جوزي طلع اختي
جوزي طلع اختي من تربتها علشان يخليها حامل في أربع شهور
وقبل ما نبدأ حكايتنا اعرفكم على بطلتنا اسمها منال وعندها 30 سنة متجوزة وعايشة في بيت عيلة مع حماتها وسلايفها وفي يوم حماتها قالت لها
بقولك ايه يا منال انا عايزاكي تعملي اكل حلوه النهاردة لحسن جاي لي ناس مهمين اوي ماشي
منال
حاضر ياحماتي انتي بس قولي لي على نوع الاكل اللي انتي عايزاني اعمله وانا اعملك كل اللي انتي عايزاه اه صحيح وكمان الناس اللي جايه دي كام فرد ولا هما مين اصلا
الحما
هما مين دي ميخصكيش ياحبيبتي وتخلي في حالك انما هما كام فرد هما تقريبا كده اربع أفراد وانتي تبطلي تسألي في اللي ملكيش فيه وتعملي اللي بقولك عليه وانتي ساكتة وكمان تعملي بزيادة عشان هيام جايه هي وجوزها وعيالها يلا ياختي انجري على المطبخ
دخلت المطبخ وهي زهقانة وبتنفخ من اللي هي شيفاه من حماتها وقالت لنفسها
ربنا ياخدك ياحماتي ونرتاح منك ياشيخة انتي لا بترحمي ولا بتسيبي رحمة ربنا تنزل ده ايه الهم ده هوووف
وبره عند حماتها صحيت اماني اخت جوزها وقالت لأمها
ها يا ماما قولتي لمنال مرات مجدي تجهز الاكل للناس اللي جايه النهاردة ولا لا
الام
ايوه قولت لها دي عماله تحقق معايا وتقولي ومين اللي جاين وكام واحد ومش عارفه ايه دي عايزة تعرف اللي جاين دول جاين ليه
اماني
اوعي تكوني قولتي لها حاجة ياماما انا مش عايزاها تعرف حاجة انتي عارفه انها عنيها وحشة وانا مش بحب اعرفها حاجة عني
الام
لا ياعين امك وانا برضو هعرفها ان جاي لك عريس لا خليها كده تتفاجأ احسن انا بخاف من عيون البت مرات اخوكي دي
وفي الوقت دخلت عندها اماني وقالت لها
بقولك ايه يا منال ممكن تعملي لي نسكافيه عايزة افوق بس بعد اذنك
منال
اعملك نسكافيه ازاى بس يا اماني ما انتي شيفاني اهو مشغوله في المطبخ هعمل ازاى انا بقا النسكافيه بتاعة ده ادخلي اعملي لنفسك يا اماني
اماني
انتي بتكلميني كده ليه يا منال بقولك عايزة نسكافيه مش هاين عليكي تعملي هو أصله ده بقولك ايه انتي تعملي الحاجة اللي اطلبها منك وانتي ساكته انتي سامعه ولا لا
قالت كلامها وخرجت من المطبخ ومنال عملت لها النسكافيه وراحت توديه لها وأماني قالت لها
ايوه كده ماكان من الاول لازم يعني تعملي لك شويتين وتقولي مش عامله ومش فاضية
منال
امتى عايزة حاجة تانية يا اماني اؤمريني انا خدامة عندك هنا
اماني
انتي بتتريقي ولا ايه يامنال
منال
لا مش بتيريق لان دي الحقيقه انا فعلا هنا خدامة ليكي انتي ومامتك واخوكي اللي هو جوزي واديني مستحمله الخدمة وساكتة هعمل ايه يعني ماهو انا للاسف معنديش حد قالت لها كده وسابتها وراحت عبي المطبخ تكمل شغل
وندهت عليها حماتها وقالت لها
انتي خلصتي ولا لسه يامنال جرا ايه كل ده في شوية طبيخ
منال
شوية طبيخ انتي شايفه ياحماتي ان اللي انا بعمله ده شوية طبيخ بس مع كل الأصناف اللي انتي طلباها مني دي وتقولي شوية طبيخ
الحما
ياختي حوشي ليه أن شاء الله انتي مش قادرة تعملي شوية الاكل والاصناف اللي طلبتها منك طب ده انا لما كنت في سنك كده كنت شايله بيتي وبيت حماتي وكمان بيت عمتي اللي هي اخت جوزى لوحدي وعمري مامليت من الشغل انتي بقا جايه تقولي أصناف كتيرة ياختي على بنات آخر زمن
منال
انتي عارفه انا لو عملت ايه برضو مش هيعجبك بس انا برضو بعمل باصلي ومش هخرج من المطبخ الا وانا عامله لك كل الحاجات اللي طلبتيها سبيني بقا
ودخلت المطبخ وخلصت الاكل واخر النهار لقت واحد جايب بوكية ورد ومعاه ست واتنين رجاله ومنال فتحت لهم وقالت
اهلا وسهلا مين حضراتكم
في الوقت ده خرجت حماتها بسرعه من جوه وقالت
يا اهلا يا اهلا واتفضلو اتفضلو ده ايه النور ده ياحبايب ده احنا زارنا النبي ادخلي انتي يامنال على المطبخ
ودخلت منال ورجع جوزها مجدي من الشغل وقالت له
هما مين اللي برة دول يامجدي انا مش عارفه حاسة انه عريس وجاي لاختك هو ده فعلا عريس
مجدي
ايوه يا منال عريس واللي معاه دول ابوه وامه المهم انتي جهزتي اكل كويس ولا لا
منال
انا جهزت كل حاجة وكنت واقفه على رجلي من اول النهار بس غريبة يعني ان مامتك ماقا/تليش ان في عريس جاي لاماني هو انا يعني ياخويا مكنتش هفرح لها ولا مكنتش هفرح لها
مجدي بيتكلم بصوت واطي وقال لها
الله جرا ايه يا منال يمكن مجاتش فرصة انها تقولك وتعرفك الله محصلش حاجة يعني يلا اتفضلي اعملي حاجة للناس تشربها على بال ما تحضري الاكل
قالها كده وسابها في المطبخ وخرج وهي قالت
بقا كده يامجدي بقا اشتغل لأمك خدامة وكمان هي تداري عليا ان اختك جالها عريس لله الأمر من قبل ومن بعد
وبعدها سمعت حماتها بتزرغط وجات لها على المطبخ وقالت لها
ها جهزتي الاكل يابت انا عايزة في دقيقه يكون الاكل على السفرة
فعلا عملت كده منال من غير ما تتكلم ولا كلمة ووقت الاكل والناس بتاكل ام العريس قالت
الله ده الاكل جميل بشكل تسلم ايدين اللي طبخت والله
ردت حماتها قالت لهم
بالف هنا وشفا دي اماني هي اللي طبخت الاكل ده كله بايديها ايوه الله بالف هنا ياجماعه
رد العريس وقال
ده انا على كده امي داعيه لي بقا اني هتجوز واحده نفسها في الأكل يجنن كده
الحما
ههههه اومال ايه دي اماني دي ست بيت مفيش منها
كل ده ومنال في المطبخ سامعه الكلام وقالت لنفسها
يابنت الكلب ياحماتي بقا بنتك هي اللي عامله الاكل ده كله لا وكمان العريس بيقول امه داعيه له لا والله يابني دي امك داعيه عليك دي مبتعرفش تسلق بيضة الست اماني بتاعتك دي بس والله لكون طالعه شقتي واسيبهم يولعو بقا انا تعبت والآخر كله حاجة تتنسب لغيري
وفعلا طلعت شقتها والناس خلصو وحماتها قالت لمجدي
نادي بقا على منال عشان تلم السفرة وتجيب الحلو للناس يامجدي
وفعلا دخل مجدي ملقهاش في المطبخ واتصل عليها وقالت له
انا هنا في شقتي يا مجدي انت عايز ايه هو انا مش عملت الاكل للضيوف وكنت واقفه طول النهار على رجلي وحضرت الاكل والآخر قال اختك هي اللي عملت كل حاجة طيب خليها بقا تلم السفرة وتعلمهم هي الحلو بقا انا تعبت ومفيش تقدير
مجدي
لا لا مش وقتة الكلام ده يا منال وانزلي دلوقتي حالا عشان تلمي الاكل وتعملي الحلو للناس يلا
منال
مش هنزل يامجدي وخلي اختك الشاطرة ست البيت هي اللي تعمل انا مبقتش قادرة..
قالت له وقفلت في وشة الخط وراح هو يلم الاكل واخته الكبيرة هيام وقالت له
جرا ايه يا مجدي هي مراتك فين ماجتش تلم الاكل ليه وجابت الحلو للناس
مجدي
بقولك ايه يا هيام لمى انتي وادخلي المطبخ وعملي الحلو وقدميه لحسن منال رجليها و/جعاها من كتر الوقفه طول النهار في المطبخ
هيام بتريقة
والنبي ايه بقا هي تعب من الوقفه في المطبخ اما مراتك دي بتدلع بشكل ياساتر منها على العموم ياحبيبي انا هعمل انا بس ابقي خليها تستلقي وعدها من امك لما الناس تمشي
وفعلا بعد شوية الناس مشيت وحمات منال سالت عليها وقالت لمجدي
الا هي مراتك راحت فين يامجدي سابتنا وطلعت على فوق والناس لسه هنا ايه هي مكنتش عايزة تعمل حاجة ولا ايه
مجدي
أصلها تعبت ياماما ماهي طول النهار واقفه على رجليها في المطبخ وهي اللي عملت كل حاجة في المطبخ والصراحة انتي مذكرتهاش خالص ونسبتي اللي هي عملته لبنتك اماني اللي مبتعرفش تعمل كوباية شاي حتى
الام
ااه هي الهانم سخنتك عليا انا واخواتك وانت جاي تقولي الكلام ده يا مجدي انا عارفها بت غلاوية وصفرة
مجدي
ياماما ايه بس الكلام اللي انتي بتقوليه ده وبعدين ماهي عندها حق انتي ازاى فضلت تشكري في اماني وانها عملت وسوت ومنال معملتش حاجة خالص
اماني
اومال يعني انت كنت عايز ماما تقول لهم اني مش بعرف اعمل حاجة يامجدي عشان خاطر امه تقوله يلا بينا من هنا وهو ده اللي مراتك عايزاه انها تولع الدنيا حريقة مش كده
مجدي
لا مش كده يا اماني ولا عمر منال فكرت بالطريقة بتاعتك دي بالعكس دي بتتمنا لكم الخير كلكم ده انتو حتى مكلفتوش خاطركم تعرفوها ان الناس اللي جايه النهاردة عريس لاماني وخبيتو عليها
هيام
شوف شوف يعني برضو مسخناك على امك واختك اهيه اومال بقا بتقول انها تتمنا الخير هو فين بقا ده
الام
هوووش خلاص يا هيام هي حره بقا روح ياحبيبي لمراتك روح بس ياريت متمشيش وراها في حاجة وهي بتسخنك على اخواتك
وفي مكان تاني في بيت ابو منال اختها سارة كانت راجعة من بره والوقت اتأخر ومرات ابوها قالت لها
انتي كنتي فين يابت انتي لحد دلوقتي انتي ايه فاكرة نفسك في لوكانده ولا تكية هنا
سارة
عايزة ايه يا مرات ابويا وبعدين انا اتأخر براحتي انتي مالك ومالي
فايزة
يانهارك اللي مش فايت يابت بقا بتقولي لي انا مليش دعوة بيكي اومال مين اللي ليه دعوة يا روح امك لما الاقيكي راجعة لي بالليل في وقت زي ده من برة بلاش اسالك كنتي فين ده انتي ليلتك مش معديه على خير
سارة
هو راجعة الفجر ولا حاجة دي الساعه لسه مجاتش 12 يعني لده كله وبعدين هو مش انا قايله لبابا اني هتأخر وهو وافق انتي بقا ملكيش دعوة بيا
فايزة
هو عشان ابوكي سمح لك تخرجي وهو بايت في شغله تقومي ترجعي بكيفك لا ياختي انا هنا مسؤلة عنك ماشي
سارة
بقولك ايه يا مرات ابويا انا دماغي و/جعني ومش طايقة نفسي سبيني في حالي انا عايزة ادخل انام تصبح على خير
قالت لها كده ودخلت اوضتها وفايزة قالت
ماشي يا سارة براحتك على الآخر اما وريتك مبقاش انا ولما ابوكي يرجع من الشغل الصبح انا هخليه يشوف شغلة معاكي
ودخلت سارة اوضتها وهي بتنفخ وقالت لنفسها
اعوزو بالله منك وليه سو كتك الهم هو الواخد مايعرفش يعمل اللي هو عاوزة ابدا وفي اللحظة دي اتصلت بحد وقالت له
ايوه يا حبيبي انا لسه داخله البيت اهو بس طبعا مرات ابويا كالعاده لازم تسمعني كلمتين من بتوعها عايزة يعني تعمل عليا ام وهي اصلا متنفعش اي حاجة ماشي ياحبيبي يلا تصبح على خير
وقفلت معاه ومسكت الاجندة اللي بتكتب فيها مذكراتها وكتبت كل اللي حصل من اول اليوم لحد آخرة وبعدها نامت
وفي بيت منال طلع مجدي وقال لها
بقا كده يامنال بتكسفيني قدام أمي واخواتي ويقولو اني ماشي وراكي بقا كده
منال
وانت من امتى وانت ماشي ورايا يا مجدي وبعدين هو فيها ايه لما تمشي ورايا هو انا مش مراتك هو الراجل ليه مين غير مراتة يعني
مجدي
بس انا مش راجل دلدول يا منال عشان امشي ورا مراتي هو انتي فكراني دي ابوكي مراته تقوله يمين يمين شمال شمال
منال
الله يسامحك يا مجدي بس بعد اذنك بقا ملكش دعوة ببايا ومجتبش سيرتة طالما هو مش موجود معانا يبقا متتكلمش عليه ماشي
مجدي
ااه معلش اصل انا غلطت في البخاري انتي عايزة ايه في ليلتك دي يامنال انا مليش نفس اتخانقت انا طالع مبسوط من قراية فاتحة اختي ومش عايز انكد على نفسي ممكن تتمسي وتسكتي
منال
انا ساكتة يامجدي وحاطه الصرمة في بوقي انتي اللي طالع وبتقول شكل للبيع ويكون في علمك بقا انت لازم تعملي كرامة وتخلي امك ترحمني شوية وتعاملني كاني واحده من بناتها مش، كاني خدامة عندها وعند اخواتك
مجدي
وهي يعني امي بتعاملك زي الخدامة ليه بطلي تخاريف بقا اقولك على حاجة انا داخل انام عشان عندي شغل الصبح يلا تصبحي على خير
منال
وانت من اهله ياحبيبي
ودخل مجدي اوضتة ومنال فضلت تعيط وتقول لنفسها
ياربي هو ازاى مستحمله العيشه دي بس كل ده عشان بحب جوزي قطيعة الحب اللي من النوع ده بس انا لو مشيت وسبته هاروح فين هاروح لمرات ابويا اللي مش بطيقها دي متفرقش عن حماتي يارب صبرني
وعدي اليوم وتاني يوم الصبح ام مجدي اتصلت بيه وقالت له
هي مراتك مش ناوية تنزل النهاردة ولا ايه يا بني هو انتو لسه نايمين انت مش وراك شغل ولا ايه فهمني
مجدي
لا يا ماما احنا صاحين انا بس بفطر ومنال هتعملي الشاي وتنزلك علطول يلا ياحبيبتي اقفلي
وقفل معاها ومنال قالت له
ومين قالك اني انا هنزل عند امك يامجدي انت بتقولها كده ليه أن شاء الله انا مش هنزل تحر انا مش خدامة وارحموني بقا انا تعبت والله
مجدي
اصطبحي على الصبح يا منال انا مش فايق لاي نقاش على الصبح انا فيا اللي مكفيني وامشي انجري انزلي لأمي وشوفي طلباتها
منال
وانا مش نازله تحت واللي عندك اعمله بقا انا تعبت منكم
وفي اللحظة دي مجدي غ/ضب جامد وقال لها
طب وحيات امك يا منال لو ما نزلتي عند امي دلوقتي حالا لكون مطلقك ورماكي في الشارع ايه رايك بقا
في الوقت ده منال دمعت وقالت له
بقا كده يا مجدي انت بتحلف عليا عشان تطلقني ياما انزل لأمك كتر خيرك والله بقا دي اخرتها يعني
مجدي
اه دي اخرتها يا منال ولو مش عاجبك يبقا تروحي بيت ابوكي واشتغلي خدامة لمراتة يلا
منال بتعيط وانهارت وقالت له
حاضر يا مجدي انا هنزل عند امك اصل انا مش بحب اروح عند بيت ابويا انت عارف اني بكره اروح هناك
وجات تمشي من قدامة مجدي قال لها
متزعليش يا منال ماهو الصراحة انتي اللي عصبتيني اعملك ايه يعني انتي لازم تخليني اتعصب عليكي واتنرفز كل دقيقه والتانية كده
منال
خلاص يا حبيبي انا مش هعصبك تاني وهستحمل كل اللي تقولي عليه واللي امة تطلبه مني وابقي خدامة ليها ولاخواتك البنات كمان حاضر
وبعدها نزلت منال عند حماتها اللي قالت لها
اهلا بالشملولة اللي بتهرب وتسيب الناس قاعده من غير ما قدم لهم كوبايه مايه حتى ده انا كنت مكسوفه روحي ياشيخة منك لله
منال
معلش يا حماتي اصلي انا تعبت من كتر الوقفه في المطبخ اصلي كنت طول النهار بشتغل وبطبخ لوحدي ومحدش عمل معايا حاجة عشان كده تعبت
الحما
والله ده واجب عليكي ياحبيبتي انك تعملي كده انتي هنا مرات ابني اللي لما اقولها يمين يمين شمال شمال وتنفذ المطلوب منها من غير حتى ماتفتح بوقها بكلمة ولا انتي ليكي رأي تاني
منال
ولا تاني ولا تالت اللي انتي عايزاه انا هعمله حاضر ياترى بقا النهاردة تحبو تاكلو ايه ان شاء الله
الحما
لا النهاردة في بواقي اكل وكمان هيام عندنا النهاردة بعيالها وهياكلو الاكل اللي موجود ماهو جوزها مشي بالليل وسابها معانا كام يوم ادخلي انتي بس ضطبي المطبخ اللي جوه ده
منال
حاضر انا داخله اهو
ودخلت منال واتصدمت من منظر المطبخ اللي كان فوق بعضة من الحاجات اللي فيه وكتر المواعين وقالت
حسبي الله ونعم الوكيل بقا الاتنين فضلو قاعدين مفيش واحده فيهم كلفت خاطرها تنضف مطبخ امها صحيح عالم معندهاش دم صحيح
وفضلت تشتغل منال في المطبخ وفي بيت ابوها رجع الصبح من شغله وفايزة قالت له
تعالي ياخويا شوف بنتك المحترمة راجعة لي امبارح نص الليل لا وايه زعلانة اني بقولها انتي راجعة متأخرة ليه
رد الاب وقال لها
اهدي يا فايزة ما هي كانت قايله لي انها هتتاخر شوية برة في عيد ميلاد واحده صاحبتها
فايزة
لا ياشيخ بقا هي كانت قايله لك انها هتتاخر وانت بقا تسيبها تتأخر براحتها طيب ايه رايك ان البت دي هتطلع تلفانة وعيارها فالت بسبب اللي انت بتعمله ده ااه ما انت مدلعها على الآخر عايز ايه بقا من واحده زي دي
الاب
اللهم طولك ياروح انتي عايزة ايه دلوقتي يافايزة عايزاني ادخل ام*وتها عشان انتي ترتاحي ولا انتي عايزة ايه بالظبط
فايزة انا مش عايزة حاجة ياحبيبي بس يكون في معلومك يا حسين انا مليش دعوة بيها من هنا ورايح ويكش ياخويا ترجع لك ملفوفه في ملايه انا مليش دعوة
حسين
ايه يا وليه الكلام اللي انتي بتقولي ده انتي بتخرفي بتقولي ايه ويعني ايه ترجع لي ملفوفه في ملايه مش فاهم ماتحسني ملافظك يافايزة الملافظ سعد الله
فايزة
بلا سعد بلا كامل ياخويا انت حر ما قولت لك جوزها البت جسمها فاير ومطمع لاي حد وجالها بدال العريس عشرة وانت ترفض انت مش عارفه انت عايز تحللها جنبك ماتخلص منها وتغورها زي اختها
حسين
انا مش عارف انتي ليه يول عمرك بتكرهي بناتى كده مع اني لما فكرت اتجوز فكرت اجيب لهم واحده تخاف عليهم وتعاملهم على أنهم بناتها وتبقي حنينة عليهم مش زي ما انتي بتعملي كده خالص
فايزة
انا كده دايما اي حاجة بقولها مش بتعجبك وانا هتعجبك ليه بقا كل ده عشان عايزة مصلحة بنتك6بس انت بقا مش عايز كده يبقا انت حر لما ترجع لك بمصيبة انا داخله المطبخ اشوف اللي ورايا
ودخلت المطبخ وحسين قال
روحي ياشيخة الهي مصيبة تشيلك وارتاح منك يافايزة يا بنت بياع الخردة انتي
ودخل اوضتة سارة ولاقها واقفه قدام المرايه وقالها
انتي بتعملي ايه يا سوسو ورايحة فين كده انتي خارجة ولا ايه
سارة
ايوه يا بابا انا الصراحة نازله ادور على شغل اصل في واحده قالت لي ان في مكتب عايز واحدة سكرتيرة فقولت اروح اقدم وبعدين انت عارف اني عايزة اشتغل يابابا
حسين
انا عارف يا حبيبتي بس المهم الشغل ده يكون حاجة كويسه وتنفعك انتي وأهم حاجة يكون امان ماشي
سارة.
حاضر يا بابا انا هبقا اعدي على منال اختي النهاردة انا بقالي كتير مروحتش عندها اشوفها تحب تبقا تيجي معايا اتصل بيك لما اخلص مشواري
حسين
لا ياحبيبتي ابقي روحي انتي على منال لاختك لما تخلصي وانا هبقا اعدي عليها وقت تاني انتي عارفه انا راجع من مشوار الشغل ده ومانمتش وعايز انام
سارة
ماشي يا بابا روح نام انت شوية وانا هنزل
وخرجت سارة من اوضتها وفايزة قالت لها
على فين العزم ياختي ان شاء الله على الصبح كده
سارة
نازله اقدم على شغل وواخده الأذن من بابا عن اذنك يا مرات ابويا
فايزة
طيب ياختي ربنا يخلي لك ابوكي اللي هيوديكي في داهيه ده روحي شوفي انتي رايحة انهي داهيه يلا بالسلامة
سارة
اعوزو بالله من ملافظك ياشيخة
ومشيت سارة راحت للشخص اللي هي بتقابله وكانت معاه في شقه وقالت له
انت امتى بقا هتتجوزني يا حبيبي انا تعبت من معاملة مرات ابويا ليا دي ست اعوزو بالله منها دي مفيش في مره ارجع من برة غير لما تعملي حوار انا تعبت اوي
هو
معلش يا سارة انا قولت لك اصبري عليا بس لما اكون نفسي وأثبت في الشغلانة وبعد كده اجي اتقدم لك
سارة
اديني هفضل اصبر نفسي لحد لما ان شاء الله تيجي بس بلاش تتأخر بقا عليا انا مش هقدر استحمل مرات ابويا اكتر من كده
هو
ما أنا قولت لك شوية كده بس وهانشوف يا حبيبتي انا مش هسيبك ابدا يلا بقا عشان منضيعش وقت
وخلصت سارة معاه وفي الوقت ده وهي نازلة من العمارة كان مجدي في عمارة قدامها بيعمل شغله في الجنايات اصل مجدي بيشتغل في المعمل الجنائي وقالها
ايه ده سارة انتي بتعملي ايه هنا في الشارع ده انتي ليكي حد هنا ولا ايه
سارة
ارتبكت وقالت له
ااا ابيه مجدي ده انا انا كنت هنا عند واحدة صاحبتي في العمارة دي هو في ايه يا ابيه انت بتعمل ايه هنا
مجدي
مفيش اصل في جريمة / في العمارة دي وانا برفع البصمات روحي انتي يلا على البيت دلوقتي عشان المكان هنا كله حكومة يلا
سارة
حاضر يا ابيه عن اذنك
ومشيت سارة من قدامة وبص على العماره اللي هي كانت نازله منها وبص عليها بشك ولاقها ماشية بسرعه وعند منال في البيت قالت لحماتها
انا خلصت كل حاجة في المطبخ يا حماتي اطلع بقا شقتي ولا ايه
الحما
مع السلامة ياختي بقولك ايه خودي اكل من اللي في المطبخ ده معاكي الاكل كتير اهو جوه
منال
بس اني عارفة ان مجدي مش بياكل الاكل البايت انا هطلع اطبخ له حاجة عشان ياكلها لما يرجع
الحما
بقا مجدي اللي مش بيحب ولا انتي اللي عايزة تغرميه وتعملي اكل وخلاص وابقي يدفع ويكع فلوس عشان يجيب لك كل حاجة عندك لا ياختي وفري له ده تعبان في القرش اللي بيجيبه وشغلانته صعبه
منال
هو انا مالي بالكلام ده كله بقولك هو بيحب الاكل يبقا صابح انا بقا هاكله اكل بايت ليه
الحما
عشان الاكل كتير وهبيوظ وانتي وفري خليكي ناصحة مش كل شوية مصاريف وخلاص
منال
ما أنا مش هصرف حاجة كل حاجة موجوده عندي في التلاجة ياحماتي انا هصرف ايه بس
الحما
ماهو ربنا يخليه ابني اللي بيجيب لك كل حاجة انتي بقا هتخلصي كل اللي عندك وهو يرجع يجيب لك تاني ماهو بكده هتبقا مصاريف عليه ياعين امه
منال
طيب انا اعمل ايه دلوقتي انتي عايزة ايه
الحما
عايزاكي تاخدي اكل من اللي هنا وانتي طالعه يلا
وفعلا اخدت منال الاكل وطلعت الشقه ودخلت المطبخ وطلع حاجات من الفريزر عشان تعمل اكل تاني لأنها عارفه ان جوزها مش بياكل الاكل البايت ورجع مجدي وقال لها
تسلم ايدك ياموني الاكل ريحتة تحفة
منال بحزن
طيب دقيقه وهكون خلصت
مجدي
انتي لسه زعلانة يا موني ده انتي قلبك اسود اوي هو انا مش خلاص اتفكيت معاكي بكلمتين الصبح وخلاص
منال
اصلك ماشوفتش نفسك كنت بتتكلم معايا ازاى بقا انا خدامة يا مجدي الله يسامحك
مجدي
ماخلاص بقا ياقلبى عديها بقا انتي لسه شايله مني ده انا قولت هرجع الاقيها معملتش اكل وهتقولي انزل كل عند امك
منال
لا ياحبيبي امك اصلا مطبختش النهاردة دي عندها الاكل اللي باقي من الضيوف امبارح وادتني منه عشان ااكلك منه بس انا عملت لك اكل صابح عشان عارفاك مش بتاكل الاكل البايت
مجدي
ربنا مايحرمني منك ياغالية هو انا ليا بركة الا انتي الا صحيح يا موني هو انت تعرفي حد في شارع في المعادي وقالها اسم الشارع ومنال قالت له
لا يا مجدي معرفش حد بتسأل ليه ياحبيبي
مجدي
اصلي شوفت سارة اختك خارجة من عمارة هناك في الشارع ده لما سالت البواب عرفت ان العمارة دي فيها شقق مشبوهة وهي قالت لي انها كانت عند واحده صاحبتها في العمارة دي
منال
ازاى يعني العمارة دي فيها شقق مشبوهة وهي ليها واحده صاحبتها ساكنة فيها وانت اصلا كنت هناك انت كمان بتعمل ايه
مجدي
انا كنت في شغل هناك في العمارة اللي قصاد العمارة دي كان فيها جريمة / واحنا بنرفع البصمات وشوفت اختك بس حسيتها كانت مرتبكة لما شافتني مش عارف ليه
منال
تقصد ايه يامجدي بكلامك ده
مجدي
ولا حاجة بقولك خلصتي الاكل ولا لسه انا جعان
وبعدها عدت الايام وكانت منال في بيتها واتصلت باختها وقالت لها
انتي وحشتيني يا سارة انتي مجتيش بقالك كتير ليه يابنتي انتي صوتك ماله انتي بتعيطي ولا ايه
سارة ارتبكت وقالت
ها لا لا مش بعيط معلش يا منال اصلي انا بقدم في شغل ومش ببقا فاضية خالص عشان اجي لك انا هبقا اجي لك في اي يوم تاني يلا سلام دلوقتي
وقفلت معاها ومنال كانت مستغربة من طريقة كلامها وتاني يوم الصبح كانت منال بتحضر الفطار لمجدي وجالها تليفون من ابوها اللي قالها
الحقي يا منال اختك سارة راحت فايزة مراتي كانت بتصحيها من النوم ولاقتها راحت
فضلت منال تسرخ وتصوت وتقوله
اختي راحت يا بابا ازاااي ده حصلجوزي خرج اختي من تربتها علشان يخليها حامل في أربع شهور
الجزء التاني
في اللحظة اللي عرفت فيها ان اختي سارة راحت فضلت اسرح واصوت خرج مجدي من جوه مخضوض وقالي
في ايه يا منال بتصوتي ليه كده ايه اللي حصل ابوكي مات ولا ايه
منال بتعيط
اختي سارة ماتت يا مجدي اختي سارة انا مش قادرة أصدق اللي حصل ده ازاى دي لسه مكلماني بالليل وكانت قايله انها جايه لي تروح كده من غير ما اشوفها
مجدي
ازاى الكلام ده يابنتي ومين اللي قالك كده بس وجبتي الكلام ده منين
منال
بابا لسه مكلمني دلوقتي حالا وقالي كده انا مش عارفه حصل ايه ملحقتش استفسر منه انا مش قادرة استوعب والله ماقادرة استوعب
مجدي
طيب يلا نروح على بيت ابوكي عشان نعرف في ايه
ونزلت بسرعة منال هي ومجدي من فوق وكانت حماتها واقفه قدام باب الشقه وقالت لهم
في ايه يامجدي هي مراتك كانت بتصوت ليه في ايه يابت انتي انا اتخضيت
سبتها منال ونزلت بسرعه وحماتها قالت
هو ايه ياختي ده هي مالها مراتك يا مجدي شوفت معبرتنيش ازاى
مجدي
معلش يا أمي اصل ابوها اتصل دلوقتي وقالها ان اختها سارة ماتت
الحما بصدمة
اييييه اختها سارة طب ازاى لا حول ولا قوة الا بالله العلي العظيم طيب ايه اللي حصلها يابني هي كانت تعبانة ولا ايه
مجدي
مش عارفين حاجة ياماما ادينا رايحين هناك عشان نعرف في ايه انا هبقا اكلمك من هناك بس اعرف ايه اللي حصل لها
ونزل مجدي بسرعه ورا منال وركبو العربية وراحو بسرعه وصلت منال البيت وفضلت تصوت وتسرخ وابوها كمان كان بيعيط ومنال قالت
ايه اللي حصل يا بابا مالها سارة انت كنت بتهزر معايا صح سارة كويسة وانت بتقولي كده رد عليا يا بابا قولي سارة اختي مالها
لقت الجيران بيقولو لها
اهدي يابنتي اهدي يامنال نصيبها كده يابنتي عمرها وانتهى ياحبيبتي اهدي
منال بتعيط
ازاى يا طنط ام مصطفي اختي سارة راحت فعلا ازاى انا عايزة اعرف ازاى بس حد يقولي فهموني ياناااس اختي جرا لها ايه
فايزة
احنا منعرفش حاجة انا دخلت الصبح اصحيها لقيتها مش بترد عليا وبعدها عرفنا انها راحت
منال
طب ازاى بس ازاي دخلوني عندها انا عايزة اشوفها
الجارة
بس يابنتي تدخلي عندها تبقى هاديه خالص ومتعيطيش جنبها عشان اختك حرام عليكي تصوتي جنبها
منال
دي اختي يانااااس سيبوني ادخل عندها عايزة اشوفها ارجوكم بقا سيبوني
ودخلت منال لاختها اللي فضلت تعيط جنبها كتير وهي مش عارفه ايه اللي حصل لها اصلا وكل وجه دكتور الصحة كشف عليها قال لهم
دي جالها سكتة قلبية يا جماعه البقاء لله انا هكتب التقرير وتسريح الدفن
مجدي
انت متأكد يا دكتور انها سكتة قلبيه اكشف عليها تاني وشوف ليكون في حاجة ولا حاجة اصل مش معقوله يعني بنت زيها كده تروح بسكتة قلبيه
الدكتور
وفيها ايه حضرتك انت مسمعتش عن م*وت الفجاة ولا ايه على فكرة الم*وت ده كتر اوي دلوقتي وهي اكيد حصل لها هبوط في الدورة الدموية مما أدى إلى سكتة في القلب وهو ده اللي هعمل بيه تسريح الدفن
مجدي
طيب لو حضرتك شاكك في حاجة يا دكتور انا ممكن ابلغ ونجيب رجاله المعمل الجنائي ونشوف في ايه
حسين
جرا ايه يا مجدي انت عايز تعمل شغلك على بنتي ولا ايه انا بنتي مش هتتبهدل يامجدي بنتي هتدفن وهنكرمها وخلاص
مجدي
ياعمي ازاى احنا لازم تعرف بنتك راحت ازاى ولا انت بقا مش عايز تعرف وانت بتقول انها نامت وكانت كويسة يعني اكيد في شبهه جنائية
حسين
تقصد ايه يا مجدي انت عايز تقول ان بنتي في حد قا/تلها ولا ايه بقولك ايه انا بنتي هتتدفن من سكات زي اي حد وياريت ماتتدخلش في اللي ملكش فيه
بعدها دفنوا سارة وعملوا العزا ومنال قالت إنها هتدخل تنام في اوضتة اختها وقفلت على نفسها وفضلت تعيط طول الليل
ورجع مجدي البيت عند امه وقالت له
ايه يابني الموضوع هي البنت دي راحت ازاى
مجدي
مش عارف يا ماما بس الدكتور اللي كشف عليها لما راحت قال إنها جات لها سكتة قلبيه وانا الموضوع ده شاغلني اوي الصراحة
الام
شاغلك ازاى يابني مش فاهمة
مجدي
انا اصد تكون البنت حد عملها حاجة ولا حاجة وهي راحت فيها بس حمايا مرضاش يخليني ابلغ ولا حتى اجيب بتوع المعمل الجنائي اللي انا شغال معاهم ونشوف ايه الموضوع
اماني
طيب وليه انت مقومتش بالمهمة دي يا مجدي وكنت عرفت ايه اللي حصل وخلاص
مجدي
ماهو مكنتش هعرف اعمل حاجة من غير الأدوات اللي يستخدمها يا اماني هو انتي فاكرة انه بالساهل كده وبعدين كمان عشان اعمل حاجة زي دي لازم اجيب اذن من النيابة وده محصلش لان ابوها رافض ان البنت تتهبدل
الام
اما راجل عبيط بصحيح مش يشوف في ايه يمكن تكون بنتة حد عمل لها حاجة ويجيب حق بنته يلا هو حر بقا
مجدي
بس انا هفضل ورا الموضوع ده لحد لما اعرف في ايه لاني انا لما بشك في حاجة بيطلع شكي في محله وانا شاكك ان الحكايه دي فيها انه
اماني
ابنك هيعملنا فيها المفتش كرمبو ياماما بقا يقولك مش عارف ومناخيري الجنائيه والحاسة السادسه والكلام الفاضي بتاعه ده
مجدي
اسكتي انتي وبطلي عبط انتي متعرفيش حاجة خالص على العموم انا طالع انام والصبح يبقا يحلها حلال
الام
هي مراتك هتفضل هناك كتير ولا ايه يا بني انت عارف اننا مش بنعرف نستغني عنها هنا في البيت
مجدي
معلش يا أمي ابقي خلي اماني تشتغل في البيت اليومين دول عشان منال هتفضل عند ابوها يومين انتي عارفه دي اختها وكانت غاليه عندها برضو
الام
طيب ياحبيبي روح انت بقا نام يلا
وطلع مجدي شقتة وأماني قالت لأمها
انا مش عامله حاجة في البيت انا مش قادرة على تنضيف البيت انا وبعدين انا مش بعرف اطبخ ولا اعمل حاجة
الام
يابت انتي لازم تتعلمي اومال هتتجوزي ازاى انا مش عارفه اعمل معاكي ايه بس انتي زهقتيني اومال مرات اخوكي دي لو راحت في داهيه ولا ماتت هنعمل ايه
اماني
ياما هنبقا نجوز مجدي اخويا واحده تانية ياما نجيب واحده تخدمنا بسيطة اهيه
الام
غوري يا بت من وشي انا والله دلوقتي عرفت قيمة منال مرات اخوكي
وفي البيت عند ابو منال كانت قاعده مع ابوها وقالت له
احكي لي يابابا هي سارة حصل معاها ايه انتو زعلتوها ولا ايه اللي حصل بالظبط انتي ياطنط فايزة اتخانقتي معاها اصل انا عارفه انكم كنتو دايما تتخانقوا انتي وهي
فايزة
جرا ايه يا منال هو انتي هتفضلي تسالي كل شوية ايه اللي حصل لاختك هو جوزك بهت عليكي ولا ايه ماتهمدي بقا وقولنا لك ان اختك نامت والصبح لقيتها ميته ايه تحبي احلف لك يعني
منال
ولا تحلفي لي ولا احلف لك يا طنط فايزة انا بس مش مستوعبة ان سارة اختي راحت كده من غير اي إنذار ده حتى مكنتش شوفتها من فترة يجي شهر وأكتر
الاب
ازاى الكلام ده يا منال يعني سارة مكنتش عندك من يومين دي قالت لي انها هتروح تقدم في الوظيفه اللي رايحة تقدم لها دي وبعدين هتعدي عليكي وبعدها قالت إنها كانت عندك
منال
بس هي مجاتش عندي انا كنت مكلماها قبل ما تم*وت بليلة وقالت انها هتعدي عليا وكنت مستنيا انها تيجي لي
الاب
الله اومال قالت لي ليه انها راحت لك
فايزة
شوف بقا بنتك كانت فين يا حسين استغفر الله العظيم يارب انا كنت دايما اقول ان البنت دي مش مظبوطة خالص ومخبيه حاجة دي كانت بترجع نص الليل من برة
منال
حرام عليكي انتي ايه ياشيخة ازاى بتتكلمي عن اختي كده وهي دلوقتي بين ايدين ربنا اتقي الله
حسين
عيب كده يامنال متتكلمتش مع فايزة كده هي كانت بتخاف على اختك وكانت دايما بتنصحها لكن هي كانت ماشية بدماغها وانا مكنتش برضى ازعلها
منال
يعني انت راضي انها تقول على سارة الله يرحمها كده يا بابا لو انت ترضي انا مرضاش دي اختي الصغيرة وكانت زي بنتي بالظبط
فايزة
وانا ياختي عمري ما كنت بسلك معاها دي كانت لسانها أطول منها ومكنتش بتحترمني خالص يعني اصلا هي الي كانت قليلة الرباية
منال بعصبية
استغفر الله العظيم حرام عليكي بقا حرااام وانت يابابا انا مش هسمح لها انها تتكلم على اختي كده
قالت كلامها ودخلت الاوضة وفايزة قالت لحسين
هو ايه أصله ده ياحسين هي بنتك بتعلي صوتها عليا كمان انت عجبك كده يعني
حسين
بقولك ايه يافايرة عدي ليلتك انا مش ناقص اي حاجة الله يخليكي انا مش ناااقص ماشي
فايزة
طيب ايه رايك اني انا شاكة ان بنتك دي عملت في روحها حاجة زي ما انت كمان شاكك بس مكدب نفسك عشان البت متتبهدلش وانت كمان متدخلش في سين وجيم ااه ما أنا عارفاك كويس
حسين
اللهم طولك ياروح انتي عايزة ايه في ليلتك دي يا فايزة خلي ليلتك تعدي انا قلبي و/جعني على بنتي ومش ناقص اي كلمة منك ولا من غيرك اتمسي بقا وخلي الليلة دي تعدي على خير
فايزة
طيب ياخويا عدي الليله متعديش الليله انت حر انا مالي بيك بلا هم انا كان مالي بو/جع القلب ده
وعدت الايام ومنال رجعت البيت ومجدي قال لها
عامله ايه دلوقتي يا منال يا حبيبتي
منال
الحمد لله يا مجدي بس انا مش قادرة أصدق ان اختي راحت كده انا مش عارفه هي حصل لها ايه
مجدي
طيب ابوكي قالك ايه في حد زعلها مرات ابوكي تكون اتخانقت معاها ما انتي عارفه انها كانت دايما ناقر ونقير مع سارة وكانو دايما في خناق مع بعض
منال
محدش قالي حاجة حتى بابا ومراتة قالو لي انها محدش اتكلم معاها ولا حد زعلها هو نفسه مستغرب من طريقة م*وتها المفاجئ ده
مجدي
بس انا كنت عايز ابوكي يبلغ والطب الشرعي يشوف أختك ماتت ازاى لاني انا شاكك في انها تكون راحا كده سارة اختك عمرها ما اشتكت من حاجة ولا عمرها تعبت صح ولا لا
منال
ايوه صح بس ده مايمنعش انها ماتت فجأة هو انت مسمعتش عن م*وت الفاجأة يامجدي ولا انت بقا شغلك في الطب الجنائي بيخليك تشك في اي حاجة
مجدي
الصراحة يا منال الموضوع ده مريب وانا حاسس بحاجة مش مظبوطة ومش فاهم انتي ابوكي ليه سلبي كده ومش عايز يشوف بنته حصل لها ايه
منال
عشان عارف ان سارة محدش عمل لها حاجه وانها فعلا راحت كده يبقا ليه يخليها تروح المشرحة وتتبهدل ده يبقا حتى حرام علينا اننا نعمل فيها كده
مجدي
والله انا مش عارف انت بتفكرو ازاى انتي وابوكي ده يابنتي انتو لازم تتصرفو في الموضوع ده عشان لو اختك ليها حق يجي لها
منال
يعني وهو حقها مش هيجي غير بعد اختي ج/ثتها تتشرح وبعدين لو في حاجة كانت بانت ومفيش اي حاجة بانت خالص ان اختي حد عمل لها حاجة
مجدي
انت. عالم متخلفة وانا شكلي هتعب معاكم اسمعي يا منال انا عايز ادخل اوضتة اختك اللي في بيت ابوكي دي انا عايز ادور فيها على اي حاجة
منال
وده ليه بقا ان شاء الله يا مجدي وهو انت لما تدخل اوضتها هتعرف ايه يعني هو ايه اللي هيكون في اوضتة سارة ويوصلك لحاجة
مجدي
دي شغلتي انا بقا يامنال وياريت تسرعي في الحكايه دي تخليني اروح اوضتة اختك
منال
خلاص يا مجدي انا هاروح بكرة واقول لبابا وبعدها هبقا اعرفك بابا قال ايه
مجدي
ماشي يا منال بس ياريت تسرعي عشان قبل ما يعدي على اختك فترة كبيره في ترتبها وتكون الج/ثة لسه زي ماهي
منال
ماشي هبقا اقول لبابا
وفعلا تاني يوم منال راحت لابوها اللي زعق وقال
محدش هيدخل اوضتة اختك يامنال انتي فاهمة ولا لا انا مش عايز كلام في الموضوع ده وياريت تقفلي عليه انا مش ناقص و/جع دماغ
منال
انا مش فاهمة انت ليه معارض كده يعني في الحكايه دي هو يعني مجدي بيتكلم في المصلحة ومش عايز حاجة غير انه يجيب حق البنت اللي راحت دي
حسين
منال انا قولت مش عايز كلام كتير انا عايزك تقفلي على الحكايه دي
فايزة
اسمعي يامنال انتي جوزك ده مايدخلش هنا انتي عارفه اني مش بطيقة ولا بطيق اشوفه قدامي هو والوليه امه العقربة دي
منال
وهو مجدي عملك ايه يعني يا طنط فايزة هو كان عملك ايه عايزة افهم انا ده حتى بيحب بابا وبيحترمة
فايزة
بقولك احنا قولنا جوزك ده مايدخلش هنا ابدا انتي فاهمة ماتقول حاجة ياحسين
منال.
انت عجبك الكلام ده يا بابا انت عايز كلامها هي اللي يمشي يعني ولا ايه انت ازاى يابابا بتخلي كلمتها تمشي عليك انت لازم تشوف لك حل في الموضوع ده مينفعش كده بقا
حسين.
منال فايزة هي اللي مسؤلة عن البيت ده وهي اللي تقول مين يدخل هنا ومين مايدخلش انا مش هعمل حاجة هي مش عايزاها انتي فاهمة ياريت بقا تسكتي انتي وجوزك ومش عايز اسمع منك كلام تاني
واخدت بعضها منال ورجعت البيت ومجدي رجع من الشغل وقال لها
عملتي ايه يا منال في موضوع اني اروح اوضتة اختك هاروح امتى
منال ارتبكت وقالت له
بقولك ايه يا مجدي انا مش عايزاك تروح اصرف نظر عن الموضوع ده مش هينفع تروح هناك
مجدي
يعني ايه اكيد طبعا الست مرات ابوكي هي اللي أمرت بكده هي مش كلمتها بتمشي عليه طبعا ده لازم انها تعمل كده
منال
ارجوك يامجدي بلاش كلامك ده حرام عليك انا فيا اللي مكفيني وتعبانة انا مش قادرة اتكلم تاني ارجوك بطل كلامك
مجدي
ماشي يا منال انتي كده هتخليني أشك في ابوكي ده ذات نفسه طيب ايه رايك انا حاسس ان ابوكي ومراتة عملو حاجة في البنت المس*كينة اختك دي
منال
هي حصلت يامجدي والله العظيم انا مش عارفه اقولك ايه انت خلاص الشغل بتاعك لحس دماغك وخلاك تشك في اي حد انا مش هقدر استحمل كده ابدا انت فاهم
مجدي
اسمعي يامنال انا كل اللي بدور عليه اني اجيب حق اختك انا قولت لك اني شايف اختك خارجة من بيت كله شقق دعارة يامنال افهمي بقا انا عايز اعرف اختك كانت بتعمل ايه هي ماتت وسرها معاها ماشي بس اكيد في لغز اللغز ده مش هيتحل غير لما ج/ثتها تتشرح ونشوف في ايه
منال انهارت وقالت له
اسكت اسكت يامجدي حرام عليك بقا انا مش عايزاك تتكلم على اختي نص كلمة تانية اااه يا اختي ااه ياقلبى انا قلبي و/جعني اوي عليها حرام عليك سبني في حالي
مجدي
ماشي يامنال انا هسيبك بس بكرة تعرفي اني كان ليا حق في كل كلمة انا قولتها
قال لها كده ودخل جوه ومنال فضلت تعيط شوية وبعدها دخلت عليه وقالت له
طيب يا مجدي انت ممكن تقولي انت عايز ايه من اوضتة سارة وانا اروح بنفسي اجيبه لك قولي وانا هاروح اجيب لك اللي انت عايزة
مجدي
الموضوع مش كده يامنال ده شغلي وانا ببقا عارف كويس اوي ادور على ايه وادور فين فمش هينفع اني اقولك روحي هاتي لي كذا انا اصلا اعرف اختك كانت بتستخدم ايه او ايه هي متعلقتها الشخصية لازم اكون موجود بنفسي في المكان
عدي اليوم ومنال نزلت عند حماتها تحت في الشقه وحماتها قالت لها
وشك ولا وش القمر يامنال ايه يابت هو انتي هتفضلي حزينة العمر كله ولا ايه هو انتي مش وراكي بيت وحاجات عايزة تتعمل ولا هو دلع وخلاص
منال
وانا هتدلع ليه حماتي انا تعبانة عشان اختي اللي راحت دي هو انا مينفعش أحزن ولا ايه
الحما
لا ياختي احزني زي ما انتي عايزة بس بقا ياحبيبتي متخليش الحزن ده يخليكي تبقى قافله على نفسك كده طول الوقت وبعدين صحيح هو انتي ليه مشكتيش في مرات ابوكي لتكون سمتها ولا عملت فيها حاجة
منال
ايه الكلام ده يا حماتي وهي مرات ابويا هتسم اختي ليه وهي عملت ايه يعني عشان مرات ابويا تسمها و النبي ياحماتي الله يخليكي بلاش كلامك ده انا مش ناقصة
الحما
ياختي وانا مالي انا ساكتة اهو انتي بس مش عايزة تسمعي جوزي ولا تسمعي لحد انتي حره يابت يلا ادخلي شطبي المطبخ عشان المواعين فيه بالكوم ما انتي قاعده لي بقالك كام يوم مش بتعملي حاجة وانا ساكتة
منال
لا حول ولا قوة الا بالله ياربي انا داخله المطبخ اشوف اللي ورايا انا مش عايزة اتخانق مليش نفس انا مش ناقصه اصلا
ودخلت منال المطبخ ودخلت عندها اماني وقالت لها
هو انت معرفتوش اختك ماتت ازاى يامنال اصل اخويا مجدي بيقول ان ممكن يكون حد عمل فيها حاجة
منال بعصبية
استغفر الله العظيم وبعدين بقا في الموضوع الأسود ده حرام عليكم بقا سيبوني في حالي انا اختي ماتت لوحدها ومحدش عملها حاجة ارحموني وأرحمو اختي بقا
اماني
الله هو في ايه يامنال هو انا كنت قولت حاجه ياساتر عليكي خلاص ياختي انتي حره
قالت لها كده وسابتها وخرجت ومنال انهارت من العياط وقالت لنفسها
هو ايه الناس اللي انا عايشة معاهم دي هي الناس دي متعرفش ربنا ولا ايه استغفر الله العظيم بقا انا تعبت من البيت ده واللي فيه
وعدت الايام وفضل مجدي كل يوم يكلم منال في موضوع انه لازم يخرج ج/ثة اختها سارة ومنال قالت له
انت مبتزهقش يا مجدي من الموضوع ده ثم انت مصمم ليه كده ها مصمم ليه هو انت كان فيه حاجة بينك وبين اختي سارة انا معرفهاش قولي يا مجدي قولي
مجدي
اقولك ايه يامنال انتي شكلك اتجننتي في عقلك وهو انا هيكون في ايه بيني وبين اختك الله يرحمها وبعدين انتي عارفه ان سارة دي كنت بعتبرها زي اختي اماني بالظبط انا بقا هيكون بيني وبينها ايه يعني
منال
معرفش بس انا شكيت فيك لانك انت مصمم انك تخرج ج/ثتها من الترب وتشرحها ليه كده
مجدي
انا خلاص مش هتكلم معاكي تاني انا بجد جبت أخرى معاكي انتي دماغك مقفله ومش بتفهمي اصلا انا ماشي من قدامك
وفي بيت منال خالتها راحت عند فايزة وحسين وقالت لهم
البقاء لله ياحسين معلش بقا اني مجتش في العزا اصل انا كانت رجلي و/جعاني اوي ياخويا الا هي البت سارة قبل ما تم*وت ماقالتش لكم اي حاجة ولا جابت سيرة انها مثلا تكون زعلت مع حد ولا حاجة
فايزة
هي البت دي كانت بتقول حاجة يا ام هشام دي كانت بت كتومة ومحدش يعرف عنها حاجة ابدا هي كانت لسانها طويل اي نعم بس مكنتش بتقول ايه اللي فيها
الخاله
اااه ربنا يرحمها بقا ياخويا معلش يا حسين الله يصبر قلبك يا خويا
فايزة
اهو على الحال ده من البت ما راحت وهو مش بيتكلم كتير خالص
الخاله
الله يكون في عونة يا فايزة والله حسين غلبان وطول عمره عايش عشان بناتة اللي اختي الله يرحمها راحت سابتهم له
فايزة
طب مانا كنت معاه وبربيهم معاه هو يعني كان رباهم لوحده هما بس اللي كانو لسانهم طويل ومكانوش بيحبوني ده انا كنت مهما اقيد لهم صوابعي العشرة شمع ولا كان بيطمر في واحده فيهم
الخاله.
معلش يافايرة اهم كانو بيدلعو عليكي الا هي منال مش بتيجي ولا ايه ياختي هي رجعت بيتها امتى مش المفروض تخليها مع ابوها تاخد بحسه
فايزة
دي رجعت عشان جوزها وحماتها اللي عامله زي العقربة دي هي حماتها بتقدر تستغني عنها دي شغاله لها ولا الخدامة
حسين اتكلم وقال
جرا ايه يافايرة ياريت تبطلي كلامك ده عن بناتى ماشي انا مش عايز اسمع صوتك
فايزة
هو ده اللي ربنا قدرك عليك ياحسين يعني وقت لما تيجي تنطق تطلع فيا انا طيب انا سكت اهو
الخاله
جرا ايه ياحسين هي يعني فايزة قالت ايه ياخويا ما تسيبها تقول اللي هي عايزاه الوليه مغلطتش فيهم
حسين
أصلها عماله تخبط في الكلام يا ام هشام وانا عارفها مش هتسكت دي مبتصدق تفتح اصلا
وبعدها عدت الايام واتفجات منال بمجدي وهو داخل عليها وبيقول لها
انتي ياهانم انتي يامنال تعالي هنا تعالي شوفي المصيبة عشان لما اقولك ان في كارثة تبقى تصدقي علطول
منال.
في ايه يا مجدي ومصيبة ايه دي انت بتتكلم عن ايه بالظبط قولي في ايه
مجدي
اختك طلعت منتحرة اختك انتحرت بحباية غله يامنال اختك م*وتت نفسها ومش دي بس المصيبة لا اختك كانت حامل في أربع شهور ياهانم
منال اتصدمت وسكتت ومش عارفه ترد وبعدها اتكلمت وقالت له
انت انت انت بتقول ايه يا مجدي ايه الكلام الغريب اللي بتقوله ده انا مش قادرة استوعب اللي بتقوله اختي انا انتحرت وكمان كانت حامل انت عرفت الكلام ده ازاى
مجدي
انا عملت بلاغ في النيابة وجبنا امر بأننا نخرج ج/ثة اختك وفعلا ودناها المشرحة وزي ما أنا ماتوقعت يالظبط اختك طلعت منتحرة لا وايه كانت حامل كمان
منال
انت ازاى تعمل في اختي كده انت ازاى تروح تخرج ج/ثتها ازاى انا مش قولت لك بلاش تعمل كده يبقا انت كنت عارف يامجدي ان اختي فعلا م*وتت نفسها وكمان كنت عارف انها حامل يبقا انت غلطت مع اختي يبقا الحمل ده منك
مجدي
انتي بتخرفي بتقولي ايه انتي اتجننتي يامنال بطلي هيل وعبط انا مكنتش اعرف حاجة انا شكيت في اختك من وقت ما شوفتها خارجه من العمارة اياها وكنت حاسس انه في حاجة وانها بتعمل حاجه اتفضلي احنا رحنا فتشنا الشقه واوضتة اختك انا طلعت منها المذكرات دي خوديها واقراي اللي مكتوب فيها واعرفي بنفسك مين اللي عمل فيها كده
منال
انت عايز تداري على عملتك وخلاص يا مجدي انت ضحكت على البنت وخلتها حامل منك وضميرك بيو/جعك مش كده
في اللحظة دي دخلت عليهم حماتها وقالت لها
اما انتي قليلة الادب بصحيح انتي ازاى بتتهمي جوزك بحاجة زي كده هو يعني غلطان لما كان عايز يجيب حق البنت اللي راحت دي واختك اللي كانت دايرة على حل شعرها طلقها يابني طلقها دي متستاهلش ضفرك
منال
انتي بتقولي ايه حرام عليكم حرااام محدش يتكلم على اختي نص كلمة انتو ناس كفرة
وفي اللحظة دي منال اغمى عليها وشالها مجدي دخلها اوضتها وحط جنبها مذكرات اختها ولما فاقت قرات المذكرات وعرفت منها ان اختها انتحرت بسبب ان هشام ابن خالتها اللي ضحك عليها وخلاها حامل ولما راحت تقوله يتجوزها رفض وقالها
#فلاش باك
انا مش هتجوز واحده سلمتني نفسها واصلا انتي كنتي مدوراها يا سارة وانا عارف روحي شوفي انتي حامل من مين
وفي الوقت ده كانت خالتها موجوده وقالت لها
اسمعي يا بت انا ابني مش هيتجوز واحده زيك سلمته شرفها كده بكل سهولة ولا همها ابوها ولا سمعته ولا سمعتها روحي ارمي بلاكي على اي حد تاني
نزلت من عندهم وكانت كاتبه انها خلاص هتخلص من حياتها قبل ابوها مايعرف حاجة
وبعدها اخدت الحباية وماتت فضلت منال تعيط وانهارت من العياط وحست انها زعلت مجدي خرجت من اوضتها وقالت له
حقك عليا يامجدي متزعلش مني انا اسفه
مجدي
مكنتش اتصور انك تتهمني بالشكل ده يامنال على العموم يابنت الناس انا مش عايزك تزعلي لو عايزاني اطلقك هطلقك وعلى فكرة ابن خالتك اتقبض عليه لأنه كان السبب في انتحار المس*كينة اللي راحت دي
منال
ربنا ما يحرمني منك يارب يامجدي وبعدين يعني انت عايز تمشي كلام امك وتطلقني يامجدي اهون عليك تعمل فيا كده طيب انا كان عندي ليك خبر حلو انا حامل يامجدي
مجدي بفرحة ونسي كل حاجة وقالها
انتي بتقولي بجد يامنال انتي حامل من امتى
منال
انا لسه عارفة من يومين بس ومحدش يعرف
بعدها مجدي من فرحتة قال لامة اللي فرحت وعدت الايام وفرحة منال ومجدي بالحمل بتاعها نستهم الزعل اللي بينهم
وبكده تكون خلصت حكايتنا