العلاقة بينا مجرد دكتور منال كريم 1

Part 1
في سكن الطالبات و مع بداية عام جديد
كانت الطالبات وافقين في صفوف بكل احترام،

و قفت على المنصة مديرة السكن و قالت بصوت عالي :السلام عليكم ورحمه الله وبركاته

ردوا البنات بصوت عالى: و عليكم السلام و رحمة الله و بركاته.

مديرة السكن و دي نور اللي عمرها ٤٥ سنة ، و لو النظام له اسم هتكون هي، تعشق النظام ،شخصية صارمة و قوية، قالت بصوت يهز المكان: كل سنة و انتم طبيبن و عام سعيد عليكم.

سكتت شوية و قالت : المكان هنا ماشي بنظام ،،الاكل و النوم بمعاد، الساعة عشرة بليل ابواب السكن هتفقل في وشككم، و دلوقتي هنتحرك بنظام، و الأستاذة رحمة هتعرفكم اوضكم.. ..

مشيوا البنات بنظام و كل اوضة فيها أربعة بنات
/////////
في اوضة بطلات حكايتنا

فتحت صبا الشنطة و قالت: هاي يا بنات، انا صبا

ردت علياء عليها : هاي و انا علياء

صبا: اسمك جميل

علياء: تسلمي يا حبيبتي ده من ذوقك

بصت علياء على البنت الثالثة اللي قالت: انا داليا ،من اسكندرية

صبا:و انا من المنصورة

علياء:و انا من سوهاج

خرجت ياسمين من الحمام و هي حطه ماسك على وشها، و قالت:انا ياسمين من القاهرة

و بدوا يتشاركوا الحديث و يعرفوا عن بعض اكتر.
//////////
في اوضة مديرة السكن

نور: كل البنات سكنت في الاوض

رحمة: ايوة يا فندم

نور: تمام، احنا عايزين نشد عليهم، انتي عارفة احنا مش بحب دلع البنات اللي ملوش لازمة

رحمة: مش احسن لو نتتساهل مع البنات شوية

نور: لا طبعا احنا لازم نشد عليهم

رحمة: تمام يا مدام نور اللي انتي شايفه
//////////
و نرجع لاوضة البنات

و بدوا يتعرفوا على شخصيات بعض

كل بنت فيهم قاعدة على سريرها

داليا: ما شاء الله الأوضة حلوة اوي و نظيفة ،كنت خايفة يكون المكان مش نظيف.

صبا: مديرة السكن شخصية صارمة و تحب النظام ،و الكل يشهد لها بحسن الادراة علشان كده المكان نضيف

ياسمين : بصوا بقى يا بنات عشان نبقى على نور من أولها، أنا بحب النظام زي مدام نور كده ، كل واحدة تلتزم بسريرها و دولابها،و بلاش تعمل كربكة و دوشة في الاوضة،لازم يكون في خصوصية

علياء: يا ساتر يارب ، ده احنا لسه بنقول يا هادي، مش عايزين مشاكل يا بنات احنا مش عيال صغيرة..

صبا:صحيح انتوا كليات ايه