شافت جوزها واقف ببدله

رنا كانت بتثق فيك، وإنت خذلتها وقت ما كانت محتاجة حد يقف جنبها. سبتها تواجه كل اللي حصل لوحدها، لحد ما وصلت لحالة نفسية صعبة جدًا. أختي راحت بسبب اللي عملته فيها، وأنا عمري ما هنسى ولا هسامحك.

وأقسم بالله لأجيب حقها، وهخليك تدفع تمن كل لحظة عاشت فيها وهي مكسورة بسببك! يوسف رجع خطوة وهو مصدوم. قاسم كمل بغضب دي أختي يا يوسف. واللي حصل لها مش هعديه كأن حاجة ما حصلتش. فاهم؟ يوسف خرج من المستشفى وهو مش قادر يواجه قاسم.

وقاسم كان زي الثور الهائج، وهو بيردد والله لأجيب حق أختي يا يوسف. وبص ناحية الزجاج اللي باين منه شمس وهي غايبة عن الوعي. عدى عليهم خمس ساعات. فاقت شمس. قاسم دخل لها. قاسم ليه تعملي كده يا شموسة؟ للدرجة دي مش عايزة تقعدي معايا؟ ووشي ما ينفعش عليكي؟

شمس إنت بتقول إيه يا قاسم؟ أنا عملت كده عشان أرتاح من يوسف. خوفت إنه يأذيك بسببي. أنا والله مش بحبه، ومش عايزة أتجوزه. هو ليه مش عايز يتقبل؟ وسكتت لحظة، وبعدين قالت أختي نهي، اللي أنا ربيتها بعد وفــ,,ـــــاه أهلي، هي اللي كانت بتحبه. وأنا ما ينفعش أقبل أتجوزه.

دي تبقى خيانة ليها. أختي اللي ربيتها على إيدي من وهي عندها تلات سنين… أتجوز الشخص اللي حبته؟ طيب إزاي؟ يوسف كان سامع كلامهم من برا. وسكت لحظات، وبعدها خرج من المستشفى ورجع فيلا أصلان، وهو متعصب ومش قادر يستوعب إن شمس رفضته عشان أختها.

عند قاسم وشمس قاسم قرب منها وقال طيب ممكن تهدي؟ أنا عندي حل هينهي كل المشاكل والخلافات دي، وهيبعد يوسف عنك نهائي. شمس بسرعة إيه هو الحل ده؟ أنا موافقة عليه. المهم إني أتخلص من يوسف. قاسم إننا نتجوز.

.. أنا وإنتِ. شمس وشها احمر قاسم! إنت بتقول إيه؟ لأ لأ… يعني مش للدرجة دي. ممكن أي حل تاني، لكن جواز؟ وأنا أدمر حياتك ليه؟ قاسم مين قال إنك هتدمري حياتي؟ أنا بحبك وعايز أتجوزك زي أي اتنين. شمس اتصدمت إنت… إنت بتقول إيه؟ مش معقول. يعني إزاي بتحبني؟

قاسم ضحك بحبك. الكلمة دي ليها معنى من أول ما شوفتك وإنتِ خطفتي قلبي. وما كنتش عايزك تبعدي عني. ومن أول لحظة شفتك فيها في الخطر، حسيت إني ممكن أخسرك، وساعتها فهمت قد إيه إنتِ بقيتي مهمة بالنسبة لي. شمس وشها احمر من الكسوف وقالت بصوت واطي وأنا كمان.