؤوف

مالك يا هاله يا حبيبتي عماله تعيطي كده ليه

هاله

والله ي بابا نفسي ارجع امشي علي

رجلي تاني ده حلم حياتي انا مش ذنبي

والله اللي ماما كانت بتعمله

رؤوف بعياط

اهدي يا حبيبتي ده اختبار من ربنا المفروض

نكون قدو مينفعش نقول كده خالص

هاله

تفتكر فعلا ممكن يجي اليوم اللي اقدر

امشي فيه علي رجلي

رؤوف

اكيد يا حبيبتي والله المهم انا عايزك

تاخدي العلاج ب انتظام علشان تقدري تمشي

علي رجلك وبعدها خرج وبدأ يفتكر اللي حصل

#فلاش باك

الكل قاعد علي الفطار

مي

انا همشي بقى يا عمي علشان خاطر ورايا محاضرات كثير قوي النهارده

رؤوف

استني بس يا حبيبتي خدي الفلوس دي خليها معاكي انا مش عايزك تقعدي طول النهار من غير اكل انت سامعه ولا لا وتروحي مواصلات وترجعي مواصلات

اشجان اخدت الفلوس وقالت

لا يا حبيبي هو مال سايب ولا مال سايب كفايه عليك دول خديهم

رؤوف

ايه الكلام اللي انت بتقوليه ده يا اشجان انت عارفه الدنيا غاليه ازاي دلوقتي وقال لي ساندوتش بكام

اشجان

تروح على رجلها يا حبيبي الكليه مش بعيده يعني يلا يا بنت اتكلي على الله هو انت هتفضلي قاعده بصه لينا كده

مي

حاضر يا مرات عمي وبعدها مشيت

رؤوف

بطلي ان انت بتعمليه ده شويه حرام عليكي البت يتيمه المفروض ان احنا نكون بنعملها باسلوب احسن من كده

اشجان

بنتي اولا ب كل قرش بت يا هاله

انتي ي بنت بتعملي اي كل ده جوا

وخرجت هاله وقالت

هاله

صباح الخير يا بابا ازيك يا ماما عامله ايه انا خلاص خلصت اهو نازله على الكليه

اشجان

خدي يا حبيبتي خلي الفلوس دي معاكي تطلبي اوبر ما تركبيش مواصلات انت سامعه ولا لا

رؤوف

بقى انت بتاخدي الفلوس من البنت علشان خاطر تاخدها ماشيه في الاخر عايزه بنتك تركب اوبر

اشجان

امال بنتي يا حبيبي اللي تتبهدل في المواصلات يلا يا حبيبتي اطلبي اوبر على طول وانزلي

وبعدها فعلا عملت كده والعربيه عملت حاد.ثه

وبعدها هاله كانت قاعده في السرير

مش بتتحرك

#باك

وفي اوضه مي اتصل بيها خطيبها يحيي

يحيي

هو في ايه يا مي عماله اتصل بيكي بقالي فتره طويله قوي مش راضيه تردي عليا ليه

مي

هو انت ليه كل حاجه لازم تروح تقولها لمامتك حاجه بيني وبينك مامتك تعرفها منين

يحيي

هو في ايه بالظبط انا مش فاهم منك حاجه وبعدين ماما عرفت ايه يعني

مي

مامتك عرفت منين ان انت جبت لي هديه غاليه قوي وانا مش وافقت اخدها منك

هو كل حاجه هتكون بينا مامتك هتعرفها

كده

يحيي

حقك عليا والله يا حبيبتي يمكن كنت بكلمك بس في التليفون كان باب الاوضه عندي مفتوح ما تزعليش

مي

انا عايزه تكون لينا حياه مستقله مامتك ما تكونش فيها في كل حاجه كده ارجوك تعمل الكلام اللي بقول لك عليه

يحيي

انا هقول لك على حاجه يا مي انا حاسس بيها بس يا ريت لو هي دي الحقيقه تردي عليا

مي

حاجه اي اتكلم علي طول

يحيي

انا حاسس انك مش عايزه تقبلي مني اي هدايا علشان خاطر الموضوع بتاعنا مش هيكمل ومش فاهم ليه انا مش حاسس انك قريبه مني

مي

انا موافقه انك تيجي تكتب الكتاب في اسرع

وقت علشان الاوهام اللي في دماغك دي تروح

يحي

يا مي دي مش اوهام ولا حاجة انا بقول اللي انا حاسس بيه من ناحيتك انتي مش عايزاني انا احساسي كده

مي

اسمع يا يحي اللي بيني وبينك هو اللي هيبين انا ايه المفروض ان احنا لما نبقا مخطوبين او متجوزين اني احافظ عليك وعلى بيتك وده اللي انا هعملة لاني اتربيت على الأصول دي

يحي

ماشي انا هسيبك على راحتك لاني اصلا لو مكنتش عارف انتي متربية ازاى انا مكنتش خطبتك من الاول وبعدها مشي من عندها

وفي البيت عندي رحاب قالت لي

رحاب

بقولك ايه يا اسامة انا عايزة اروح أزور ماما عشان بقالى كتير مروحتش عندها وحضرتك ولا في دماغك ولا بتقولي روحي شوفي مامتك ولا حاجة انا مش فاهمة انت بتعمل معايا كده

أسامة

يوووه الكلام بقا بتاع كل يوم هو انتي مبتزهقيش من الكلام ده لا بجد مبتزهقيش يا رحاب وهو انا يعني همنعك انك تروحي عند امك ولا همنعك انك تروحي اي مكان انتي عايزاه

رحاب

اومال ليه سايبني محب.وسة ليل نهار في الشقة من غير حتى ما تاخدني وتخرجني وتوريني الدنيا والناس هو ايه حتة ديكور في شقتك ملهاش لازمة ولا ايه

أسامة

اللهم طولك يا روح بقولك ايه يا بنت الناس من غير كلام كتير عايزة تروحي عند اهلك تعالي لما اوصلك وارجع على البيت انا عايز ارتاح انا مابصدق يجي يوم الاجازة ده عشان انام فيه

رحاب

ماهو ده اللي انا باخده منك وبس يا اسامة انا مش فاهمة هنفضل كده لحد امتى بس انا تعبت من تصرفاتك معايا بقا يا اخي تعبت انا هدخل الم هدومي وارجع على بيت امي ولما تجي انك محتاجني انا هرجع لك تاني

ودخلت فعلا امت هدومها ومشيت وامي جات وقالت لي

الام

اومال مراتك فين مش شايفاها يعني يا اسامة ايه هو انتو متحانقين ولا ايه

أسامة

راحت عند امها يا ماما ولو سمحتي متقوليش اروح اجيبها لأمها مشيت بكيفها انا معملتش لها حاجة دي هي اللي كل شوية عايزة خناق من غير سبب

الام

انا مش عارفه هي البت اللي اسمها مي دي عامله لك سحر ولا ايه اكيد بنت الكلب عاملة لك سحر عشان تكره مراتك ومتبقاش طايق تعيش معاها

أسامة

انتي ايه الكلام اللي بتقوليه ده يا ماما سحر ايه وعمل ايه بس الله يخليكي شيلي مي من دماغك مي عمرها ما تفكر تفكير شيطاني زي ده وبعدين انا مش فاهم انتي مدخلاها في كل حاجة تحصني انا ورحاب

الام

عشان انا عارفاك كويس يا قلب امك انت مش قادر تنساها وهي اكيد عماله تشتغل في الأزرق وتعمل لك الاسحار اللي تخليك انت ومراتك مش طايقين بعض كده علطول واهو يا حبيبي قدامي اهو انت ومراتك غضبانة عنز أهلها يبقا ايه سببه بقا

أسامة

سببه مش في مي يا امي سببه اني اصلا زهقت من رحاب وعمايلها وانتي اكتر واحده عارفه اني مش بحبها طيب وهنروح بعيد ليه ما انتي كنتي بتشتكي لي من عمايلها معاكي انتي كمان حصل ولا لا

الام

اه حصل هي الصراحة البت لسانها طويل ومش بتسكت لي بس انا مش عايزة بيتك يتخرب عشان اي حد وكمان عشان متستاهلش زي البت اللي اسمها مي دي يابني دي بت تربية شوارع لكن مراتك مهما تعمل تربية عيلة واب وام يعني في فرق بينهم

أسامة

ااه عندك حق طيب بقولك ايه يا امي لو عايزاها ترجع روحي رجعيها لاني مش رايح عندها

وسبتها ودخلت اوضتي وفي بيت مي كانت بتصلي ومرات عمها دخلت عليها وقالت لها

اشجان

ياسلام على الإيمان والتقوى يابت اللي هتبظ منك دي هيهيهي عامله فيها الخضرة الشريفة

مي

لا حول ولا قوة الا بالله نعم يا مرات عمي هو في حاجة كنتي جايه لي وعايزة حاجة ولا ايه

اشجان

وانا هعوز منك ايه يا بت انا اصلا مش طايقة اشوف خلقتك دي قدامي كتك القرف انا بس ياختي جايه لك عشان عمك عايزك قال ايه معاه قرشين وعايز ينزل معاكي تجيبي الحاجات اللي ناقصاكي حار ونا.ر في جتتك

مي

ربنا يسامحك يا مرات عمي بس عشان تبقى عارفه اظن انتي عارفه لوحدك ان الفلوس دي فلوس بابا الله يرحمه اللي يشغلها له يعني عمي مش بيدفع من جيبه

اشجان

والنبي ايه ده الكلام ده اللي عمك مفهمك انه هو اللي ماشي لكن ياختي عمك بيدفع من لحم الحي وبيروح يصرف عليكي وبيبقيكي على بنته اللي من لحمة ودمه كتك الهم وانتي مش بيطمر فيكي حاجة كده

قالت كده وسبتها وخرجت ومي عيطت وقالت

مي

والله انا نفسي اتجوز بس عشان اخرج من البيت ده بسببك انتي يا اشجان انا مش عارفه انتي ليه بتكرهيني كده انا عملت فيكي ايه بس استغفر الله العظيم

وفي بيت ابو رحاب كانت في اوضتها بتتكلم في التليفون وقالت

رحاب

ايوه يا حبيبي انا زهقت من العيشه معاه خالص يا احمد انت مش قولت لي اطلق منه وهتتجوزني جاي دلوقتي تقولي انك عايز تسافر وتسبني اعمل ايه انا مش طيقاه يا احمد وهو طول الوقت بيفكر في البت اللي كان عايزها قبلي دي

احمد

اهدي يا رحاب يا حبيبتي وبعدين انا عايز اسافر عشان خاطر اقدر اجيب قرشين واجي اتجوزك تكوني اطلقتي من اللي اسمه أسامة ده

رحاب

يعني هتروح وتغيب اد ايه عشان استناك لما ترجع ماهو مش هقدر استحمل العيشة معاه اكتر من كده انا بجد مش عايزاه

احمد

يعني وهو انا اللي عايزة تبقى معاه انا اصلا بغير عليكي وبمو\\ت كل لما افتكر انه بيلمسك ولا بيجي جنبك انا عايزك يا رحاب بس الصبر

رحاب

طيب انا عايزة اشوفك قبل ما تسافر اجي لك دلوقتي

احمد بارتباك

لا لا يا حبيبتي تيجي فين انا عندي جماعة اصحابي ومش هينفع خليها بس وقت تاني المهم انتي حضرتي حتتين الدهب اللي قولتي عليهم

رحاب

اه يا حبيبي انا اصلا لما سبت له البيت جبت كل الدهب بتاعي عشان اجيبهولك

احمد

انا مكنتش عايز اخد منك حاجة يا رحاب بس انتي عارفه السفر بقا وعايز فلوس اد ايه بس اوعدك اني هرجعهم لك علطول

رحاب

ولا يهمك يا حبيبي انا افديك بروحي يا روحي انت طيب انا بالليل هاجي لك ماشي

وقفلت معاه وكانت معاه واحده وقالت له

هي

ده انت طلعت دماغك دي سم يا احمد والله ده انت الشيطان يتعلم منك ههههه

احمد

اومال ايه يا زيزي انا لازم اشغل دماغي عليها عشان اقدر اخد منها اللي انا عايزة وبعدين دي واحده خاينة يعني تعمل اي حاجة عشان بس ترضي رغبتها

زيزي

يعني انت مش بتحبها وبتحبني انا وبس يا حبيبي اوعي تكون بتفكر فيها وبتقولي كده وخلاص

احمد

عيب عليكي انا مفيش في قلبي غيرك انت وبس ياقمر

وعند يحي امه قالت له

الام

خلاص حدد ميعاد الفرح على البومة اللي هتتجوزها دي يا يحي ولا كأني انا ليا رأي ولا كلمة خالص

يحي

ليه بس بتقولي كده يا امي هو انا يعني ليا غيرك في الدنيا ده انا حتى بعملك كل اللي انتي عايزاه عشان بدور على رضاكي وبس

الام

ماشي يا عين امك بس اسمع بقا انا ان كان عليا مش عايزاك تصرف كتير اه ماهي مش تقولك تعالي واعمل فرح بأد كده ومعرفش ايه وانت تروح وتصرف وخلاص اعمل حساب انك داخل على مسؤلية ومصاريف تانية كتيرة

يحي

حاضر يا أمي وبعدين انا اصلا الخير كتير معايا يعني طب دي مي دي وشها حلو عليا انتي متعرفيش لما بتدعي لي ربنا بيكرمني ازاى اصل مي يا امي مش بتسيب فرض

الام

ااه ماهو ده الكلام اللي هي ضاحكة عليك بيه يا عين امك مفيش حد بيدعي لك من قلبه غيري انا وبس ماشي

يحي

ههههه ماشي يا ست الكل ربنا يخليكي ليا يارب انا داخل اوضتي هعمل مكالمة تليفون كده عن اذنك

ودخل اوضتة واتصل بمي وقال

يحي

الووو ايوه يا مي وحشتيني يا حبيبتي عامله ايه انا كنت لسه بنجيب في سيرتك انا وامي دلوقتي بتشكر فيكي على فكرة

مي

ايه ده بجد طيب كوبس يا يحي انا مش عايزة رضاها عليا وبس يعني المهم انا مش عايزة اعمل الفرح في قاعه كبيرة كفايه نعمله في حاجة صغيرة كده يا يحي عشان خاطر يعني المصاريف وكده

يحي

لا لا ولا يهمك يا حبيبتي انا عايز اصرف براحتي وبعدين قولت لك قبل كده الخير كتير وانتي متحمليش هم ماشي المهم بس اننا نتجوز ونعيش في بيت واحد انتي متعرفيش انا بحبك اد ايه يا مي والله

مي

ربنا يخليك ليا يا يحي انا عارفه انك بتحبني بتخاف عليا جدا عشان كده انا هعمل المستحيل عشان اخليك سعيد ومبسوط معايا

يحي

ربنا مايحرمني منك ابدا ياحبيبتي يلا بقا اسيبك دلوقتي عشان لو كنتي بتعملي حاجة ولا حاجة

وقفل معاها واشجان قالت لبنتها

اشجان

شوفتي البت الزفتة عماله تكلم خطيبها ياختي في التليفون وتقوله ربنا ما يحرمني منك ومعرفش ايه بت مسهوكة بصحيح

هاله

وانتي عرفتي منين الكلام ده يا ماما بس ما تسبيها في حالها انتي بتكرهيها كده دي مي غلبانة جدا حرام عليكي بقا

اشجان

حرمت عليكي عيشتك انتي كمان هو يعني يابت كنت بعذبها ولا بعذبها منه لله ابوكي اللي جابها تعيش معانا هنا قال ايه يتيمة قال دي المفروض كانت تعيش في ملجأ

هالة

والله انا مش شايفه انها تستاهل غير كل خير ياماما لو سمحتي سبيها في حالها

اشجان

ماشي انا غلطانة اني بتكلم معاكي اصلا كتك الهم انتي وهي وابوكي

وفي يوم حنة مي كنت بجيب رحاب من عند امها للبيت وقالت لي

رحاب

ايه ده يا اسامة وده فرح مين ده بقا ان شاء الله

أسامة

ملناش دعوة بحد برحاب ممكن تدخلي بقا البيت وملكيش دعوة بحد متساليش عن حاجة

رحاب

ااه ده فرح الهانم اللي انت كنت بتحبها صح قولت لي بقا عشان كده مش عايز تتكلم في الموضوع

أسامة

بعصبية رحاب انا لسه جايبك من عند اهلك فياريت متخلنيش ارجعك ليهم تاني انا داخل اخد دش

رحاب لنفسها

ادخل ياخويا بالسلامة لما اتصل بأحمد اطمن عليه احسن كتك القرف

واتصلت بأحمد وقالت له

رحاب

ايوه يا حبيبي وحشتني اوي انا مبقتش طيقاه ولا طايقه اني اشوف وشة خالص انا عايزاك انت

في اللحظة دي دخلت عليها وقولت

أسامة بعصبيه

يابنت الكلب انتي بتخونيني انتي بتكلمي مين ها انطقي ومسكتها من رقبتها وقولت لها

أسامة

انا يا خاينة ولا اقولك انا حرام لو دخلت السج.ن في واحده زباله زيك انا هكلم ابوكي يجي ياخدك وتغوري في داهيه من هنا

وسبتها ونزلت وانا متعصب وركبت عربيتي وشوفت مي في ايد يحي ورايحين ناحية بيت عمها سوقت عربيتي زي المجنون وخبط مي واتصدمت لما شوفتها بتنزف وانهارت وقولت

اسامه

يعني معقوله طول الفترة دي ما اشوفكيش ويوم اشوفك اشوفك وانا بخبطك بالعربيه ويوم حنتك يا مي مي مي ارجوكي ردي عليا

يحيي

على اساس بقى ان انت مش خابطها قصد

علشان عرفت انها هتتجوز غيرك منك لله يا شيخ

انا هوديك في ستين داهيه

وفي الوقت ده طلب يحي الشرطة وجم قب.ضو عليا ودخلت السج.ن ومي حب راحت قصاد عيني في لحظة

وبكده تكون خلصت حكايتي