راحت تطلع شهادة وفاة لجوزهانرمين عادل همام
لما راحت تطلع شهادة وفاه جوزها عرفت انه مطلقها من خمس سنين:
أنا هبة ست بسيطة اتجوزت محسن وأنا عندي عشرين سنة وكنت فاكرة إن الجواز ستر وونس وسند وعشرين سنة عشتهم معاه بين شقة إيجار قديم في شبرا وقعدة على القهوة بعد العشا ومصاريف مدارس وديون بتتسدد بالعافية ومواقف كتير كنت بشوف فيها نفسي شريكته مش بس مراته كنت بصحى قبله أحضر الفطار وأستناه كل يوم على الغدا حتى لو اتأخر وأقنع نفسي إن تعبه وقسوته ساعات طبيعيين عشان ضغوط الشغل عمري ما تخيلت إن الراجل اللي شيلته في مرضه ووقفت جنبه في أزماته
وخلفت له تلات عيال ممكن يكون مخبي عني سر يهد جبال ولما مات فجأة بأزمة قلبية حسيت إن ضهري اتكسر في العزا كنت بصرخ وبقول سندي راح والناس تهديني وتقول البقية في حياتك وأنا كنت شايفة مستقبلي كله بيقع قدامي وبعد العزا بأيام لميت نفسي وروحت السجل المدني أطلع شهادة الوفاة عشان أبدأ إجراءات المعاش كنت داخلة مكسورة لكن ثابتة عشان ولادي الموظف فضل يبص في الشاشة شوية وبعدين رفع عينه وقال لي بهدوء غريب يا مدام حضرتك جاية بصفتك إيه قلت له مراته
قال لي السيستم بيقول إن الأستاذ محسن مطلقك طلاق غيابي موثق من سنة ٢٠٢١ حسيت الأرض بتسحبني قلت له إزاي مطلقني وإحنا عايشين مع بعض لحد يوم ما مات قالي دي البيانات اللي قدامي خرجت مش شايفة قدامي روحت على المحامي الأستاذ محمد وأنا منهارة حكيت له كل حاجة بدأ يدور في سجلات المأذونين ويطلب صورة رسمية من إشهاد الطلاق ولما الورق جه لقينا إن محسن مدي عنوان قديم مهجور عشان الإعلان ما يوصلش وإن الطلاق تم في مكتب مأذون في منطقة بعيدة عمري ما روحتها والأدهى إننا كنا وقتها بنحتفل بتخرج بنتنا الكبيرة يعني كنا مع بعض فعليا المحامي قال لي إن الطلاق الغيابي لو تم صحيح قانونا بيمنعك من الميراث لكن لو فيه غش أو تدليس ممكن نطعن عليه وأنا رجعت البيت وأنا بين الغضب والانهيار دخلت مكتبه اللي كان دايما قافله وكسرت الدرج لقيت قسيمة الطلاق
وصورة تنازل باسمي عن أي حقوق في عمارة باسمه أول ما بصيت على التوقيع عرفت إنه مش توقيعي ده حتى اسمي مكتوب بطريقة أنا ما بكتبهاش واليوم اللي مكتوب فيه التنازل كنت فيه في المستشفى بولد ابني الصغير بشهادة دخول وخروج رسمية المحامي لما شاف الورق ابتسم لأول مرة وقال دي بداية خير رفع دعوى بطلان طلاق للتدليس والغش وبلاغ تزوير في التنازل وطلب من المحكمة إحالة القسيمة للمعمل الجنائي وفي الجلسة الأولى حضر أخو محسن ومعاه محامي تقيل وبدأوا يلمحوا إن أنا كنت عارفة وساكتة عشان المصلحة وإن الطلاق تم برضاي لكن لما تقرير المعمل الجنائي جه كانت الصدمة التقرير أثبت إن التوقيع مزور وإن ختم المأذون غير مطابق للنماذج الرسمية وإن المأذون المذكور كان موقوف عن العمل وقتها المحكمة بدأت تشك في شبكة أكبر وهنا دخلت ست لابسة أسود ومعاها ولدين في سن المراهقة وقالت إنها زوجة محسن التانية وإنها متجوزاه عرفي الأول وبعدين رسمي بعد طلاقي المزعوم وقدمت عقد جواز رسمي مؤرخ بعد إشهاد طلاقي بشهرين