تغيرت لأجله إيمان شلبى

٤١٢ ٦١٤ ص Emy اسكريبت بقلمي ايمان شلبي
مش لو كان الواحد مرتبط دلوقتي كان زمانه بيحب زي الناس اللي هناك دي
يابنتي مانتي مخطوبه !
ايه ده بجد اومال مش بتحب زي الناس اللي هناك دي ليه !
قولتها باستغراب زي فيفي عبده بالظبط وصحابي فضلوا يضحكوا عليا وعلي رد فعلي العفوي
بصيتلهم بغيظ وانا بجز علي اسناني
انتوا بتضحكوا
ماهو مفيش حد شايف اللي انا بشوووفه
واحده صاحبتي بفضول
هو خطيبك مش بيحب فيكي !
رديت بسخريه
خطيبي هه ده انا حاسه اني مرتبطه بكنبه ده لو كنت مرتبطه بفيل ابو زلومه ده كان زمانه نطق
واحده صاحبتي بتأثير
ياروحي للدرجادي
واكتر وحياتك واكتر مفكر نفسه الشيخ الشعراوي بروح خالته
ليه يابنتي !
رديت بغيظ
كل حاجه حرام وعيب كل حاجه غلط عنده مش فاهمه انا اي ده
اقوله مش بتكلمني ليه يقولي حرررام انا اجنبي عنك اقوله طب مش بتزورني ليه يقولي حرررررام انا اجنبي عنك
طب يابني انا خطيبتك يعني فتره الخطوبه معموله عشان نتعرف علي بعض يقولي حرررررام انا وانتي لا يجوز أننا نقعد مع بعض انا محرم بالنسباااالك اقوله طب انا محتاجه اشوفك واعرفك اكتر يقولي حرررررررام لما نتجوز نبقي نعرف بعض !
وبصيت لاصحابي وانا بقول بسخريه
ولما اشتكيت لبابا قالي انا كل مره بحترمه اكتر من الاول طب ياحج يهديك يرضيك طب ياحج انا معرفش عنه حاجه يقولي لما تتجوزي طب يابا الحج انا ممكن لو اتجوزت اتطلق منه لو مفهمتهوش يقولي وماله كله نصيب طب ياماما اتكلمي مع بابا فهميه تقولي انا مليش دعوه وبعدين يعني ماله خطيبك ما هو شاب زي الفل طول بعرض ودكتور زي القمر وبعدين ابن عمك يعني مننا وعلينا وانتوا تعرفوا بعض من وانتوا صغيرين مش لازم يعني نحنحه ولا انتي بتحبي شباب اليومين دول المنحنحين
وبصيتلهم وانا بقول پجنون
انا مش فاهمه يعني واحنا صغيرين الواد ده كان نينجا كان بتاع بنات ومقضيها حب ونحنحه جت علي قرمط يعني !!!
وبصيتلهم بذهول
ده كان مرتبط بكل بنات العيله محدش فلت منه إلا انا وبعض الصالحين ياجدعان

انا هتجنن واعرف ايه اللي غيره كده ده أنا وافقت ارتبط بيه عشان هو نحنحوح وانا بحب جو فقع المراره ده بعشق نحنحه المرتبطين
واحده صاحبتي وهي بتضحك
طب ليه يابنتي ۏجع القلب ده ما تسبيه
بصيتلها لوهله كده وانا بفكر فى كلامها
هو انا ليه عمري ما فكرت اسيبه!
سؤال جه علي بالي دلوقتي وفي الحقيقه مش عارفاله أجابه
صاحبتي باستغراب وهي بتشاولي بايديها
هييي روحتي فين
هه م مروحتش
واحده تانيه من صحابي
ايه ده هو مش ده خطيبك يا مرام!
بصيت علي المكان اللي شاورت عليه لقيته واقف مع صحابه
كان لابس قميص موف وبنطلون جينز فاتح ورافع شعره لفوق ولابس ساعه سودا براند وشنطه ولادي سودا شايل فيها كل حاجاته
قلبي دق وعيوني دابت من شكله اللي بيخطف القلب والعقل وبيخطفني!
كان واقف يتكلم مع أصحابه وبيضحك ضحكه بتخطفني من زمان اوي
كل ما تعدي بنت من جنبه يحط وشه في الارض وفجأه بص نحيتي وشافني قاعده لقيته نزل عيونه بسرعه رهيبه ولف ظهره ليا !!
كنت مستغربه تصرفاته ليه بيعمل كده ليه بيبص النحيه التانيه للدرجادي مش طايق يشوف وشي !
بصيت لاصحابي اللي كانوا باصين نحيته بهيام عندهم حق هو حلو هو يخطف قلب اي حد هو خاطف قلبي انا شخصيا بس معتقدش اني خاطفه قلبه
الغيره نهشت في قلبي وانا بهبد علي الطربيزه
مالكم في ايه
واحده صاحبتي بهيام
بقي عايزه تسيبي
القمر ده ياشيخه حرام عليكي
رفعت حاجبي بغيظ
راعي اني خطيبته ها
بصيتلي بتوتر وهي بتبلع ريقها
هه ا انا انا كنت بهزر علي فكره
اتنهدت بحزن وانا بقول
انا رايحه التويلت
اخدت شنطتي وقومت من المكان ومشيت نحيته يمكن الفت انتباهه لكن للاسف كان واقف زي الصنم حتي محركش عينه في حين أن كل اللي واقفين بصوا نحيتي بنظرات الاعجاب اللي متعوده عليها من كل الناس إلا هو !
حقيقي لحد دلوقتي مش عارفه ليه خطبني !!
دخلت التويلت ووقفت اظبط طرحتي والروج بتاعي لقيته خفيف قومت حطيت وفي الحقيقه حطيت كتير مع اني مش بفضل احط روج ملفت بس عملت كده عشان يشوفني يمكن يغير يمكن يخليني احس اني مرتبطه يمكن يخليني احس ان في حد بيحبني وبيخاف عليا !
اخدت نفس طويل وخرجت وهو كان لسه واقف مع صحابه
ابتسمت لما لمحڼي ولمح الروج
روحت قعدت تاني مع صحابي وانا براقبه من بعيد كان اتعدل في وقفته و واقف بالجنب بس باين عليه متضايق
اممممم حلو اوي انا كده عرفت ايه اللي بيضايقك
انتي بتكلمي نفسك يابت
هه ل لا
وفجأه لقيته بيقرب مننا ووشه احمر وعيونه حمراء كان شكله مرعب اوي في الحقيقه
بلعت ريقي بتوتر لما قرب مننا وهو حاطط وشه في الأرض
اتكلم وهو بيجز علي أسنانه
لو سمحتي يامرام عايز اتكلم معاكي
صحابي باحراج
ا احم طب احنا هنستأذن بقي يامرام نتقابل في المحاضره.
رديت بتوتر
ت تمام
بعدوا صحابي وهو خرج منديل من جيبه ومدلي أيده وهو مازال حاطط وشه في الأرض و بيتنهد بضيق
اتفضلي
ايه ده !
اخد نفس طويل وهو بيجز علي أسنانه
امسحي الروج ده يامرام
رديت بعند
ليه ماله الروج
وبصيت في الفون بتاعي بدلع
ده حتي شكله حلو عليا
هبد علي الطربيزه بغيظ
امسحيه
رفعت حاجبي ببرود
ليه !
من غير ليه
وانا مش همسح
وبصيتله بسخريه
روح كمل وقفتك مع اصحابك واعمل كأنك مش شايفيني ولا عارفني يالا روح روح
اتنهد بضيق وهو بيغمض عينه
لو سمحتي يامرام متشلنيش ذنب وتشيلي انتي كمان ذنب وامسحي الروج ده
بصيت له بغيظ
هو انت ليه مش بتبصلي هو انا شكلي بشع للدرجادي !
رد بهدوء
لأ يامرام بس مينفعش ابصلك حرام
رديت بعصبيه
كل حاجه عندك حرررام حرام حراااام هو في ايه انت ليه محسسني انك شيخ ما تفوق يامروان انت ناسي اني بنت عمك وعارفه كل بلاويك بتاعه زمان ولا ايه
ليه بتحاول تبان انك شيخ وانت مش كده من الاساس!!
واخدت نفس وانا بقلع الدبله بتاعتي وببصله ببرود
أنا مش عايزه اكمل في الخطوبه ديه
قولت جملتي واخدت شنطتي ومشيت من المكان وانا بحاول إداري دموعي و…
يتبع
تغيرت_لاجله
إيمان_شلبي
٤١٢ ٦١٤ ص Emy الجزء الثاني بقلمي ايمان شلبي
يالهوووووووي سيبتي خطيبك !!
قالتها ماما وهي بتصړخ في وشي لما روحت وقولتلها اننا سيبنا بعض
اتنهدت وقعدت علي الكنبه وانا بحط وشي بين ايديا وبقول بهمس حزين
اه ياماما سيبنا بعض
ردت بعصبيه وهي بتشدني من دراعي
هو ايه اللي اه
هو لعب عيال انتي وهو يعني ايه تسيبوا بعض كده من الباب للطاق ومن غير ما تستشيري حد
بصيتلها بعصبيه
انا مش صغيره عشان اخد راي حد في حاجه تخصني
زعقت في وشي
لا صغيره وكان مفروض تعملي
حساب لابوكي ولعمك انتي والبيه
رديت بهدوء
مروان ملهوش ذنب انا اللي قلعت دبلتي
كماااان
انتي ايه يابت انتي مش عامله حساب لحد ولا أبوكي ولا عمك مالك طايحه كده انتي مفكره نفسك كبرتي عشان تاخدي قرار من غير ما ترجعي لحد و….
صړخت مره واحده فيها بعصبيه ودموع
كفايه
بقي كفااااايه انا محدش حاسس بيا انا تعبت خلاص تعبت وقرفت من دي علاقه انا حاسه ان انا مش مخطوبه حاسه ان انا لوحدي طول الوقت
لا بيكلمني ولا بيزورني ولا بيخرجني ولا بيعمل اي حاجه من اللي المخطوبين بيعملوها وكأنه مڠصوب عليا
انا حاسه ان انا حمل تقيل علي قلبه بس كان خاېف يقول عشان العلاقه ما بين العيله ما تتقطعش
انا تعبت ياماما ده مش بيبصلي ياماما ده علي طول حاطط وشه في الأرض وكأنه مش طايق يشوف وشي ده مش بيبعتلي حتي ماسدج يتطمن عليا ده ميعرفش عني حاجه صبرت كتير واتكلمت معاه كتير كل مره يقولي حرام حرام حرام حرام انا تعبت بقي تعبت خلاص لما هو مش بيحبني خطبني ليه
كل مره اشتكيلك انتي وبابا تفضلوا تمدحوا فيه من هنا للصبح كل مره اطلع انا الغلطانه وهو الملاك البريئ خلاص بقي كفايه اوي لحد كده
انا مش عايزه احس اني تقيله علي حد انا مش اقل من اي بنت بتحب وبتتحب وبيتجابلها هدايا وبتخرج مع خطيبها تمسك أيده قدام كل الناس من غير خوف كفايه اوي لحد كده
كنت بعيط بحرقه وانا پصرخ في وشها لاول مره في حياتي كنت حاسه ان في بركان جوايا ولو مخرجتهوش ممكن يجرالي حاجه
كنت كاتمه في نفسي طول الوقت كنت علي امل يتغير ويحبني زي مانا بحبه من واحنا صغيرين
كنت نفسي احس بالغيره في عيونه كنت نفسي يزعق فيا ويتخانق معايا عشان غيران عليا بس مكنتش يشوف اي نظره غيره في عيونه كنت
لمحة نيوز

حاسه ان انا بالبسباله هواء مكنتش بشوف نظره حب كان دايما تهرب مني في حين أنه كان زمان مرتبط بنص بنات العيله كنت يرتبط بواحده شهر او اتنين ويسيبها ويروح للتانيه ويسيبها كان كاتب مفتوح للعيله كلها لدرجه انه كان بيتقفش من نظرات عيونه للبنت المرتبط بيها
انما حاليا فهو بقي غامض بشكل مريب مبقاش حد فاهم هو ده مروان بتاع زمان
هو ده اللي مفيش بنت اللي وارتبط بيها
هو ازاي اتغير كده !
ازاي بقي بيهرب من اي تجمع عائلي ويروح يقعد في مكان لوحده بعيد عن البنات عموما ازاي هزاره قل معقوله يكون بيحب واحده من برا العيله وخاېف علي شعورها
طب لما هو بيحب واحده ليه خطبني انا ليه يعلقني بحبال دايبه !!
روحت اوضتي وقفلت الباب ورايا وسندت ظهري وانا بتنفس بسرعه ودموعي نازله علي خدي
قعدت علي الارض وضميت ركبتي لصدري وانا مش قادره اتخيل اني سيبته
انا اه كنت متضايقه من أسلوبه معايا كنت زعلانه علي نفسي بس علي الاقل هو كان معايا علي الأقل اسمه خطيبي وده الحلم اللي فضلت احلم بيه عمري كله لحد ما اتحقق بس للاسف احلامنا مش كلها بتدوم في شيئ ممكن يكسرها ويرجعنا لنقطه الصفر من تاني!
سمعت صوت ماما من برا وهي بتزعق وكالعاده بتجيب اللوم عليا مش قادره افهم هي لي بتعمل فيا كده ليه مش قادره تحس بيا ليه مش قادره تحس اني بنت زي اي بنت نفسها تسمع كلمه حلوه نفسها تحب وتتحب مش تحس انها منفور منها
قومت من مكاني وروحت غيرت هدومي وروحت سندت راسي علي السرير وحطيت الفون جنبي وكل شويه ابص فيه يمكن يكون بعتلي ماسدج اعتذار او اي كلمه تطيب خاطري بس للاسف ملقتش
ضحكت بسخرية وانا بقول لنفسى
وكأنه ما صدق
نمت في مكاني وصحيت بعد ساعتين بالتقريب
بصيت علي يميني وفجأه
قلبي اتنفض وانا قومت اتنفضت من مكاني لما لقيته قاعد علي كرسي قدام السرير بتاعي وبيبصلي بهدوء وملامح خاليه من اي تعبير
فركت عيني وانا ببلع ريقي وبقول بهمس
ا ا اكيد بحلم ا ايوه انا بحلم و
لقيته قام مره واحده وحط أيده في جيبه وهو بيبصلي بهدوء
لا مش بتحلمي انا فعلا هنا
بلعت ريقي وانا بسحب الغطا وبغطي بيه جسمي بتوتر واحراج
ا انت ايه اللي جابك هنا ا انت اټجننت مينفعش كده ا انا
رد بمقاطعه وصوت فيه بعض التملك
لا ينفع عادي ينفع كل حاجه دلوقتي
رديت باستغراب
يعني ايه مش فاهمه
اتنهد وهو بيقول بجديه
يعني انا خطيبك عادي
رديت بسخريه
والله !
وده من أمتي أن شاء الله
رفع حاجبه ببرود وهو بيضحك
من زمان ياقلبي
قلبك !!
قعد علي طرف السرير وهو بيبص في عيوني بهيام
اه طبعا قلبي وروحي وكل ما ليا
فتحت بوقي پصدمه وبلاهه وانا برمش عيني اكتر من مره
اني تقصدي اني
ضحك بعلو صوته وغمازاته ظهرت خلت قلبي يرفرف من الفرحه والحب اللي في قلبي من سنين
مسك ايدي وباسها برقه وهو بيقولي بهمس
بحبك
لا لا لا انا كده ممكن اطب ساكته و….
انتي يابنتي انتي اتهبلتي ولا ايه !
وفجأه اتنفضت من السرير وانا ببص يمين وشمال بأستغراب وصدمه لحظه ادراكي أن كل ده كان مجرد حلم جميل مكنتش اتمني افوق منه
ماما بقرف
قومي حضري نفسك
رديت بصوت حزين
ليه !
في ضيوف جايه
رديت بضيق
مش عايزه اقابل حد
ردت من بين أسنانها
مش بمزاجك ويالا قومي البسي حاجه شيك
هو في أي ياماما هو ده وقته اتزوق فيه بقولك مش عايزه اقابل حد ياماما راعي شعوري شويه انا….
قاطعتني بحزم
بلا شعورك بلا بتنجان قومي البسي طقم شيك وظبطي نفسك مينفعش الناس تشوفك كده بالشكل ده يقولوا مغصوبه
فتحت بوقي پصدمه
مغصوبه!!
مغصوبه علي ايه
قربت مني مره واحده وهي بتغمزلي بفرحه
علي الجواز ياقمر
قومت مره واحده وقفت علي السرير وانا پصرخ
جواززززز !!!!!!
ماما وهي بتخرج من الاوضه
ايوه كتب كتابك بعد ساعه علي مروان
وكانت لسه هتقفل الباب بس طلت برأسها مره تانيه وهي بتقولي بټهديد
صحيح مروان مستحلفلك بعد كتب الكتاب استلقي وعدك
يتبع
تغيرت_لاجله
إيمان_شلبي
٤١٢ ٦١٤ ص Emy الجزء الثالث بقلمي ايمان شلبي
خرجت ماما من الأوضه وانا واقفه فاتحه بوقي مش قادره استوعب اللي سمعته !
هي مين دي اللي هتتجوز انا !
ازاي وليه محدش اخد راي في الموضوع هو انا للدرجادي مليش راي عندهم
خرجت من الاوضه من غير ما اغير هدومي كنت لابسه بيجامه حمراء ضيقه وقصيره وناسيه من كتر الصدمه و التوتر اللي احتلني لما سمعت أن كتب كتابي علي مروان!
دخلت الصالون كان بابا وعمي والعيله كلها شباب وبنات قاعدين ومعاهم المأذون وهو قاعد في ركن لوحده باصص قدامه بشرود
الكل بص نحيتي لما دخلت باستغراب والشباب حطت وشها في الأرض بسبب لبسي
وقفت وأنا ببصلهم وبقول بكل قوه
انا مش موافقه
بابا باحراج وهو بيقوم يقف وبيقرب مني وبيسحبني من ايدي لبرا
معلش ياجماعه ثانيه
خرجنا
من الصالون وسحبني لاوضتي واول ما دخلنا نزل علي خدي بقلم قوي لدرجه حسيت خدي اټخدر من قوته
رفعت راسي وانا بحط ايدي علي خدي پصدمه والدموع بتلمع في عيني
ا انت بټضربني يابابا
بابا وهو بيشدني من دراعي جامد
واكسر نفوخك كمان ياقليله الربايه
رديت بدموع وعصبيه
انا عملت ايه لكل ده انا مش عايزه اتجوز هو عافيه !
بابا وهو بيجز علي أسنانه بغيظ
اه عافيه وحالا تلبسي حاجه بدل المسخره اللي شافك بيها كل العيله وتخرجي وإلا وقسما عظما لا انتي
بنتي ولا اعرف
وقرب مني وهو بيقول بټهديد
قسما بالله لولا أن في ناس برا كنت حاسبتك حساب عسير علي خروجك بالشكل ده ياقليله الحيا والربايه
خرج بابا من الأوضه ورزع الباب وراه بكل قوته
اما عني وقفت وحطيت ايدي علي بوقي وانا بحاول اكتم صوت عياطي
كان جسمي كله بيتنفض وقلبي حسيته هيقف من كتر الحزن والصدمه لأن بابا اول مره في حياته يمد أيده عليا
اول مره في حياته يغصبني علي حاجه كان دائما سايبلي حريه الاختيار في كل حاجه لانه واثق فيا و واثق اني عمري ما هعمل حاجه غلط
ليه المره دي يغصبني علي حاجه ليه يغصبني علي اهم قرار في حياتي القرار اللي المفروض اعمله بكل إقناع وكل رضا
انا مش حاسه بفرحه انا اه بحب مروان بس خاېفه !
خاېفه من مستقبلي معاه خاېفه من كل حاجه واي حاجه خاېفه من مروان نفسه
انا ليه اتجوز واحد مش بيحبني ليه أفضل طول الوقت حاسه بنقص في حياتي !
ليه أفضل طول الوقت عايشه في شك وحاطه ايدي علي قلبي يحب غيري طول ما أنا مش ماليه عينه ولا بيحس بمشاعر نحيتي
انا مش عايزه اعيش حياه مضطربه عايزه اعيش حياه هاديه حياه من غير خوف ولا شك حياه طبيعيه عايزه اعيش مع شخص اكون واثقه ومتأكده أن هو بيبادلني شعور الحب مش بيصطنعه عشان خاېف علي علاقه العيله !!!
اتنهدت ومسحت دموعي وانا بقوم اغير هدومي لاني عمري ما ارفض لبابا طلب حتي لو كنت أنا مش عايزاه !
لبست بنطلون اسود وفوقيه بلوزه تايجر طويله ولبست طرحتي السوداء وشوذ اسود ومحطتش ميك اب وخرجت وانا عيوني حمراء من كتر الدموع
كنت محروجه من الشباب وخاصه بعد ما خرجت بمنظري ده
حطيت وشي في الأرض وانا بقرب منهم وبحاول اكتم دموعي
بابا بجمود
ابدء الإجراءات ياشيخنا
المأذون وهو بيبصلي بشفقه
لا يجوز الزواج بالإكراه
بابا وهو بيبتسم ابتسامه مصطنعه
إكراه اي بس ياعم الحج دول بيموتوا في بعض بس انت عارف دلع البنات ده صح ياحبيبتي ولا ايه !
قالها بابا وهو بيضغط علي كلمه حبيبتي بكل بطئ وتحذير
هزيت راسي وانا بقول بصوت مبحوح
ا ايوه ا انا ومروان بنحب بعض
ورفعت راسي لمروان اللي كان قاعد علي الكرسي اللي في وشي حاطط وشه في الأرض كعادته وملامحه خاليه من اي تعبير أو شعور الحزن أو الفرح او اي حاجه تعرفني أن كان هو كمان بيبادلني شعوري ولا مڠصوب علي الجوازه عشان العيله متتفككش !!
كانت واقفه جنبي اخت مروان اللي مسكت ايدي وهي بتبتسلمي ابتسامه صغيره وبتهمس بدون صوت
بيحبك
نوعا ما كلمتها طمنتني لكن حسيت اني عايزه اسمعها منه هو عشان اتاكد !
اتنهدت بحزن وانا براقب إجراءات كتب الكتاب وبراقب مروان اللي كان بيمضي بنفس الملامح
قلبي اتنفض وضرباته زادت لما حطوا الدفتر قدامي وقالولي امضي
وزعت نظراتي ما بين كل اللي واقفين واللي كان باين علي معظمهم الفرحه وقليل منهم اوي اللي باين عليهم الحقد والغل لأني في النهايه انا اللي هبقي مراته
لوهله حسيت بالشفقه نحيتهم لأنهم بنات زي وعندهم مشاعر وللاسف هو اللي وصلهم لكده

هو اللي اتسلي مع دي شويه ومع دي شويه ولعب علي دي شويه وعشم دي شويه وطبيعي تكون واحده او اتنين حبوه طبيعي يكرهوني مش بلوم عليهم
فوقت من شرودي علي هزه ماما لكتفي
بلعت ريقي واخدت القلم ومضيت علي جنازتي في اعتقادي
بعد شويه سمعت جمله المأذون اللي بتأكد اني بقيت ملكه للاسف الشديد !
بارك
الله لكما وبارك عليكما وجمع بينكما في خير
بعد المباركات والتهاني من العيله لقيته بيقرب مني وانا واقفه بفرك ايدي بتوتر وقلبي كل ما يقرب خطوه يدق بسرعه رهيبه
وقف قدامي وهو بيبص في عيوني بنظره عمري ما شوفته في عيونه قبل كده كانت نظره كلها حب اشتياق فرحه !!
مال بجسمه وهو بيبوس جبيني وبيهمس بهدوء
مبروك
اتوترت وبصيت في كل مكان الا عيونه وانا برد بصوت مبحوح
ا الله يبارك فيك
تعالي معايا
قال جملته وسحبني من ايدي نحيه البلكونه وانا مستغربه
دخلنا البلكونه وساب ايدي وهو بيقف قدامي وبيتنهد بهدوء
طبعا عايزه تعرفي أنا اتجوزتك ليه بعد ما قلعتي دبلتك
ضحكت بسخرية وانا برد
عارفه انت عملت كده عشان العيله مش عشاني
رفع حاجبه بسخريه
ياسلام وانتي شيفاني سطحي للدرجادي !!
رفعت راسي وانا ببصله يتساؤل
اومال اتجوزتني ليه
ماهو مش اكيد عشان بتحبني
ليه مش اكيد هو أنتي مش خطيبتي
عشان انت عمرك ما قولتلي بحبك عمري ما حسيت بكده وانا معاك
انت مڠصوب عليا
جز علي أسنانه بغيظ
انا مش عيل عشان حد يغصبني علي وضع انا مش عايزه انا فعلا اتجوزتك عشان بحبك
رديت پصدمه
بتحبني!!
اتنهد وهو بيمسك ايدي الاتنين بين ايديه
ايوه بحبك يامرام بس مكانش ينفع اعترف بمشاعري الا وانتي مراتى
ليه مش فاهمه
عشان انا مش حلالك انا اجنبي عنك
رديت ببلاهه
اجنبي مين انت مصري !
ضحك بعلو صوته وهو بيرجع رأسه لورا وبيقولي من بين ضحكه
لا مانا عارف ان انا مصري انا اقصد انا محرم عليكي يعني حرام امسك ايدك أو اقولك بحبك حرام التجاوز ما بينا عشان كده انا كنت بتعامل معاكي بحذر عشان انا بحبك وعايزك في الحلال فهمتي بقي انا ليه مكنتش بعترف بمشاعري
ب بس انت كنت بتتعامل مع كل البنات عادي حتي انا يامروان كنت بتتعامل معايا عادي !!
عشان انا اتغيرت يامرام
مش فاهمه اتغيرت ازاي
يعني عرفت أن كل اللي كنت بعمله حرام وقررت اتغير واتقرب من ربنا وابطل كل حاجه حرام كنت بعملها بقيت بصلي بقيت بحفظ قراءن بقيت بسمع حاجات دينيه
انا اتغيرت وقلبي اتغير يامرام انا مبقتش مروان بتاع زمان الشاب الطايش المستهر اللي مش بيشيل مسؤوليه
انا اتغيرت وبقيت بغض بصري لما اشوف اي بنت بقيت مش بسلم علي اي بنت بقيت بعمل كل حاجه صح عشان ده اللي المفروض اعمله عشان انا جاي الدنيا عشان ارضي ربنا في الآخره
عرفتي بقي ليه مكنتش بكلمك ولا بقولك كلام حلو عشان انا مش وانتي لسه في فتره الخطوبه
اتنهدت براحه وانا ببصله بأسف
انا اسفه
علي ايه
اسفه اني كنت مفكره غلط كنت مفكره انك مش بتحبني و وبتحب بنت تانيه
ياشييخه يعني انا لو مش بحبك ليه هتقدملك يااذكي اخواتك
!
بلعت ريقي بتوتر وانا بفرك ايدي
م معرفش بقي اهو اللي حصل
ضحك بهدوء
خلاص ياستي حصل خير المهم دلوقتي
ايه
قرب مني وهو بيهمس في ودني بكل حب
بحبك
ابتسمت برقه وانا برد بهمس
وانا كمان
بعد عني وحط أيده علي خدي مكان القلم اللي اخدته من بابا وهو بيسألني بحزن
بيوجعك
الدموع لمعت في عيني وانا بهمس بحزن
لا
مسك ايدي وباسها برقه
حقك عليا
وغمزلي بمشاكسه
بس بقولك ايه البجامه كانت حلوه اوي
ضحكت بخجل وانا بقول بحزن
العيله كلها شافتني بيها
لا متقلقيش اصل انا كنت منبه علي الكل يحط وشه في الأرض عشان عارف انك مجنونه وهتخرجي من غير ما تفكري تلبسي حاجه
رديت بذهول
ياجدع !!
اه ياقلب الجدع
اممممم طب وانت محطتش وشك في الأرض معاهم ليه احنا كنا لسه متجوزناش
ا احم
ب بصراحه ا احم يعني الله فى ايه يابت انتي هو تحقيق
ضحكت وهو ضحك وشبك أيده في أيدي وفضلنا واقفين شويه نبص في عيون بعض
قطعت اللحظه السعيده ماسدج من الفون
فتحتها قدامه وانا في اعتقادي انها من حد من زمايلي في الكليه
لقيت رقم غريب كاتبلي
إيمان ازيك انا زميلك اشرف اللي معاكى في الكليه بصراحه كده انا معجب بيكي وعرفت انك كنتي مخطوبه وسيبتي خطيبك وانا عايز اتقدملك
بلعت ريقي وانا ببص لمروان اللي كان بيقرأ الماسدج وعيونه قلبت والدخان كان بيخرج من ودانه
ياسوادك ياقرمط جات الحزينه تفرح ملقتلهاش مطرح غطيني وصوتي يامااااا
الله يرحمك يا اشرف كنت طيب وابن ناس
يتبع
تغيرت_لاجله
إيمان_شلبي
٤١٢ ٦١٤ ص Emy الجزء الرابع بقلمي ايمان شلبي
بلعت ريقي وقلبي اتنفض لما شوفت شكله اللي اتحول ميه وتمنين درجه
كنت مړعوبه حاسه أنه هيطبق في زماره رقبتي مع اني معملتش حاجه
همست بتوتر
ا ا انا ا انا
هبد علي سور البلكونه وهو بيجز علي أسنانه بغيظ
اسكتي
حطيت ايدي علي بوقي وانا بهز راسي پخوف
ح حاضر
لقيته بصلي وعيونه حمراء وقرب مني وهو بيشدني من دراعي بغيره
تعرفيه
هزيت راسي بنفي اكتر من مره وانا بقوله بتوتر
وحياتك عندي ولا شوفته قبل كده
اتنهد وهو بيسيب دراعي وبيشد علي شعره بغيظ وعصبيه مفرطه
هو الجاني علي نفسه بقي
لطمت علي خدي بتلقائية
اغيثوناااااا اغيثوناااااا
زعق في وشي پحده
اخرسي
وقرب مني وهو بيشاورلي بصوابعه بتحذير
من هنا ورايح مفيش مرواح الكليه الا وانا معاكي
هزيت راسي بتأيد لكلامه
وماله ياخويا مش عيب
ومفيش لبس بناطيل تاني خلاص
رديت پصدمه
نعم اومال هلبس ايه !
رد بجديه
فساتين وجيبات واسعه وشعرك ميخرجش برا الطرحه و….
قاطعته بسخريه
مش عايز شيكابون للست الوالده مرات عمي !
برقلي بعيونه الرمادي وهو بيجز علي أسنانه وبيقرب وشه من وشي وبيقول بهمس
لا عايزك متنفذيش اللي قولته عشان ساعتها هتكوني انتي الجانيه علي نفسك
بلعت ريقي بتوتر وانا ببعد وشي عنه
ل لا وعلي ايه ا الطيب احسن وبعدين الاحترام حلو مالها الفساتين حلوه وبسمسم
اخد نفس طويل وهو بيحاول يكون هادي وكمل كلامه بهدوء
مفيش ميك اب تاني
رديت بفزع
لااااااا متهزرش بجد بقي حرام عليك ده كان في روج ھموت واجربه ارجووووك الا ده نفسي اجرب كيكو قبل ما اموت
رد بغيظ
بلا كيكو بلا ميكو هي كلمه واحده مفيش نقطه ميك اب تتحط علي وشك تاني وإلا هزعلك بجد
هبدت برجلي علي الارض بعصبيه
يووووه بقي ده ايه ده
رد برفعه حاجب
بتقولي حاجه ياحبيبتي
رديت بغيظ
مبقولش
اوك
ط طب بالنسبه للنطلون الجينز اللي جيباه جديد ده والله لونه جامد حرام عليك
ربع أيده ببرود
مش مشكلتي
ط طب الروج ده انا جيباه ب٥٠٠ جنيه تمن مرتبي كله
برضو مش مشكلتي
ط طب ده انا روحت اشتريت عده ميك اب ب١٥٠٠ جنيه هعمل بيهم ايه دول
انا ممكن يجرالي حاجه صدقني انا…
قاطعني بغيظ
ۏلعي فيهم ارميهم شحتيهم اعملي اللي تعمليه انما اشوفك حاطه حاجه منهم هشلفط وشك
يابني استهدي بالله واسمعني
مش بسمع
طب…
خلاص خلص الكلام
نفخت بضيق
كده كتير كده اوووووفر
بصلي بطرف عينه وهو بيقول برفعه حاجب
حاسس انك معترضه
رديت بعصبيه
بصراحه كده اه ماهو الواحد مش هيتغير من يوم وليله انت ذات نفسك اخدت وقت عشان تتغير !
اتنهد بضيق وكأنه حس أنه افور الموضوع
قرب مني وهو بيسحب ايدي بين ايديه وبيبص في عيوني وهو بيقول برقه
انتي عارفه اني بحبك صح !
اتوترت وقلبي دق بسرعه زي كل مره ببص في عيونه وبلعت ريقي وانا برد بخفوت
معرفش
متعرفيش !!
اتنهدت وانا برد عليه بحزن
ايوه معرفش لاني عمري ما
سمعتها منك غير بعد كتب الكتاب ولا عمري حسيتها فعشان كده معرفش انت فعلا بتحبي ولا لا ولو بتحبني هتقدر تستحملني ولا لا وهتتقبل اختلافي معاك في أي حاجه وتحاول تقنعني بكل هدوء ولا هتصمم علي رأيك وبس !
كلمه بحبك لازم تتحس في الأفعال قبل الكلام يامروان كلمه بحبك سهله تتقال من اي حد
وعلي حسب ما سمعت أن الحب مش كلام وبس انا عايزه احس فعلا انك بتحبني مش مجرد كلمه نفسك تجربها فقولتها انت فاهمني !
ابتسم بهدوء وهو بيضغط علي ايدي وكأنه بالحركه ديه بيطمني
فاهمك
ابتسمت ابتسامه مهزوزه وانا بهز راسي من غير كلام
فاتت لحظات من الصمت وهو ماسك ايدي و واقف ساند أيده علي سور البلكونه وبيبص علي الشارع بشرود
مروان
لف برأسه بهدوء
نعم يامرام
فركت ايدي بتوتر وانا خاېفه من اللي السؤال اللي هساله
ه هو انت ممكن تجبرني علي حاجه أنا مش حباها!
رد بذهول
لا طبعا ليه بتقولي كده
ي يعني عشان ع عشان الكلام اللي قولته اني البس فساتين وجيبات ومحطش ميك اب و …
قاطعني بهدوء
مقدرش اجبرك علي كده
رديت والدموع بتلمع في عيني
ي يبقي هتسيبني
رد بعصبيه وهو بيهبد علي سور البلكونه
هو انتي للدرجادي شيفاني وحش !
اتنفضت من مكاني ودموعي نزلت وانا بحاول اتكلم
ا

ا انا
رد بجمود
انا همشي سلام
كان لسه هيخرج من البلكونه بس مسكت ايده وانا بنادي بلهفه
مروان استني
وقف وهو بيتنهد بضيق
نعم يامرام
وقفت قدامه وانا ببص في الأرض وكأني طفله
ا انا اسفه متزعلش
اخد نفس طويل وهو بيحاول يهدي أعصابه
محصلش حاجه
رفعت راسي وانا بسأله بتوسل
ممكن تقنعني ليه طيب
اقنعك بأيه
يعني ليه مش عايزني البس بناطيل ولا أحط ميك اب
عشان انا بحبك يامرام بحبك وبغير عليكي مش عايز حد يبصلك غيري ومش عايز يحد يقول كلمه عليكي ومش عايزك تاخدي ذنوب عايز لما ادخل الجنه في الآخره تكوني معايا
عايز لما نجيب عيال نعلمهم ازاي يصلوا ويصوموا ويلبسوا لبس شرعي عايز نعمل بيت صالح ونقتدي بالرسول عليه افضل الصلاه السلام
انا بحبك وعايزك معايا في كل خطوه في حياتي عايز ابدء معاكي صفحه جديده فهمتي ليه !
عيوني دمعت من
كلامه وهزيت راسي وانا بترمي في حضنه بفرحه
كنت فرحانه فرحه متتوصفش !
عمري ما كنت اتخيل ان مروان الشاب الطايش بتاع البنات اللي ميعرفش يعني ايه مسؤوليه يتغير بالشكل ده
في الحقيقه هو اتغير للاحسن بقي شخص تاني انا معرفهوش شخص عايز يعمل بيت صالح وانا وهو أساس البيت ده
كنت طول عمري بخاف من كلمه الجواز كنت طول عمري شايفه نفسي صغيره علي اي حاجه مسؤوليه شغل جواز حب
بس لما حبيته لقيت نفسي حابه المسؤوليه حابه الحب لقيت نفسي عايزه اعمل كل حاجه كنت شايفه انها صعبه
ولما قال الكلام ده لقيت نفسي عايزه ابني البيت من بكره لا لا من دلوقتي لقيت نفسي كبرت فجأه !!
فات اسبوع وانا ومروان علاقتنا اتطورت واخدت مسار تاني خاااالص
بقي كل يوم وكل دقيقه وكل ثانيه معايا مبقتش حاسه بفراغ في حياتي ابدا
حياتي الفاضيه اتملت بوجوده خۏفي من الجواز والمسؤوليه اتبدل لشعور الطف ممكن اقول شعور الامان
عايزه اتجوز النهارده قبل بكره عايزه اكون في بيته عايزه اقوم من نومي أوضب شقتنا اللي اخترناها انا وهو بكل حب
عايزه اقف في المطبخ اعمله احلي فطار وافضل ادلع فيه وكأنه طفل وكأنه ليه ماهو فعلا طفل وانا بقيت ام للطفل ده بس لطفل كبير شويه !
لقيتني
بتغير من غير ما احس في الحقيقه بفضل ربنا ثم فضله بقيت ببطل اعمل حاجات غلط كتير من غير ما احس
كان لطيف ومتفاهم لابعدد حد عمره ما زعقلي عمره ما فرض عليا حاجه انا مش حباها بس ابن اللذينه كان قادر في ثانيه يقنعني اعمل اللي بيقول عليه
عمري ما حسيت أن ده ضعف مني او قله شخصيه !
بالعكس أنا كنت بعمل كده عشان هو صح هو عنده حق يمنعني من حاجه معينه لانه شايف انها هتأذيني وهتشيلني ذنب كبير انا في غني عنه تماما !
فات اسبوع ورا التاني ورا الثالث وزي ما اتغير مروان وبقي شخص تاني انا كمان اتغيرت ميه وتمنين درجه بس للاحسن
بقيت بصلي الفرض بفرضه بدأت احفظ قرءان بدأت اسمع دروس دينيه بطلت بناطيل نهائيا بطلت احط ميك اب بطلت ابقي مرام القديمه !
وبعد مرور شهرين كنت واقفه قدام المرايه ببص علي شكلي للمره اللي مش عارفه عددها كام في الحقيقه كنت فرحانه متوتره و جوايا مشاعر كتير متلغبطه لكن في النهايه مشاعر لطيفه
النهارده اجمل يوم في حياتي اليوم اللي هكون مراته رسمي وقدام كل الدنيا اليوم اللي هدخل بيته واكون ملكه علي عرشه اليوم اللي هنبدء فيه رحله حياتنا الجديده سوا ونمشي فيها بكل حب وفرحه عارفه أن في نص الطريق هيكون في شويه شوك هيمنعنا نكمل الرحله أو بمعني تاني هيعطل رحلتنا بس أنا عارفه ومتأكده اننا هنعدي طول ماحنا سوا
قلبي دق لما بنت عمي واللي هي أخته قربت مني وهي بتغمزلي بمشاكسه
عريسك وصل ياجميل
بصيتلها بتوتر
شكلي حلو
قربت مني وحضنتني بحب
شكلك زي القمر ومتأكده أن مروان اول ما هيشوفك هيفرح اوي
ابتسمت بتوتر وانا بمسك في فستاني بتوتر وقلبي بيدق بسرعه كل ما اسمع صوت رجله بتقرب من الاوضه
اتفتح الباب ودخل وهو ماسك بوكيه ورد ابيض شكله شيك اوي ولطيف ولابس بدله سوداء وقميص أبيض وببيون سوداء وعامل شعره بالاستشورا ومظبط دقنه حقيقي كان شكله يخطف القلب والعقل وخاصه قلبي
قرب مني وهو حاطط وشه في الأرض عشان البنات اللي موجوده في الاوضه
رفع رأسه اول ما وصل قدامي واول ما شافني برق پصدمه
ا ا ايه ده
ابتسمت بتوتر واحراج
ايه وحش!
رد بذهول
وحش !!!
وحش ايه ده الخمار زادك جمال فوق جمالك بجد انا مش مصدق انك لبستيه
مسكت ايده بين ايدي وانا ببتسم برقه
حبيت نبدا حياتنا كلها صح
مسك ايدي وباسها برقه
بحبك
وانا كمان
يا متربيه عفه وذوق
تبصي لفوق وايه يعني
ما حقك تبقى باصه لفوق
مادمتي معاكي خدي راحتك
وطيري واجري ف مساحتك
فصوص الماس تراب تحتك
وقلب الناس رصيد مسروق
مابعد سنين من التوهة
ومن قلة أمل خدني
يشاء ربك يعوضني
وتيجي حياتي تمليها امل وحنان
ياأجمل خطوة بابدأها
ياقصة مش مصدقها لحد الآن
بقى انتي يانجمة يا نقيه
يا عاليه ياصعبه ياعصية
بقا انتي تفكري فيا
تمت
تغيرت_لأجلك
إيمان_شلبي