قضينا ليله العمر كلو

وقبل ما نبدأ حكايتنا اعرفكم على بطلتنا اسمها ليلى عندها 20 سنه وعايشة مع امها وابوها واختها ريهام اللي اصغر منها بسنتين وفي ليله الجيران سمعت صوت سريخ وصويت جاي من شقتهم وواحده من الجيران قالت

هو في ايه ياولاد هو الصويت ده جاي من شقة الاستاذ ابراهيم انزل يا سعيد يابني شوف في ايه

سعيد

انا فعلا سامع صوت صويت جامد وسريخ ايه ده في صوت زغاريط كمان هو في ايه ياما انا مش فاهم حاجة

الام

ما أنا بقولك يا سعيد ما تنزل لحد تحت تشوف في ايه الناس معانا في عمارة واحدة برضو والجيران لعضيهم يابني

سعيد

حاضر ياما انا نازل اهو

ونزل سعيد من شقتهم واتفاجأ ان الاستاذ ابراهيم قاعد على السلم بملابسه الداخليه وقاله

ايه ده ياعم إبراهيم انت ايه اللي مقعدك كده وايه اللي بيحصل عندك في الشقة جوه هي الانسة ليلى والإنسة ريهام والحاجة هما بيعملو

رد ابراهيم بحزن وقاله

ابدا يابني مفيش حاجة روح انت ياسعيد على شقتكم انا قاعد هنا شوية

سعيد

لا لا مايصحش تقعد كده على السلم بالمنظر ده ادخل شقتك

إبراهيم

لا لا انا قاعد مش هعرف ادخل زقوني يابني زقوني مش عارف جابو القوه اللي عندهم دي منين عمالين يصوتو ويسرخو ويرزغطو ونازلين فيها ضـ,ـرب جوه ومش عايزين يسيبوها

سعيد ارتعب من كلامه ورد بخوف وقاله

هما مين دول ونازلين في مين ضـ,ـرب طيب انت ساكت ليه كده

إبراهيم

ما أنا لو اتكلمت يا ابني هياذوني وانا مش عارف اصلا هو ايه اللي بيحصل بالظبط روح ياسعيد يابني روح انت على شقتكم

سعيد

لا لا والله ماهسيبك غير لما اجيب لك هدوم من جوه انا مش عيل عشان يحصل فيك كده وانا انت زي ابويا برضو

وخبط سعيد علي الباب وقال

افتحي يا ريهام افتحي يا ليلي هاتو هدوم لابوكم الراجل قاعد من غير هدوم مايصحش كده والله افتحو يابنااات

ردت ليلى من جوه وقالت له

امشي من عندك امشي وملكش دعوة بحاجة ياحشري انت اطلعك شقتك ومتحشرش نفسك في حاجة ها ها ها ها ها امشي

إبراهيم

متتعبش نفسك يابني محدش هيعمل حاجة عشاني اطلع شقتك ياسعيد

سعيد

والله ما انا طالع غير لما اجيب لك الهدوم انا حلفت هو ايه بالظبط ياعم ابراهيم هما بناتك مالهم

ورجع خبط تاني على الباب وقال

ياست ليلى افتحي والله مايصحش اللي بيحصل ده عيب اوي ان ابوكم يقعد كده يابنات عيب

وفجأة الباب اتفتح وكانت ليلى بس شكلها مرعب اوي وعيونها حمرا وقالت له

خود الهدوم اهيه اديها له وحسك عينك تخبط تاني على الباب انت سامع

سعيد بص لها وهو مرعوب منها وبص في الشقة من جوه وشاف امهم مرمية على الأرض غـ,ـرقانة في دـ,ـمها بس فيها الروح وريهام نازله فيها ضـ,ـرب وعماله تضحك بصوت هستيري والباب اتقفل وهو قال

الحق ياعم إبراهيم بناتك بيقـ,ــ,ـتلو امهم انت ساكت كده ليه ياراجل اتصرف بسرعه انا هبلغ الحكومة تيجي

إبراهيم

لا لا متبلغش حاجة يا سعيد ده هما في حاله ودلوقتي يفوق منها

سعيد

بقولك الست جوه بتخلص يانهار اسود دي غرقانة في دمها جوه انت لازم تتصرف ياعم ابراهيم هو ايه اللي بيحصل بالظبط

إبراهيم

اتصل باخواتهم يابني اخواتهم الكبار خليهم يجو دلوقتي عشان يشوفو ايه اللي بيحصل جوه يمكن يلحقو امهم

نزلت ام سعيد وقالت له

انت مالك كده يا راجل انت بيقولك البنات بيقـ,ــ,ـتلو امهم جوه وانت قاعد كده ولا همك ما تقوم تلحق مراتك ليخلصو عليها افتحوووو افتحوووو

.

واتلمو كل سكان العمارة قدام شقه ابراهيم ومفيش فايدة مش عارفين يكسرو الباب

لحد لما جم اخوهم الكبيرة واختهم وقالو لابوهم

هو في ايه يا بابا هو اللي بيحصل جوه ده ما تقولنا في ايه بالظبط بناتك مالهم

رد عليهم بكل برود وقال لهم

إبراهيم

اخواتكم ماسكين امكم جوه ونازلين فيها ضـ,ـرب هيخلصو عليها

الأخت الكبيرة سهير قالت له

يانهار اسود ومنيل وانت ساكت كده وقالت لاخوها الكبير اكسر الباب ياحازم خلينا نشوف في ايه جوه

وكسرو الباب بمساعدة الجيران ودخلو على ليلى وريهام اللي كان شكلهم مرعب اوي وحازم قالهم

انتو عاملين كده يابت انتي وهي انتو عملتو في امكم ايه منكم لله

وساعتها نزلو في اخوهم ضـ,ـرب جامد ويصوتو ويسرخو ويرزغطو ويضحكو والناس كانت مستغربة من تصرفاتهم المجنونة دي ردت ام سعيد وقالت كتفوهم ياولاد

وراح عليهم سعيد وحازم اخوهم كتفوهم بالعافيه لحد لما هديو

سهير

انتو علمتو ايه في امكم ياماما قومي معايا على الحمام قومي سندها معايا ياحازم خلينا ادخلها الحمام عشان اغسلها وشها ده من الدـ,ـم يلا بسرعه

ومسكت سهير وحازم امهم ودخلو الحمام ام سعيد قالت

ليه كده يا ليلي انتي وريهام بتعملو في امكم كده ليه يا بنتي هي عملت ايه عشان تعملو كده

سعيد

حتى لو عملت حاجة هما برضو ليهم الحق انهم يعملو فيها كده ده ايه الهبل ده

ليلى برقت لسعيد وقالت له

وانت مالك انت بتتدخل ليه احنا كنا بنخرجة منها

سعيد

هو ايه ده اللي بتخرجوه منها ده بقا

ريهام زعقت وقالت له

الجن اللي عليها خليك في حالك يا سعيييد انت وامك ويلا كل واحد يروح لحاله ملكوش دعوة بينا يلااااا

إبراهيم

عيب كده يا ليلي يابنتي انتي وريهام الناس ضيوف عندنا عايزين يطمن على امكم اسكتي انتي وهي محدش يتكلم كده

وفي الوقت ده الحكومة جات الظابط قال

في بلاغ جالنا ان في حد بيضـ,ـرب امه ايه اللي بيحصل هنا بالظبط

إبراهيم

مفيش حاجة يابني خالص دي خناقة عادية بين مراتي والبنات عادي ياحضرت الظابط مفيش حاجة

الظابط

يعني مافيش حاجة حصلت هنا اومال الناس دي بتعمل ايه هنا

سعيد

احنا الجيران يافندم وكنا هنا بنسلك الخناقة اللي حاصله هنا مفيش خالص حضرتك دول اهل في بعضهم اتفضل حضرتك

ومشي الظابط والعساكر اللي معاه وفجأة ريهام جالها قوه غريبة هي وليلى في لحظة واحده هما الاتنين اول لما شافو امهم خارجين بيها من الحمام راحو واخدينها وزاقينها تاني في الحمام وسهير صوتت وقالت

لا يا ريهاااام امك يا ريهاااام افتحي يا ليلي حرام علييكم امكم يابنااات
إبراهيم

افتحي يا ريهام خرجو امكم يابنتي من جوه ماينفعش كده يا ليلي ليلي يا ريهام

وكل ده وهما جوه نازلين في امهم ضـ,ـرب حازم قالهم

افتحي يا بنت منك ليها افتحي سيبو امكم سيبوها

ليلى فضلت تكسر في سيراميك الحمام بالقوة اللي عندها وتكسر في المرايا بتاعت الحمام وفضلت

ابعد ياحازم لو قربت هخلص عليك انت واللي معاك ابعدووو كلكم ابعدووو هاهاهاها هاهاهاها اااااه وفضلت على ده الحال تضحك وتسرخ وتصوت لحد لما فتحو الباب بتاع الحمام عشان الناس تتفاجأ بمنظر بشع جدا

لقو الام غرقانة في دـ,ـمها وخلاص مـ,ـاتت وريهام من غير هدوم خالص وجسمها كله دم وليلى قاعده في جنب في الحمام وريهام

خلاص خرجنا الجن اللي عليها هي كده خلاص بقت كويسة

حازم وسهير بصو لامهم وقالو لها

انتو عملتو ايه في امنا يا ريهام انت وليلى ياماما ياماما امنا مـ,ـاتت حرام عليكم ليه كده

حازم

إسعاف ياناااس اتصلو بالاسعاف بسرعة

ام سعيد

انت يا راجل يلي اسمك ابراهيم انت خليت الظابط يمشي ليه كنت خليته خدهم يا راجل انت مراتك راحت فيها منكم لله وانت كمان ساكتين كده كلكم كنتو ساكتين

حازم

ما انتي شوفتي يا خالتي ام سعيد محدش قادر عليهم هنعمل ايه بس

ام سعيد

بلغو الحكومة اللي بيحصل ده مش طبيعي لا مش طبيعي حرام عليكم ياناس الوليه ماتت هو في ايه اللي بيحصل ده بس

وفي اللحظة دي الدنيا اتقلبت والحكومة جات والاسعاف اخدت جـ,ـثة الام على المشـ,ـرحة واتقبض على ريهام وليلى وكيل النيابة قالهم

مين اللي عمل في امكم كده انطقي منك ليها

ليلى

مش احنا ده هو اللي قالنا نعمل فيها كده قالنا نخلص عليها قبل ماهو اللي يخلص عليها احنا خوفنا عليها منه لأنها لو كانت هو اللي خلص عليها كان زمان قطع جتتها واكلها

الظابط

انتي هتستعبطي يابت هو مين ده ياختي اللي قالك اقتـ,ــ,ـلي امك واعملي فيها اللي عملتيه ده انتي واختك

ليلى

صدقني هو اللي قالنا نعمل فيها كده والا كان زمانها متقطعة دلوقتي

ريهام

ليلى عندها حق هو فعلا قالنا كده واحنا كان لازم منفذ اللي هو بيقولو والا كان هياذينا احنا كمان ده قوي وجبااار

الظابط بعصبيه

استغفر الله العظيم يارب انتو جاين تسوق الهبل عندي هنا يابت منك ليها انا مش عايز هيل وعبط وانطقي منك ليها مين ده اللي قالكم تعملو في امكم كده

ليلى وريهام بصو لبعض وريهام قالت له

هو حضرتك مش عايز تصدقنا ليه احنا قولنا السبب اللي خلانا نعمل كده عايزنا نقول ايه تاني

الظابط

انتي مقولتيش هو مين اللي قال لكم تعملو كده وعمالين تقولو كلام غريب اوي وانا مش فاهم منكم حاجة خالص انتو ايه اللي عملتوه ده وعملتوه ليه انطقي منك ليها

فضلو ساكتين ومش عايزين يتكلمو وبعد شوية ريهام قالت

امي كان عليها جن وقوي خالص وهو اللي خلانا نعمل فيها كده انت عارف يابيه لو مكناش عملنا كان زمانه هو اللي عمل اكتر من كده هاهاهاهاها

وفضلت تضحك قدامة وتصوت وتسرخ وليلى عملت نفس الحكاية وفجأة الاتنين وقعو في الأرض بوجع في بطنهم وفضلو يرجعو ماده بيضة كده والضابط قال

ياعسكري ياعسكري اطلب الإسعاف بسرعه يلا بسرعه

وبعدها نقلوهم المستشفى وبعد يومين لما فاقو ابوهم وحازم سالو الدكتور وقالهم

هما كان عندهم حالة تسـ,ـمم من كمية الازازة اللي كانو بيكسروها وكمية الدـ,ـم اللي جات في بوقهم من الجـ,ـثة اللي قـ,ــ,ـتلوها هما مش مدركين هما عملو ايه

حازم

احنا لحد دلوقتي مش عارفين هما عملو في امنا كده ليه يا دكتور ولا عارفين ايه اللي دفعهم لكده

الدكتور

على العموم النيابة بعتت لي اخطار بأنهم محولين على مستشفى الأمراض النفسية والعصبية وهناك هما هيكشفو على سلامة قواهم العقليه

وفعلا بعدها بيومين فاقو من التسمم اللي كان عندهم وفي المستشفى ابوهم وأخوه واختهم راحو لهم زيارة ولما ريهام عرفت ان امها ماتت قالت

ماما ماتت طيب ازاى يابابا ماتت ازاى

سهير

انتي هتستهبلي يا ريهام ما انتي واختك ليلى اللي عملتو فيها ولا انتو مكنتوش في واعيكم ولا ايه بالظبط

حازم

اسمعي يابت انتي وهي انتو عملتو مصيبة في امكم انتو عذبتوها وقـ,ــ,ـتلتوها وكانت غرقانة في دمها منكم لله ربنا ينتقم منكم

انهارت ليلى واختها ريهام وقالو

والله ما نعرف حاجة من اللي بتقول عليها دي احنا منعرفش ان احنا عملنا كده في أمك ياحازم منعرفش منها لله عواطف اكيد هي السبب في اللي حصل لنا ده

سهير

وعواطف مالها يابت انتي وهي بالحكاية دي انتو هترمو بلاكم على الناس كمان ولا ايه لا انتو تشوفو بلوه تانية ترموها على الناس

ليلى

صدقي يا سهير هي عواطف اللي اكيد عملت فينا كده عشان انا متأكده من الليلة اياها وانا ريهام اختك كده وحالتنا كده

حازم

حالة ايه بقا دي يا ريهام انتي وليلى ما تقولو كل حاجة يمكن نلاقي حاجة تخرجكم من اللي انتو فيه ده بس انا لو مكان القاضي وربي انا احكم عليكم بالإعدام من اول جلسة بقا تعملو في امنا كده

إبراهيم بيعيط وقال لهم

انا مكنتش قادر احوشها من أيديكم لحد لما خصلتو عليها قدامي انت عملت فيا عمايل محدش يعملها ابدا ليه كده يابنات انتو اللي حصل لكم

ليلى بتعيط

والله يا يا بابا انا مش فاكرة حاجة خالص صدقني انا مش عارفه ده حصل امتى وازاي انا حاسة اني كنت نايمة وانتو صاحتوني من النوم

ريهام بتعيط

وانا كمان والله يابابا مش عارفه انا عملت كده ازاى خالص مش عارفه حاجة

سهير

طيب عواطف مالها بحكايتكم دي بقا احكي لنا يا ريهام انتي وليلى عايزين نعرف

حازم

ياريت بسرعه قبل الزيارة ماتخلص

سهير

انتو بقالكم فترة اصلا بتتكلم بلغه غريبة اوي وبتعملو حاجات غريبة دي امكم كانت بتشتكي لي من تصرفاتكم دي انتو ايه اللي صابكم

إبراهيم

يابنتي دي حكاية انا عارفها كويس انا وانكم بقالنا فترة كبيرة عايشين مع اخواتكم اللي دايما عندهم صرع بتيجي لهم ويفضلو يتكلمو كلام مش مفهوم

حازم

ايوه انا مره سالتك يا بابا هي ريهام بتتكلم كده ليه انت قولت لي متحطش في دماغك يابني وسكت أيامها

سهير

ايوه ايوه ياحازم انا عيالي في مره كانو عند ماما في البيت وسمعو ليلى بتتكلم لغه غريبة والعيال جم عندي مرعوبين وقالو انهم مش هيروحو تاني عند جدتهم ولا عند بابا اصلا

ليلى

ماهو من اللي حصل لنا الموضوع اللي حصل معانا وابوكم مكانش عايز يعرف حد ابدا بيه عشان يعني سمعتنا في المنطقة يا سهير

ريهام

انا هحكي لكم من حوالي اربع شهور كنت سهرانة انا وليلى لوحدنا

#فلاش باك

ليلى وريهام بيتفرجو على التليفزيون وفجأة ليلى شافت قطه قدامها واتخضت وقالت

بسم الله الرحمن الرحيم ايه ده دي جات منين القطة السوده دي يا ريهام هو باب الشقه مفتوح ولا ايه اوعي تكوني ناسياه مفتوح

ريهام

مفتوح ازاى يابنتي ده الوقت متأخر ده احنا في نص الليل انا معرفش دي جات منين اصلا بقول لك ايه متحطش في بالك انا هخرجها برة البيت

وفضلت ريهام تمشي فيها وهي مش راضية تمشي خالص واقفه وباصه لليلى باصه مرعبة اوي وهما خايفين

ريهام

وبعدين يا ليلي دي مش عايزة تتحرك من مكانها خالص هنعمل ايه

ليلى

خلاص سبيها بقولك ايه روحي اعملي لنا كوبايتين شاي هي هتفضل واقفه كده وبعدين اكيد هتزهق وتمشي

ريهام

انا بقول هي اكيد جايه من شباك المطبخ ماهي امك كانت عاملة سمك النهاردة عشان كده جات

ليلى

خلاص سيبها بقا ومتركزيش معاها روحي اعملي انتي الشاي يلا روحي بقا خلينا نسهر

ودخلت ريهام المطبخ وليلي قالت للقطه

انتي هتفضلي باصه لي كده لا بقولك ايه انا مش بخاف منكم متعمليش عليا الشويتين دول

وفجأة القطه بدأت تقرب من ليلى واحده واحده لحد لما نطت في هدوم ليلى واختفت القطه ليلى سرخت وقالت

الحقوني الحقوني

جم جري ابوها وامها اللي كانو نايمين وريهام جات من المطبخ بسرعه وقالت

في ايه يا ليلي والاب قال

هو في ايه يا ليلي

وكذلك امها وليلى على وشها كل. رعب الدنيا ومبرقة ومش قادرة تتكلم ولا تنطق وفضلت باصه لهم وامهم قالت

هو في ايه يا ريهام هي اختك مالها كده

ريهام

معرفش يا ماما انا كنت في المطبخ انا سبتها هنا وكانت في قطه معاها راحت فين القطه ممكن تكون مشيت من هنا دلوقتي

إبراهيم

قطتة ايه وهتيجي منين القطة دي اصلا يعني يلا يا وليه تعالي ندخل نكمل نومنا ودخلو الاوضة بتاعت نومهم وليلى قالت لريهام

القطه نطت فيا ومعرفش راحت فين انا مرعوبة ومش قادرة اتكلم ولا كلمة

وفي الوقت ده لاقو قطه تانيه وبتبص نفس بصت القطه اللي قبلها وريهام قالت

هو ايه حكاية القطط دي بقاااا هما بيجيو منين انا ابتديت اخاف يا ليلي هو في ايه

و القطه فضلت باصه لريهام وفجأة نطت في هدومها هي كمان وفضلت تصوت وتسرخ وتقول يامامااااا يابابااااا

إبراهيم كان جوه قال لمراته

وبعدين في ولاد الكلب دول يعني اطلع لهم اطلع عنيهم ولا اعمل ايه

الام

سيبك منهم ونام ياخويا هو احنا فينا صحة لفردتة العيال دي بناتكم دول اصلهم هايفين خالص سيبك منهم ونام

وفعلا نامو ومحدش فيهم سال في البنات اللي بدوا يشوفو حاجات غريبة وخيالات في الشقه وحاجات بتمشي على الحيطة

وليلى بدأت كل يوم تصوت هي وريهام ويسرخو وابوهم مش عارف فيهم ايه لحد في يوم مراته قالت له

بنات محتاجين شيخ يا ابراهيم يجي يشوفهم مالهم ياخويا انا حاسه انهم ملبوسين ااه دول فعلا ملبوسين بقولك ايه انت تشوف واحد بيعالج القرآن

إبراهيم.

ولا اني انا اصلا مش بحب الحاجات دي ولا بصدق فيها يامنيرة بس هعمل ايه لازم اشوف حكايتهم ايه البنات بقو مرعبين اوي وطريقتهم مرعبه جدا

منيرة

ايوه يا ابراهيم لازم تشوف شيخ يجي لهم ضروري

وفعلا سال إبراهيم عن واحد شيخ بيعالج بالقرآن وقالهم

البنات معمول لهم سحر اسود والسحر ده بيخليهم يعملو كده انا عايز اعرف ياحاج إبراهيم هما بيتعاملو مع مين بالظبط

ابراهيم قال له

هما مش بيتعاملو مع حد غريب يا شيخ غير الجيران والناس اللي حوالينا انا مش فاهم هو انت تقصد ايه بكلامك ده

الشيخ

ده معمول لهم من حد قريب منهم مش قريب لا ده صديق اكيد صديقة لهم هي اللي عملت فيهم كده

منيرة

ومين دي يا ابراهيم اللي تكون عملت فيهم كده بس هما البنات يعرفو مين وبيقعدو معاه كتير غير عواطف جارتنا

ودخل الشيخ لليلى وريهام اللي كانت عيونهم مبرقه الاتنين وعمالين يصوتو بشكل مرعب وقالهم

انت تعرفو عواطف هي عملت فيكم حاجة يا ليلي انتي وريهام

ليلى.

عواطف دي مؤذية اصلا بتاعت أعمال وبتعمل سحر اسود ومخاوية الجن واحنا كنا بتقعد معاها وكانت بتحكي لنا كل حاجة وفي أسرار بينا احنا وهي بس محدش يعرفها

الشيخ

أسرار ايه دي يا ليلي قولي لي

ريهام

اوعي تقولي حاجه يا ليلي عواطف قالت لنا لو طلعتو السر بره هتعمل لنا عمل اسود وهي فعلا عملت كده مع ان مفيش واحده فينا طلعت سرها برة ابدا بس عواطف دي مجنونة

الشيخ

هي عواطف دي بتشتغل ايه يا حاج إبراهيم
إبراهيم

عواطف دي بتشتغل في المشـ,ـرحة يا شيخ والناس كلها كانت بتقول انها مخاوية الجـ,ـن وبتكلم الأمـ,ـوات وبيردو عليها وبتسخر الجـ,ـن والعـ,ـفاريت كلام كتير اتقال عليها كده هي كانت ساكنة في الدور اللي فوقينا بس مشيت من شهر محدش عارف راحت فين

الشيخ

طيب هي قفلت شقتها ولا باعتها ولا عملت فيها ايه يا حاج إبراهيم

إبراهيم

شقتها مقفولة من ساعت لما مشيت اصلها مسكونة بالجن احنا من يوم ما مشيت واحنا بنسمع اصوات غريبة في الشقه بتاعتها السكان خافو بس هنعمل ايه هانروح فين

الشيخ

على العموم انا مش عايز سورة البقرة تتقطع من البيت هنا عشان البنات يبقو كويسين

ومشي الشيخ من عنده وكل ده حصل ومحدش حس بحاجة ابدا لحد في يوم قبل اللي حصل لهم ده راحت عندهم عواطف ودخلت ومنيرة قالت لها

مين عواطف انتي ايه اللي جابك هنا تاني هو انتي مش خلاص مشيتي من هنا وسبتي لنا اللعـ,ـنة في البيت عايزة ايه تاني

عواطف

لعنة ايه يا ولية انتي انا لعنة برضو ولا بناتك ياختي هما اللي طلعو معندهمش اصل انا مالي بيهم

منيرة

هو انتي مش عملتي لهم سحر اسود الشيخ ثال لنا انك عملتي سحر اسود للبنات

عواطف

بقولك ايه يا وليه انتي انتي عايزة تلبسيني مصيبة ولا ايه سحر ايه وكلام فارغ ايه السحر والقـ,ـرف ده انتو اللي تعرفوه مش انا

منيرة

حرام عليكي يا عواطف ده انتي معروف عنك عفاريتك اللي انتي عايشة معاهم ولا احنا مش عارفين شغلك في المشـ,ـرحة ومع الأمـ,ـوات ليل نهار عايشة وسطهم عايزة ايه تاني

عواطف

انتي شكلك مش عايزة تجبيها لبر معايا على العموم اللي جبتيه لنفسك اومال فين ليلى وريهام هما جوه انا داخله لهم

وبصت عواطف لمنيرة بصه مرعبه اوي خوفتها منها ودخلت اوضتة ليلى وريهام وقالت له

شوفتو الوليه امكم الخرفانة بتقول ايه يا ليلي انتي وريهام عجبكم كده

ليلى

انتي ايه اللي جابك هنا يالي اسمك عواطف انتي يلا غوري من هنا مش عايزين نشوفك

عواطف

بقا كده يا ليلي بتطرديني ليه هو انا كنت عملت لكم ايه يابت انتي وهي يعني ااه ياني ياغلبانة وكنت فاكراكم اخواتي البنات اللي مليش غيركم

ريهام

اخوات البنات تقومي تأذينا بالسحر الأسود اللي انتي عملتيه لينا انتي جايه عايزة مننا ايه ياعواطف وليلى قالت لك غوري من هنا يبقا تغوري يلا امشي

عواطف

تعالي بس يازيهام وانا هفهمك اللي حصل بالظبط

ومسكت ودان ريهام وفضلت تقولها كلام في ودنها كلام غريب وريهام بتسمع ومبرقة عيونها وليلى قالت لها

هو في ايه انتي بتقولي لها ايه يا عواطف بتقول لك ايه ياريهام

عواطف

تعالي لما اقولك انا بقول لها ايه مش هينفع اقولك بصوت عالي

ومسكت ودان ليلى وفضلت تقول لها كلام غريب اوي وليلى عملت زي ريهام بالظبط ومبرقة عيونها الاتنين وعواطف عماله تتكلم في ودانها وبس

وبعدها خرجت بره وقالت لامهم

انا اتصالحت انا والبنات يا ام حازم خلاص بقولك ايه انتي بقا ابقي سلمي لي على امي وابويا لما تروحي لهم ان شاء الله انا ماشية بقا بالاذن انا

قالت كلامها ده ومشيت من قدامها وفضلت منيرة مستغربة من كلامها وفي الليلة اللي كانت كلها رعب دي قامت ليلى وريهام كتفو امهم ونزلو فيها ضـ,ـرب لحد لما مـ,ـاتت

#باااااااك

ورجع من الحكاية دي وحازم قال لهم

يعني سلمت نفسكم للشيـ,ـطان اللي اسمها عواطف هي البي عملت كده فيكم وخلاتكم تقتـ,ــ,ـلو امكم انا لازم ابلغ عنها يا بابا

سهير

ايوه دي لازم تروح في ستين داهيه

إبراهيم

بس هتبلغ وتقول ايه للحكومة يا حازم يابني هتقوله انها كانت مخاوية الجن انت عارف يابني ان الحكومة مش بتاخد بالكلام ده

سهير

طب والعمل ايه يا بابا هنعمل ايه يعني دلوقتي اخواتي هيتعدمو

ليلى بتعيط

والله كان غصب عننا اللي حصل ده انا اصلا مش فاكرة اللي حصل خالص

ريهام

وانا كمان يابابا انا مش هستحمل اني اعيش وانا عامله كده في امي حبيبتي هنعيش ازاى من بعدها يا بابا سامحنا سامحونا كلكم

إبراهيم

ربنا يسامحكم يابنتي ربنا يسامحكم يلا بينا ياحازم انت وسهير نمشي من هنا يابني يلا

ومشي ابوهم وأخواتهم وفضلو ليلى وريهام يعيطو وانهارو وفضلت التحقيقات شغاله وقبضو على عواطف ولاقوة شقتها كلها طلاسم واسحار

و الظابط قال للمساعد بتاعه

القضية دي غريبة اوي يا مصطفى انتي عارف انا لحد دلوقتي كل حكايه اسمعها اعرف ان الجن هو الي وراها وانا مش عارف اعمل ايه هبقض على الجن ده منين

مصطفى

يامحمد بيه هو احنا من امتى واحنا بناخد بالكلام ده بس جن ايه وعفاريت ايه يافندم اللي عملو الجريمة دي بني ادمين مش جن

محمد

بس اللي وصلهم للي هما عملوه ده الجن الشيخ اللي بيعالجهم بالقرآن أكد الكلام ده طب انت عارف ان ابوهم ساب الشقه ومشي والجيران بتقول ان لحد النهارده بيطلع منها صوت صويت وسريخ وزغاريط وأصوات غريبة اوي

مصطفى

طيب احنا هنقفل القضية دي على دلوقتي انا مش فاهم حاجة

محمد

اكيد القضية هتتقفل على اتهام ليلى وريهام بقتـ,ــ,ـل امهم لأنهم فعلا قـ,ــ,ـتلو امهم ومهما يعملو مفيش حاجة هتشفع لهم

مصطفى

فعلا لان هما اللي عملو كده وخلصو على الست قدام كل الناس والجيران

محمد

يبقا هما مش الجن والكلام الفاضى ده

وعدت الايام في التحقيقات من النيابه للمستشفى اللي فيها ليلى وريهام لحد في يوم ما المستشفى كلها صحيت على صويت الممرضة اللي دخلت اوضتة ريهام وليلى ولاقتهم مشنـ,ـوقين الاتنين انتـ,ـحروا

والكلام اللي اتقال ان الجن برضو هو اللي عمل فيهم كده اتقفلت القضية بتاعتهم بس البيت بقا مسكون والناس بقت تخاف تقرب من شقتهم وشقة عواطف

وبكده تكون خلصت حكايتنا