العلاقة بينا مجرد دكتور منال كريم 2

علياء جريت على الاوضة بعد كما قاسم ضربها بالقلم و جرح قلبها بكلامه ،كانت فاضية نامت على السرير و هي منهارة من العياط و افتكرت اللي وصل العلاقة بينها و بين قاسم لكده بعد ما كان الكل يقول عليهم روميو و جوليت الصعيد. ///////(((((((( و بنرجع فلاش باك لما كانت علياء في اخر سنة في الثانوية العامة في قصر الهواري و ده قصر فخم عايش فيه محمد و احمد الهواري محمد الكبير ابو قاسم و ولاء و احمد الصغير ابو شهاب و علياء محمد و احمد قرروا يجوزا ولادهم علشان الروابط تزيد بينهم و اتجوز شهاب من ولاء و اتخطبت علياء ل قاسم و الفرح بعد امتحانات الثانوية العامة في جنينة القصر قاعدة علياء على الأرض و حواليها كتب كتير ،صرخت و هي بتقول: الله يخربيت الثانويه العامه ، انا زهقت منها. جاه صوت قاسم و هو بيضحك: اسم الله عليكي ،انتي مجنونة يا لولو علياء بتذمر: اتجنتت بسبب الثانوية قعد قصاده و قال: وراني مش فاهمة ايه و انا افهمك علياء: اتفضل يا دكتور خد الكتاب و بدأ يشرح لها بس هي في عالم تاني ،بص عليه بهيام و حب، و هو فاكر أنها مركزة ،لما خلص سال: ها فهمتي وشها احمر، و قالت بتوتر : ها اه فهمت طبعا جز على أسنانه و قال: كاذبة انتي شكلك مش مركزة معايا، كنتي بتفكري في ايه. بصت حواليها و قالت بصوت وطي: بفكر فيك. ابتسمت بحب و قال: بحبك يا لولو جت ولاء و قالت: امسك حرامي قاسم بغيظ: عايزة ايه يا بت انتي قعدت ولاء جنبهم و قالت: لازم يكون بينكم محرم قاسم: امشي من هنا ولاء: لا مش هامشي ، يا اخويا أنا بشوفكم اقول روميو و جولييت الصعيد ،ايه الرومانسيه دي ،كنتوا بتقولوا ايه بقي قاسم: ملكيش دعوة، بس هقولك علشان الفضول ، كنت بساعدها في المذاكرة ولاء بعدم تصديق: بجد اومال البت وشها احمر ليه كده. قام قاسم و هو بيقول: انتي رخمة اوي،فين جوزك ولاء: اخس عليك يا اخويا، على العموم جوزي في اوضة المكتب مع ابويا و عمي. مشي قاسم و سالت ولاء: وشك احمر ليه؟ قالت علياء بجراة: علشان بحب اخوكي عايزة ايه بقي ولاء: لا مش عايزة حاجة أنا كمان بحب اخوكي علياء: وقتك مش مناسب خالص ولاء: احترمي نفسك انتوا مخطوبين علياء باعتراض : لا معلش احنا مكتوب كتابنا يعني انا مراته ولاء: براحة على نفسك يا لولو علياء بحب: بحبه اوي و نفسي اخلص السنة دي و نعمل فرحنا زي ما بنحلم. ولاء: أن شاء الله يا حبيبتي. و فى عز ما كنت علياء تحلم بحياة جديده مع حب الطفولة ، اللي كبر معاهم من صغرهم و هما يسمعوا شهاب ل ولاء و قاسم ل علياء، فهما كبروا و الحب يكبر معاهم،في عز سعادتهم ،كان شخص مريض نفسي يحب علياء ،يخطط ل نهايتها ////////// اخر يوم في امتحانات الثانوية العامة خدت علياء نفسها و قالت: و اخيرا خلصت من الثانوية ،اي كانت النتيجة انا الحمد لله راضية طالما عملت اللي عليا ، دلوقتي اخطط ل فرحي. كانت خارجة من المدرسة بكل حماس،قرب عليها شاب من البلد و هو بيقول بخوف: علياء نفخت بضيق و قالت: انت تاني، يا مازن ،قولت مش بحبك و ابعد عني مازن بخوف: مش عايزك علشان كده، عربية شهاب اتلقبت و كان معه قاسم صرخت بصدمة و سالت: انت بتقول ايه و جريت من قدمه ،بس هو قال: تعالي معايا في العربية من خوفها عليهم ركبت من غير تفكير. اول ما ركبت قفل الابواب و قال : اسف يا لولو بس انا مفيش واحدة ترفضيني و قبل ما تفهم رش عليها مخدر ،غابت عن الوعي /////// بعد فترة فاقت علياء في مكان مهجور و هدومها متقطعة و عليها دم، صرخت و هي مش فاهمة حاجة،و لا عقلها استوعب المصيبة اللي مازن عملها،اتعدلت لقت ابوها و عمها و شهاب و قاسم وافقين قدمها، قالت : بابا شوفت الكلب مازن عمل فيا ايه،خطفني من قدم المدرسة. استنت رد من ابوها بس مفيش، فقالت: عارف يا عمي ضحك عليا و قالي ،أن بعد الشر شهاب و قاسم عملوا حادثة ،بس الحمد لله هما كويسين برضو عمها ساكت ،جت تقوم مقدرتش، فقالت : شهاب ،قاسم تعالوا ساعدوني محدش فيهم قرب، ركزت في وشوش الأربعة و بصت على هدومها و بدأت تستوعب، جت تصرخ ،قرب منها شهاب و حط ايده على بوقها و قال بغضب: أخرسي مش عايز اسمع صوتك ،قومي نرجع البيت و بعدين نشوف هنغسل عارك ازاي علياء بصدمة: عاري ،انا معملتش حاجة غلط، انا اتكلم قاسم بحدة: أخرسي كلمته خلتها تمشي معاهم بصمت ///////// في البيت كانت سعدية أم علياء تضرب على رجليها و تقول: يادي المصيبة،يادي المصيبة، هنعمل ايه. ولاء: اهدي يا مرات عمي اكيد ده كدب سعدية: كدب ازاي و المخفي مازن بعت صور و علياء تركب معه العربية و بعت صور ليهم. و مقدرتش تكمل الجملة فقالت عايدة أم ولاء:متعمليش في نفسك كده , دلوقتي يرجعوا و نطمن ولاء: يارب يطلع كل ده كدب. وصلوا البيت دخل احمد ابو علياء و هو يسند على اخوه محمد ،،و قاسم و شهاب يشدوا علياء، رمي شهاب علياء على الأرض قدم سعدية و قال: بنتك ايه معرفتش تربيها. سعدية نزلت على علياء ضرب و هي تصرخ: عملتي كده ليه، حرام عليكي علياء: و الله ما عملت حاجه،هو خدعني شهاب مسكها من شعرها و خلها تقف قدمه، و سال : خدعك ازاي حكت عن اللي حصل، و مجرد ما خلصت ضربها بالقلم و قال: و انتي عبيطة و تصدقي اي حد يقولك حاجة علياء بانهيار: انا عارفة اني غلطت ،بس معرفتش افكر ،بس صدقوني انا معملتش حاجة ضربها شهاب بالقلم مرة كمان و قال: بطلي كذب كل حاجه واضحة قدمنا فصلت ولاء بينهم و قالت بدموع : كفاية يا شهاب، علياء متعملش كده زعق فيها: ابعدي يا ولاء مشيت علياء عند ابوها و قالت: صدقيني يا بابا أنا معملتش حاجة مشي ابوها من قدمها و قال: بنتي ماتت وقعت على الأرض و هي بتصرخ و بتقول: انتوا بتعاقبوا الشخص الغلط ،انا معملتش حاجة ،انا مظلومة ،بدل ما تعاقبوا مازن ،تعاقبوني انا ضحك شهاب بسخرية و قال : مين قالك أننا مش هنعاقب مازن هو مشرف مع البهائم،و انتي عقابك هيكون اصعب.. و بدأ الكل يمشي ،حتي ولاء جت تروح ل علياء ،شهاب شدها بعنف فضلت هي واقعة على الأرض و تبكي بانهيار ،و قاسم واقف قدمها و ايديه وراء ضهره، رفعت عينها له و قالت: أنا مظلومة يا قاسم ، انت لازم تصدقيني مشي من قدمها من غير رد //////// مازن كان مربوط ،دخل قاسم عنده و سال: عايز اعرف منك الحقيقة مازن: الحقيقة انتوا شفتوها النهاردة قاسم: هي جت معاك بمزاحها مازن: أيوة قاسم: ايه اللي حصل بينكم.. ضحك مازن و قال: فهمك كفاية مسك شهاب الكرباج و نزل في مازن ضرب، و مازن كان يضحك بجنون و كلم نفسه: الحقيقة أني كاذب و علياء شريفة و عفيفة و انا مقربتش منها ،بس أنا متاكد انكم هتقتلوني بعد اللي عملتوا ،فقررت أكدب أن في علاقة حب بيني و بين علياء و أني قربت منها و كده حتي لو هموت هسيب علياء تعيش متعذبة من بعدي ،و ده يكون عقابك يا علياء علشان رفضتني يا ست البنات . لوقت طويل قاسم يضرب مازن و جاه شهاب كمل عليه ،بس وافقوا ضرب لما محمد دخل و قال: كفاية كده قاسم بغضب : بس يا ابويا الكلب ده لازم يموت محمد : الموت راحة ليه، احنا هناخد منه كل حاجه و نخليه يعيش زي الشحاتين. ////////// في اوضة علياء بتعيط في حضن ولاء، و حكت لها اللي حصل و قالت: انا مظلومة يا ولاء خليهم يصدقوني ولاء بحزن: اهدي بس يا حبيبتي. فتح شهاب بعنف و مسكها و من شعرها: الكلب اعتراف بكل حاجة علياء بوجع: حرام عليك يا شهاب انا معملتش حاجة،لو سمحت صدقني.. شهاب: أخرسي صوتك مس عايز اسمعه.. و نزل فيها ضرب، ولاء تحاول تبعده عنها و مش قادرة ،بصت على قاسم اللي وافق عند الباب و قالت: انت وافق كده ليه، تعال أبعده عنها قاسم: ابعدي عنه خليه يريبها. علياء انصدمت لما سمعت كده، و عينها اتعلقت على قاسم ،يعني هو كمان مش واثق فيها،لو الضرب يوجع بس وجع قلبها اكتر . ////// تاني يوم احمد بكسرة : طلقها يا قاسم.. قاسم برفض: لا يا عمي مش هطلقلها ،الفرح هيتعمل في ميعاده. محمد : عين العقل ،علشان نقطع لسان اي حد يفكر يتكلم... شهاب : انت مش مضطر تعمل كده مردش قاسم و تم الفرح في المعاد بس من غير اي فرحة، و من يوم الحادثة كل العيلة شايفين أن علياء مذنبة و محدش يتكلم معها غير ولاء /////////// بعد فترة قاسم: جهزي نفسك علشان تقدمي في كلية الهندسة قالت بسعادة: بجد يا قاسم هنخليني اكمل تعليمي مردش عليها، قعدت قدمه و قالت: لو الكل ضدي انت خليك معايا ،صدقني أنا روحت معه لما قال إنكم عملتوا حادثة و متاكده أنه مقربش مني ،صحيح كنت غايبة عن الوعي ،بس حاجة جوايا تقول إن ده محصلش، تعال نروح نكشف قاسم: مش كفاية فضايح.. الكلمة كسرته فسكتت //////// و عدت الايام و قدمت علياء في كلية الهندسة قال شهاب: انتي هعتيشي في سكن طالبات علياء: مش انت عندك شقة في القاهرة. شهاب باحتقار: ايوة عندي ،بس لا يمكن اعيش مع واحدة زيك ، العلاقة بينا هي علاقة دكتور و طالبة ,لكن بنت عمي أو مراتي انسي ،انا اتجوزتك بس علشان عمي و شهاب أما انتي في عيني حاجة رخيصة اوي ضحكت اوي و في نفس الوقت دموعها بتنزل،و رغم حالتها دي قلبه كان حجر. ////////////(((( عودة و بكده انكشف سر من اسرار البنات الأربعة.. كانت علياء لسه بتعيط اول ما سمعت صوت البنات غطت نفسها بالغطاء و مثلت النوم. /////// تاني يوم في كلية داليا ،جت امل و معها شوكولاته و قالت بهدوء: انا اسفة على اللي حصل امبارح ضحكت داليا و قالت: حصل خير امل : ممكن نبقي أصحاب داليا: حاجة تسعدني ////////// بتعدي الايام و كل بنت تحاول تتخطي اللي حصل ليها ،لحد ما خلص العام الدراسي بتفوق البنات و جت إجازة اخر السنة و كل البنات متحمسين يرجعوا بيتوتهم الا الأربعة بنات قالت صبا: لو طلبت من مدام نور تخليني هنا ،هتوافق داليا: ياريت توافق ،انا مش عايزة ارجع البيت ياسمين: ليه بس يا بنات، انا اهلي وحشوني جدا صبا: يعني انتي عايزة ترجعي ياسمين: طبعا و قامت من مكانها و قالت: اشوف وشكم بخير و مشيت ياسمين ،و علياء محتارة مش عارفة ترجع البلد أو لا مع العلم محدش من أهلها عارف انها في سكن طالبات هما فاكرين أنها عايشة مع قاسم ، وصلت رسالة على تلفيونها من قاسم: اخرجي انا مستني برة خدت نفس و كتبت : مع أن مش عايزة اشوف وشك و لا يجمعني بيك مكان بس مفيش حل تاني. و قامت هي كمان و قالت: انا ماشية داليا: انتي كمان علياء: أيوة جوزي مستني برة فجرت المفاجأة و مشيت و هما الاتنين مصدومين قالت صبا: متجوزة ازاي داليا: انا عارفة بقي، خلينا في نفسنا ، انا همشي مفيش حل تاني صبا بحزن: مع السلامة. و مشيت داليا و فضلت صبا و نور تلف تشوف كل البنات مشيوا او لا لقت صبا لسه موجودة، فقالت : بتعملي ايه هنا يا صبا،الكل مشي قامت صبا وافقت و قالت: مدام نور هو ينفع اقعد هنا في الإجازة ... نور : لا طبعا مينفعش نزلت دموع صبا و قالت: ليه بس قربت نور منها و قالت بحنان: مالك يا حبيبتي، الكل مشتاق يرجع بيته صبا: الا انا مش عايزة ارجع محدش بيحبني و لا بيحس بيا نور بهدوء: طيب احكيلي صبا بكل عنف قطعت الفستان من على كتفها على ظهرت شامة سودة ، استنت كلمة سليبة من نور زي ما الكل يعمل بس نور ابتسمت و قالت: مش فاهمة ايه المشكلة شاورت صبا على الشامة و قالت: حضرتك مش شايفة نور: انا شايفة شامة سودة زدتك جمال و تميز ضحكت بعدم تصديق و قالت: بلاش تضحكي عليا ، انا و انتي عارفين انها مشوهه جسمي، انا بتعرض للتنمر من اقرب الناس ليا، بتعاقب على حاجة مليش ذنب فيها، عارفة وصلت لفين ،أن ماما كانت ترفض اني البس فستانين مكشوفة زي باقي الاطفال و تقولي انتي جسمك مشوه، و بابا قال لماما مش هنجيب اطفال تاني ل يطلعوا زيها،. أنا جيت الجامعة هنا علشان ابعد عنهم ،اهلي لو شافوا حد يتنمر عليا ،بدل ما يدفعوا عني، يقولوا ما هو عنده حق، انتي مشوهه خلصت كلامها و انفجرت من العياط،خدتها نور في حضنها وقالت: طيب اهدي يا حبيبتي واسمعني كويس،دي حاجه مش بايدك الله جميل وخلق كل شيء جميل، يعني انتي جميلة بس مختلفة عن الباقي ،و ده اللي بميزك ،،بدل ما تعيطي و تاخدي دور الضحيه خليكي انت الاقوى اللي يتنمر على شكلك،ردي رد قوي ، خلي اللي قدامك يشوف انك واثقه من نفسك ومتاكده انك جميله لو انتي شايفة انك جميلة الكل يشوفك جميلة ، الناس بتشوف اللي احنا عايزينهم يشوفوه. مسحت صبا دموعها و قالت: اول مرة حد يتكلم معايا كده، انا كنت ضعيفة اوي و قبلت اني حد ينتقد شكلي لدرجة اني بقيت اسخط على شكلي،يا سبحان الله كلامك زي البلسم على قلبي طبطت نور على شعرها و قالت: صبا يعني الجمال اوعي تخليي حد يغير الفكرة دي حضنتها صبا و قالت: شكرا لحضرتك. و قامت صبا بحماس و قالت: هرجع بيتي و مش هسمح لحد يضايقني نور بتشجيع : برافو عليكي. و من هنا سر كمان من اسرار البنات اتكشف.. ////// قدم السكن ركبت علياء مع قاسم و أتحرك بالعربية نور وافقة قدم السكن بعد ما اتفقل و قالت: انا حياتي كلها في السكن ده ،فترة الإجازة بحس أن ناقصنيي حاجات كتير طول ما انا بعيد عن المكان ده /////// في شقة قاسم وصل مع علياء اللي سالت بخجل و كأن قاسم مش جوزها و لا البيت بيتها:: اروح فين قاسم: دي اوضتك تجرأ شنطنتها و دخلت الاوضة و قفلت على نفسها و قعدت بحزن. و هو برة نفخ بضيق و يكلم نفسه: انا مش عارف ابعد عنها و لا قادر أقرب منها ،طيب المفروض اعمل ايه؟ لسه بحبها و أحيانا اقول انها مظلومة و لازم اقف جنبها و ساعات اقول هي غلطت أنها واثقت في شخص مش قد الثقة. دخل قاسم المطبخ ،عمل الاكل و حطه على السفرة و خبط على علياء، و قال: علياء. كانت لسه قاعدة زي ما هي و فتحت الباب و قالت: نعم.. قاسم: الاكل جاهز علياء: مش جعانة مسك ايديها و قال: مفيش حاجه اسمها مش جعانة قعدوا على السفرة و سالت: مين عمل الاكل قاسم: أنا علياء: ما شاء الله اتعلمت تطبخ قاسم: علشان عايش لوحدي علياء : كنت عايزة اقولك حاجه قاسم: خير علياء: انا عايزة اطلق رمي المعلقة بعصبية و قال: نعم يا اختي اتكلمت بقوة: ما بلاش نضحك على بعض ،انت اتجوزتني علشان تستر عليا، و كتر خيرك على كده،و كده كده انا عايشة في سكن البنات ، فملاهش لازمة التمثيلية دي. قاسم بغضب: جوازنا تمثيلية علياء: أيوة قاسم' اقفلي بوقك علشان مش عايز اسمع صوتك نهائي اتجمعت الدموع في عينيها و قالت : نفس كلامك و كلامهم لما جت ليكم و انا مظلومة ملقتش حد فيكم جنبي و لا حد صدقني ،كلما قولتوا اسكتي، انا معترفة اني غلطت و روحت معه،اول ما ركبت العربية رش عليا مخدر مش فاكرة حاجة تاني بس عندي احساس اني زي مانا محدش فيكم فكر يصدقني،كلكم كنتوا قاسين معايا. و قامت علشان تدخل الاوضة، فقال قاسم بسرعة: انا اسف وقفت مكانها و هو وراها ،فكمل هو : مهما اقول اسف ملهاش لازمة،بس انا كمان كنت ضايع و مش عارف اعمل ايه، المفروض ابقي سندك في الوقت ده، بس انا كنت ضعيف،انا مفيش لحظة عدت عليا و شكيت فيكي، و هو ده السبب اني اتجوزتك ،لما طلبت انك تعيشي في سكن البنات ،علشان خوفت عليكي مني، الشيطان كان يلعب بدماغي. سكت شوية و كمل: حتي لو الكلب ده قرب منك ، انا عارف انه غصب عنك، عارف انه صعب تسامحني ،بس حاولي علشان خاطري. لفت وشها بسرعة ،لما حست نبرة صوته مخنوقة بالدموع، سالت باستغراب : قاسم انت بتعيط بص لها بحزن و ندم: ياريت دموعي تغسل غلطتي اللي عملتها معاكي قعدت على الكرسي و قالت بحزن: عايز ايه يا قاسم انا خالص شايفة أن علاقتنا انتهت قعد قدمها على الأرض و قال برجاء: متعمليش كده، احنا حبنا كبير ،مينفعش يضيع بسهولة ،سامحيني يا علياء ،اقولك خدي وقتك بس سامحيني علياء: مش عايز تتطمن عليا الاول قاسم: لا علياء: موافقة ناخد فرصة علشان حبنا الكبير، بس وقت الدراسة هكون في السكن و الإجازة هنا. قاسم: براحتك انا غلطت و لازم اتعاقب ببعدك عني علياء: انت اللي اخترت العقاب ده لما بعدتني عنك قاسم: كنت غبي ضحكت من غير رد،قال قاسم: بحبك و اسف مردتش عليه ///////////// في بيت أهل صبا رن التلفيون، رد صلاح ابو صبا: الو جاه الرد من الناحية:الاتوبيس اللي بنتك جت فيه ،عمل حادثة و كل اللي في حالاتهم صعبة انتفض صلاح من مكانه و صرخ: لا اكيد مش بنتي جاه الرد من الجهه التانية : عرفت رقمك من تلفيونها صباح أم صبا: في ايه؟ صلاح بانهيار: الاتوبيس اللي صبا جاية عمل حادثة. قال كده و وقع التلفيون من أيده و جري على برة،أما صباح وقعت في الأرض من الصدمة. و للحديث بقية #سكن_البنات #الفصل_الثاني #روايات_بقلم_منال_كريم ♥️♥️♥️♥️♥️♥️♥️♥️♥️ سبحان الله وبحمده سبحان الله العظيم استغفر الله العظيم و اتوب اليه لا اله الا الله وحده لا شريك له له الملك وله الحمد وهو على كل شيء قدير اللهم صل وسلم وبارك على سيدنا محمد لا حول ولا قوه الا بالله العلي العظيم لا اله الا انت سبحانك اني كنت من الظالمين ♥️♥️♥️♥️♥️♥️♥️♥️♥️♥️

مقالات ذات صلة

ضحيه نفسي 3

الطمع 4

سلفتى كل مادخل المطبخ

انت لازم تتجوز مرات اخوك 3

انت عايز تتجوز عليا ٣

سلفتي والمحشي

اترك تعليقاً إلغاء الرد