كل يوم بشوف جوزي

كل يوم بشوف حد ميت بيعاشـ,ـر جوزي وانا نايمه والسبب الي كان بيعملو في بنات البلد

وقبل ما ابدا حكايتي اعرفكم بنفسي انا فاطمه عندي 20سنه وقاعده مع ماما وبابا وفي مره صحيت علي صوت مرات ابويا وهيه بتقول.

وفاء

قومي يا بت يا فاطمه هو انتي لسه نايمه لحد انا جايبه ليكي حتت خبر انما ايه هيفرحك قوووي

خلاص العقده هتتفك وجاي ليكي عريس انما اي لقطه ما قولكيش عليه ادب واخلاق ومن احسن نااس البلد

فاطمه

عريس اي الي علي الصبح كده وخدي هنا هو انتي مش رافضه اي عريس يجي ليا

وبالذات انك مش عاوزه ابويا يدفع جنيه واحد في جهازي من امتي بقي انك بتفرحيلي لما بيتقدملي عريس

وفاء

ما اللي جاي ده مش عاوز منك اي حاجه وعاوزك بالهدوم الي عليكي

يعني هيوفر علينا كتير قوووي لا هندفع فلزس جهاز ولا فرح ولا اي حاجه هو هيشيل الجمل بما حمل

فاطمه

ومن ده بقا ان شاء الله الي يوافق بحاجه زي دي

اتكلمي يا مـ,ـىات ابويا انا مش مرتاحالك اصلا

وفاء

عارفه سعيد سلف اختك سماح جاي وطالب ايدم

ولسه قافله معايا وقالت اظبط الدنيا علي بليل.

فاطمه

لا لا قولي اكيد انك بتهزري سعيد مين ده الي اوافق عليه هو انتي مش عارفه الي فيها يا مرات ابويا

وفاء

نعم نعم يا حبيبتي كلام اي الي انتي بتقوليه ده ان شاء الله هو انتي يا بنت عاوزه تقعدي في قرابيزي انا وابوكي طول العمر ولا اي

احنا موافقين ولو كده هنخلي كتب الكتاب اخر الاسبوع كفايه عليكي لحد كده تكوني جهزتي نفسك

فاطمه بدموع

حرام عليكم والله الي بتعملو فيا دا يرضي مين الي انتم عاوزين تعملو فيا ده اتجوز واحد. زي ده ليه والله حرام

وفاء

حرمت عليكي عشتك يا بنت انتي بقا انتي بتقولي ليا انا الكلام ده انتي ما تعرفيش انا هعمل فيكي اي

يا سيد يا سيد تعالي شوف بنتك بتتكلم معايا الزاي

سيد دخل عندهم وقال

يا فتاح يا عليم يا رزاق يا كريم في اي الي بيحصل هنا وانتي يا بت انتي كل يوم لازم تصحي علي علقه انا تعبت منك ومن وشك ده زمشاكلك ما تسمعي الكلام وانتي حاطه جزمه في بوقك

فاطمه

يا بابا اسمعني وشوف مراتك بتقول اي تصور انها عاوزاني اتجوز سعيد اخو جوز سماح يرضي مين ده

وانت عارف كويس ان عندو القلب وبياخد نفسو بالعافيه ورجلو والقبر

سيد

ما ليس في كل الكلام ده الي اعرفو ان مش هيغرمني جنيه هو انتي شيفاني قاعد علي بنك علشان اقدر اجهزك

وعدي يومك علشان ما تزعليش من الي هيحصل فيكي

وبيروح واخد وفاء وبيخرجو بره

وعند سماح كانت قاعده تحت رجل حماتها وبتقول ليها

سماح

خلاص يا حماتي سعيد هيفرح وماما لسه مكلماني وقالت تيجو وتشرفو في اي وقت

الحما

انتي ما تعرفيش يا بت يا سماح انا مبسوطه اد اي وبالذات كنت شايفه سعيد كل يوم والتاني بيكبر قدام وكل ما نروح لوحده تتنك وترفضو

بس انتي واثقه من البت فاطمه انها وافقت ومش هتكسر بخاطر ابني

سماح

طبعا وافقت هيه هتلاقي زي سعيد فين هيه كانت تحلم بيه اطمني انتي يا حماتي وحطي في بطنك بطيخه صيفي فاطمه لسعيد. وسعيد لفاطمه وهتيعده وهتحطه في عينيها

الحما

يا بت افهميني مش القصد انا قصدي يعني البنت حلوه قووي الزاي توافق علي سعيد

وهو تعبان كده علشان كده استغربت ازاي وافقت بالسهوله دي انا قلقانه يا بت

سماح

لا طبعا ما تقلقيش ماما قعدت معاها واقنعتها وغير كده هو في حد معبرها ولا بيبص في وشها دي دخلت علي العشرين وملبستش دبله حتي

الحما

طمنتيني علشان انا مش عاوزه واحدهتيجي تتنك عليه علشان لو ده حصل انتي عارفه كويس انا هعمل فيها وفيكي اي يا سماح

سماح

ما تقلقيش يا حماتي دي هتبقي زي الخاتم في صباعك هتقوللها يمين يمين شمال شمال علي العموم انا خلصت كل الشغل البيت هلبس بقا علشان اروح ليها واجهزها دي برضو عروسه ومحتجاني جنبيها النهارده وكده بقي زي ما انتي فاهمه

الحما

طب روحي وانا هطلع اكلم سعيد وافرحو انتي ما تغرفيش حوار الجواز ده ماثر غلي نفسيتو اد اي

وبتروح سايباها وبتطلع عند سعيد وسماح بتيحي ليا

واول ما بتدخل عليا بتلاقيني بعيط فجات قعدت جنبي وقالت

سماح

مالك يا بت الي يشوفك كده يقول انك مايت ليكي ميت في اي ان شاء الله

فاطمه

ابوس ايدك يا سماح كلمي امك وخليها تشيل فكره الجواز دي من دماغها خالص

انا لو اتجوزت الي اسمو سعيد ده هيحصل ليا حاجه بالله عليكي با سماح انا اختك برضو واكيد مش هارضيلي بالتعب

سماح

ما يحصل ولا تغوري في داهيه انا ما صدقت ان حماتي رضيت عليا لما قولتلها انك وافقتي عليه

ولو الجوازه اتفركشك بسببك يبقي هتشوفي غلي ايدي ايام اسود من قرن الخروب وهخلي امي تسود عيشتك اكتر ما هي سودا

فاطمه ببكاء

انا مش فاهمه هو انتي ليه بتعملي فيا كده هو انا مش بصعب عليكي دا احنا يعتبر متربين سوااا

سماح

بقولك اي يا بنت انتي بطلي دموع التماسيح دي علشان مش هتخيل عليا ويلا قومي خدي شاور واجهزي قبل ما يجو انا مش عاوزه سعيد يحس انك مغصوبه سمعتي يا بنت اضحكي كده في وشهم وقابليهم كويس

وبتروح مخلصه كلامها وبتخرج بره الاوضه وانا بقعد اعيط ومش عارفه اتصرف ازاي ولا اعمل ايه

وعند سعيد بتروح امه عنده وهو قاعد في اوضته وبتقوله وعي مبسووطه

الام

ابسط يا سعيد البت سماح قالت ان البت فاطمه وافقت عليك ولو كده هنروح نتقدم ليها النهارظه وعلي الاخر الاسبوع تكتب عليها

سعيد بضيق

برصضو يا ماما عملتي الي في دماغك ما انتي عارفه كويس الي فيها والدكتور محظرني من الموضوع ده

الحما

همه الدكاتره دول بيفهمو حاجه برضو ولا انت عاجبك كده قعدتك من غير جواز والي اصفر منك بقا معاه بدل العيل اربعه وخمسه

سعيد بضيق

بس يا اما انا ممكن اتعب وو

الام

ما فيش بس وبطل التشاؤم الي عندك ده ويلا بقا قوم خد شاور وجهز نفسك انت ما تعرفش انا مبسوطه اد اي انك هتتجوز واشوفك عريس

سعيد

خلاص يا ماما انزلي وانا لما اجهز نفسي هنزل وراكي

الحما

ماشي يا حبيبي بس مش عاوزاك تتاخر علشان مش قادره اطلع ليك تاني بتروح

قالت كلامها ومشيت واول ما بينزل سعيد بيفضل يكلم نفسو وبيقولها

سعيد

هتصرف انا ازاي دلوقتي افرض حصل ليا حاجه ساعتها انا هعمل اي وبدا يفتكر لما خرج من اوضه العمـ,ـليات وراح للدكتور الي متابع معاه وقاله

#فلاااش باك

سعيد

طمني يا دكتور العمليه نجحت ولا لا بصراحه كده انا حاسس ان في حاجه غلط وحاسس ان ما فيش اي تحسن

الدكتور

انا مش عارف اقولك اي يا سعيد بس احنا عملنا الي ربنا قدرنا عليه وبصراحه كده احنا فتحنا الصمامات علي قد ما نقدر بس هو

سعيد

في اي يا دكتور ما تتكلم علي طول انا مش فاهم حاجه

الدكتور

في ان انت هتعيش كده بس اي مجهود او حركه شديده ممكن عضله القلب تقف خالص

وبالحاله بتاعتك دي مش هتفع ليك جواز هتتعب وقتها وهتروح فيها

ام. سعيد

كلام اي الي انت بتقولو ده ياكتور ان شاء الله امال هو عمل العـ,ـمليه ليه علشان مش يبقي كويس وانت جاي دلوقتي بتقول الكلام ده لا انا ابني هيتجوز ده راجل وسيد الرجاله

سعيد

اهدي يا ماما ما يصحش الي بتقوليه ده واكيد الدكتور عارف شغله كويس

الدكتور

والله يا حجه احنا عملنا الي ربنا قدرنا عليه

بس قي حاله سعيد زي ما قولتلك ولو في حاجه اقدر اعملها كنت عملتها

سعيد

انا فاهم كل ده وشوف العلاج الي اخدو عشان نمشي

وبيروح واخد امه ويمشو وكل ما امه تفاتحو في موضوع الجواز يرفض لحد ما بتروح ليها سماح الي اول ما بتشوفها حماتها بتقول

الحما

هو انتي يا بنت جايه وقاعده كمان وسايبه الشغل الي في ايدك دا انتي يومك اسود من قرن الخروب

سماح

اهدي بس يا حماتي دا انا جايه ليكي في مصلحه

ولو عرفتي جايه اقولك اي مش هتتكلمي معايا كده

الحما

ياما جاب الغراب لامو هو انتي يا بت بيطلع منك كلام عدل تلاقيكي جايه تقوليلي بنت فلان اطلقت ولا اتجوزت

سماح

لا طبعا هو انا هقول كده برضو دا انا جايه علشان افك ليكي عقده سعيد مش برضو كل يوم والتاني عند واحده بتتقدمي ليها

وبنات البلد شايفين نفسهم عليه وبيرفضو

الحما بغيظ

وبتفكريني ليه يا بنت بالحوار ده دا انتي ما تعرفيش الحسره الي بتبقي في قلبي بسبب كده

انا مش فاهمه هيه البنات جرا قي عقلهم اي علشان يرفضو سعيد

سماح

اهدي بس يا حماتي انا جايه علشان اقولك عروستك عندي انتي عارفه البنت فاطمه بنت جوز امي بنت ما فيش منها اتنين اي رايك لو تجوزيها لسعيد

الحما

هو انتي عبيطه يا بنت هو انتي مش شايفه هيه عامله ازاي وغير كده فرق السن الي بينها وبين سعيد

سماح

الكلام ده تقوليه لاي واحده تانيه غيري انا مستحسل افاتحك في الحوار ده الا انا ماليه ايدي بيه

الحما

وانا ما عنديش اعتراض انا كل الي انا عاوزاه اشوف سعيد قاعد ومعاه مراتو هعوز اي اكتر من كده وكده كده الشقه كامله من مجاميعو يعني مش عاوزاها الا بشنطه هدومها

سماح

يبقي اتفقنا ولو كده انا هكلم ماما وهيه هتقنع عمي وطالما مش هتكلفيهم حاجه يبقي خير الامور عاجله ولو كده نخلي الجواز الاسبوع الي جاي ما لهوش لزوم التاجيل واحنا اهل في بعض مش محتاجين نتعرف والعريس يعرف عروسته وعي معاه ومراته

الحما

انتي عارفه يا بت يا سماح لو الموضوع مشي كده زي ما احنا عاوزين ما تعرفيش انا هخليكي الكل في الكل هنا دا يوم والمني والهنا لما سعيد يتجوز

وفعلا سماح بتكلم امها وبيتفقو علي كل حاجه

#رجووووع

وبتعدي الايام وفعلا بتجوز سعيد الي بياخدني فعلا بشنطه هدومي

وفي ليله الدخله لقيتو بيقول

سعيد

انا مش مصدق يا فاطمه ان انا اتجوزتك انا حاسس ان بحلم والله بس اوعدك اي حاجه نفسك فيها انا هعملهالك

وبيروح مقرب مني وبيروح شليلني وداخل بيا اوضه النوم واول ما بيحطني علي السرير بيروح ماسك قلبو وبيقطع النفس

فاطمه بصريخ

سعيد مالك يا سعيد في اي لا لا انت اكيد كويس ومش فيك حاجه يل نهار اسود يا حظي المهبب

وعلي صوتي العالي بتطلع حماتي وسماح

الحما بحده

في اي يا بنت انتي اتجننتي مالك عماله تصرخي بالشكل ده

فاطمه

الحقيني يا حماتي انا مش عارفه سعيد مالو قطع النفس ومش بيتحرك

سماح

الله يخربيتك اي الي انتي بتقوليه ده اوعي تكوني جبتي اجل الراجل وسعي كده لما اشوف في اي

وبتروح زقاني وبتدخل علي جوه وبعد شويه بيجي الدكتور الي بيقول انو راح

وبتعدي ايام العزا وبلاقي حماتي جايه عليا وبتقول

الحما بحده

هو انتي يا بنت لسه قاعده هنا تعملي اي هو انتي مش جبتي اجل الراجل انتي متعرفيش انا هاين عليا اعمل فيكي اي

فاطمه

بالله عليكي يا حماتي سيبني انتي متعرفيش انا مصدومه اد اي وبالذات انا ما لحقنش افرح وجوزي مات يوم فرحي

الحما

ما انتي بومه الواد كان سليم وكويس انتي الي حبتي اجلو امشي غوري من هنا مش عاوزه اشوف خلقتك

سماح

اهدي يا حماتي الناس بتبص علينا هيقولو علينا اي

استني علي الاقل لما الناس تمشي

واول ما سماح بتخلص كلامها حماتها بتصربها بالقلم وبتقول

الحما

اخرسي خالص ما انتي كمان هتغوري معاها ما انتي السبب في الي حصل ده كلو

سماح

وانا مالي يا حماتي هو انا كنت عملت اي ولو عاوزه تمشيها مشيها هيه انا ما ليش دعوه

وفاء

فعلا سماح بتتكلم صح وهيه مالها سماح في الحوار ده اصلا هيه كانت بتعمل خير مش معقول هتاخديها بوش النحس دي

وانتي يلي اسمك فاطمه امشي قدامي انا عارفه هتفضلي قاعده في وشي العمر كلو

وبتروح واخداني وبتمشي

وبتروح سماح طالعه علي شقتها فوق وباروح مكلمه سامح جوزها الي بتخليه يطلعلها

احمد

في اي يا سماح خليتيني اطلع علي ملا وشي ليه هو انتي مش عارفه ان في العزا والناس تحت وباخد عزا اخويا

سماح

بقولك اي يا احمد بطل كلامك ده دلوقتي انت تشوف حل مع امك اها دي ناويه تمشيني من البيت مش معقول بعد الي انا عملتو ده في الاخر اطرد كده

احمد

اهدي الله يخربيتك هو مش شافهم وهمه بيسرقو شافوهم وهمه بيتخانقو

انا مش عاوزك تقلقي هو انا ممكن استغني عنك بعد الي عملتيه معايا

سماح

ماشي يا احمد لما اشوف اخرتها اي وانت عارف كويس ان قلبتي وحشه ولو امك عملت الي في دماغها

احمد

.يا ستي انا مش عاوزك تشغلي بالك باي حاجه طول ما انا موجود

علي العموم هنزل علشان الناس الي تحت ولو كده خليكي فوق ما تنزليش

وبيروح سايبها وبينزل

وبتبدا سماح تفتكر الي حصل لما احمد جه وقال ليها

#فلاااش بااك

احمد

انا مش عارف اتصرف ازاي يا سماح ماما مصره ان سعيد يتجوز ولو اتجوز وخلف كل حاجه هتروح من بين ايدي انا مش عارف اتصرف ازاي

سماح

انا مش فاهمه هيه امك دي اتجننت ولا اي هو انت ما قولتش ان الدكتور قال ان الي زي سعيد مش ليه جواز

احمد

ما هيه مركبه دماغها في الحوار ده وقال اي مش هترتاح لما يتحوز وبصراحه كده انا خايف لا يكون العلاج الي بيخدو ده جاب نتيجه وقلبو بقا كويس انا مش عارف هتصرف ازاي

سماح

بس انا عندي الحل اخوك بتجوز ووقتها نشوف هيقدر يتجوز بجد وصحته هتتحمل ولا لا

احمد

انتي بتخرفي تقولي ايه وافرض يا اختي خلف ليه حتت عيل وقتها احنا هنعمل ايه

سماح

صبرك. عليا بس انا هجيب ليه اللي ما تخلفش عيال خالص وكله بأمري انا

احمد

لا انا عايز افهم انتي تقصدي ايه بالكلام ده

سماح

البت فاطمه بنت عم سيد جوز امي

هي اللي هتتجوز سعيد اخوك

البت حلوه وتحرك الحجر اخوك مش هيقدر يكمل في الجوازه دي

ولو حصل وكمل زي ما انت بتقول انا مش هخليها تحمل بطريقتي هقنعها ما تخلفش منه انا وامي والبت دي هبله وهنعرف نضحك عليها

احمد

انتي بتخرفي تقولي ايه مستحيل

فاطمه دي لسه صغيره ده سعيد اخويا اكبر مني

ومش بس كده كمان مريض حرام كده

سماح

بقي انت صعبانه عليك فاطمه ومش صعبان عليك اخوك جرا ايه يا احمد هي البت عجباك ولا ايه

اتوتر احمد وقال

لا طبعا ايه الكلام الفارغ اللي انتي بتقوليه ده

علي العموم اعملي اللي انتي عايزاه

سماح قربت منه وقالت

انا ما يعمنيش حاجه غير سعادتك يا احمد انت جوزي زحبيبي وابو عيالي وانا عشانك مستعده اعمل اي حاجه

#بااااك

سماح

انا لازم بقي العبها صح واخلي حماتي تكتب كل حاجه باسم احمد ووقتها هوريكي ايام سودا يا حماتي

وفي البيت عندنا كنت نايمه وانا بعيط ودخل عندي ابويا وقالي

سيد

انتي يا بت بعد اللي حصل ده انا مش عايز اشوف وشك بره البيت خالص

لحد ما يجيلك حد يتجوزك واخلص

دخلت وفاء وقالت

وهي دي مين هيجيلها ولا هيرضي بيها بعد اللي عملته ده

فاطمه

هو انا ايه اللي عملتو بس انتو اللي خلتوني اتجوز واحد. مريض والنتيجه اهي اول ما اتقفل علينا باب واحد راح فيها

وفاء

اخرسي حالص انتي عايزه تخربي علي بنتي

كتر الف خيرهل بنتي اللي كانت عايزه تسترك

وتجوزك جوازه مرتاحه وانتي دلوقتي عايزه تخربي عليها

سيد

اللي قولته يتسمع يا بت انتي فاهمه ولا لا

وبعدها طلعو وانا نمت وفي بيت حماتي راحلها اجمد وقال

احمد

وبعدين يا امي احنا كده شغلنا هيقف ولا ايه

الام

لا هيقف ولا حاجه الشغل هيكمل

انا هعمل اللي كان بيعملو سعيد الله يرحمه

احمد

وانتي يا اما هتعرفي تعملي اللي سعيد كان بيعمله

ما انا وانتي عارفين انه هو شاطر في الحاجات دي

الام

وانا اعرف كام حاجه من اللي كان بيعملها

وانت تسمع كلامي وكله لمصلحتك ما الفلوس

واي حاجه هتيجي من ورا الشغل ده انت هتاخدها

ما خلاص ما بقاش في حد يقسم معاك فلوس ولا حاجه كله ليك ولعيالك

احمد

طيب يعلم ربنا اللي حصل لاخويا ده واجعني في قلبي ازاي المهم احنا عايزين تلات طلبات والتلاته يكونو اخر الاسبوع

الحما

يبقي اخر الاسبوع هيبقو عندك

روح بقي لمراتك احسن تشك في حاجه

وايااك تتهبل وتقولها علي حاجه من اللي بتحصل بينا

وبعدها بكام يوم كنت واقفه في المطبخ بخلص شغل البيت وسمعت صوت حد بينده عليا

فاطمه

بسم الله الرحمن الرحيم ده انا كأني سمعت صوا سعيد الله يرحمه

والصوت اختفي ورجع تاني وهو بيقول

فاااطمه يا فاطمه الحقنييي بسرعه ما فيش حد غيرك ممكن يلحقني

فاطمه بخوف

اعوذ بالله من الشيطان الرجيم يا مرات ابويا

انتي فين تعالي الحقيني..

وبعدين روحت للصوت اللي جاي من اوضتي واول ما دخلت لقيت سعيد قاعد علي الارض ببدلة الفرح وحد عمال يقلع في هدومه وبيقرب منه

سعيد بصلي وقال

ابعديه عني يا فاطمه انا ندمت ابعديه عني ده عايز يعاشرني

اول ما قال كده انا صوتت وانا بحاول اقرب من الراجل ده بس فجأه صحيت من النوم وانا باخد نفسي بالعافيه

دخلت وفاء وقالت

في ايه يا بت انتي هو احنا ناقصين فضايح

ما تخرسي بقي ايه اللي بيخليكي تصوتي

فاطمه

شوفت كابوس حلم غريب سغيد. كان حد. بيعءبه في الحلم راجل شكله وحش اوي كان بيحاول يعاشره

ضحمت وفاء وقالت

هههههه جرا ايه يا حبيبتي هو انتي بتحلمي باللي ما لحقش يعمله معاكي

فاطمه

خلاص كاني ما قولتش ليكي حاجه انا خلاص مش هنام تاني هقوم اشووف اللي ورايا

وبعدها قومت وانا الحلم مش ماشي من بالي بس المشكله ان الحلم بقي يتكرر معايا كتير

وفي يوم كانت عندنا سماح وقولتلها

سماح

ايه الحلم. الغريب ده وهو سعيد يقصد ايه بالكلام ده اللي بيحي يقوله ليكي في الحلم يا بت

فاطمه

مش عارفه انا ما بقتش عارفه انام

وكمان في حاجه غريبه حصلت

انا بقالي كام يوم بشوف جوزك وحماتك معاه

في نفس الحلم بس واقفين بيتفرجو وشكلهم بخوف اوي

سماح

اوعي يا بت انتي تكوني بتقولي كده عشان تنتـ,ـقمي مني عشان خليتك تتجوزي سعيد

فاطمه

يا ستي حرام عليكي ده انا بقولك مش عارفه اناام

يا سماح انا حاسه بجد ان في حاجه غريبه بتحصل

سعيد عايز يقولي علي حاجه بتحصل بس انا مش عرفاها

سماح

الغريب ان فعلا في حاجه بتحصل في البيت بين جوزي وحماتي هما الاتنين بينهم حاجه مخبينها عليا

يعني الاول كانت حماتي علي طول قااعده وهي معاها سعيد دلوقتي بقي احمد جوزي هو اللي ملازمها وقاعد معاها علي طول

فاطمه

يبقي في حاجه بتحصل بينهم بتأذي سعيد

بالله عليكي تعرفيها انا تعبت اوي

سماح

بقولك ايه دس مشاكل خاصه بـ بيتي انتي ما لكيش دعوه بيها

خليكي في حالك وابقي صلي واقري قرآن وانتي هتبطلي تشوفي كوابيس

وبعدها قامت مشيت وانا الحلم كان بيتكرر معايا كتير لحد ما في يوم نزلت سماح من شقتها وراحت لاوضة حماتها وكان احمد معاها في الاوضه وسمعته بيقولها

احمد

بقولك ايه احنا بقي تجيلنا طلبات كتير

بس انتي مش منجزه الشغل

الحما.

وانا اعملك ايه انا مش زي سعيد

بس اقول ايه ما هو لولا اللي كان بيعمله زمان

ما كانش تعب وراح بدري كده

وكان زمانا مخلصين الشغل كله

احمد

هو اللي كانت عينيه زايغه وانتي كنتي بتساعدبه يخـ,ـدر النسـ,ـوان االي بتيجي ويغمل معاهم الحرام

الحما.

هو فرق يعني ما هو اللي احما بنعمله ده حرام

برضو ولا انت فاكر الاعمال دي حلال

احمد

طيب اخلصي اهو اكل عيشنا وخلاص

علي اخر الاسبوع يا امي عايز اربعه

عشان نقبض احنا كمان

الحما

طيب امشي روح لمراتك وعيالك وانا هتصرف

ولما تطلب منك حاجه من طلبات الاسياد تتصرف وتجيبها

وبعدها طلع احمد وسماح كانت اتخبت بعيد. وراحت وراه فقالها

احمد

انتي كنتي فين يا بت انتي بمنظرك ده

سماح

كنت في البيت قصدي فوق علي السطوح

والدنيا ضلمه وليل ما حدش شافني

احمد

وايه اللي طلعك فوق برضو في الوقت ده

وبتعملي ايه

سماح

سمعت صوت سعيد اخوك زي ما بقولك كده يا اخويا كان بينده عليا بيقولي الحقيني يا سماح واطلع فوق ما الاقيش حاجه

احمد
انتي شكلك اتجننتي ولا ايه علي العموم هبقي اخلي امي ترقيكي ادخلي جهزيلي العشا العيال اكلو قبل ما ينامو ولا لسه

سماح

ايوه اكلتهم قبل ما ينامو

هجيب ليك الاكل وجايه

وبعدها كلمتي وقالتلي اللي سمعته وقالت

سماح

بقولك ايه انتي تعنلي زي ما بقولك

انا بقيت خايفه منهم اوعي بس امي تعرف حاجه

فاطمه

ليع ما اقولها هي وابويا ويمكن يساعدونا

سماح

امي لو عرفت مش هتسكت هلي اللي عايزين نعمله

هتعمنعنا عشان هيبقي همها الفلوس

فاطمه

طيب انتي عاي اني اعمل ايه بالظبط

سماح

بصي انا بكره هجيبلك العيال واجيلك

وبعدبن هنروح انا وانتي القسم بس الاول اعرف كل حاجه عن اللي بنحصل هنا

انا بقيت خايفن اووي وانا قااعده هنا

وفعلا جات عندي سماح تاني يوم وسيبنا العيال مع امها وروحنا بلغنا واتقبض علي احمد وامه وهناك الظابط قالنا

الظابط

احسن حاجه عملتيها يا سماح انك بلغتي

والا لو كان الموضوع اتكشف بعد كده

وانتي كنتي معاهم في البيت الموضوع كان هيبقي يخصك انتي كمان وكان هيتقبض عليكي معاهم

فاطمه

الحمد لله يا باشا سماح لما عرفت اللي حصل خافت علي نفسها وعيالها وجابتهم وجات بيتنا وصممت انها تبلغ علي طول

سماح

معلش يا باشا بس هما اعترفو بأيه

الظابط

اعترفو انهم كامو بيعملو اعمال للناس واللي كان بيعمل الحاجات دي سعيد وامه كانت بتكمل من بعده

ده غير ان سعيد. كان قبل ما بتعب ويعمل عملية القلب بيعمل عـ,ـلاقات مع البنات والستات اللي بتروحله تعمل اعمال من عنده

وطبعا ما كانوش بيعرفو عشان كانو بيبقو نايمين بطرق خاصه

فاطمه

عشان كده بقي كان بيجيلي في الحلم وهو بيصوت من الراجل

الظابط

يعني ايه مش فاهم

سماح

ولا حاجه يا باشل المهم احنا مطلوب مننا حاجه بقي ولا هنمشي

الظابط

لا انتو هتمضو علي اقولكم وبعدين هتمشو علي طول وكده خلاص مش عليكم اي حاجه

ومشينا فعلا وعلاقتنا انا وسماح بقيت حلوه جدا

وانا اتجوزت واحد من البلد وسماح بقيت قاعده مع امها وابويا وولادها وبطلت احلم بسعيد ولا اشوفه

ودي كانت حكايتي اللي عشتها مع سعيد اللي ما كانش غير يوم واحد واقل كمان

وبكدا تبقي خلصت حكايتنا النهارده