العلاقة بينا مجرد دكتور منال كريم 4

خرجت داليا مع بشرى و شافت عادل في وشها و قال بابتسامة: وحشتني يا داليا

بصت داليا عليا بقرف من غير رد، و قعدت على السفرة، فقال عادل: مش هتسلمي علي بابا

كان هيقرب منها مسكت س/كينة الاكل و قالت: ابعد عني و اياك تفكر تقرب مني ،هق/تلك يا عادل

التلاتة اتصدموا و عيطت بشرى و قالت: داليا

رمت داليا الس/كينة و قعدت على الأرض و هي منهارة من العياط

قربت بشرى منها و سالت : في ايه ؟

داليا: ادخلي جوة يا بشرى

دخلت بشري و قفلت الباب على نفسها ،،،،و داليا بصت على امها و قالت: انتي مستنية ايه ،رد عليا مستنية ايه،، اجي في يوم اقت/له أو أق/تل نفسي ،حتي لو انا بكدب و ده محصلش يبقي انتي تختاري بنتك مش جوزك ، انتي مش محتاجة الكلب ده في حاجة ، يعني مفيش سبب يخليكي تكملي معه ،خلي يمشي من هنا، قبل ما تحصل مصيبة

عادل بعصبية: و انتي فاكرة سعاد حبيبتي هتصدق كلامك ده، سعاد انا قولتك بنتك دي غيورة و مريضة نفسية و محتاجة مستشفى الأمراض العقلية

داليا: اخرس يا حقير و اطلع من حياتنا ،سنين و أنت بتسرق فلوسي انا و اختي .

و صرخت اكتر و هي بتضرب على الأرض: انت سرقت من حياتي ،سرقت طفولتي ،سرقت مني الامان ،عايز تسرق مني ايه تاني ،اطلع برة حياتي

رد ببرود: أنا مش في حياتك انتي، انا في حياة سعاد مراتي و حبيبتي

رفعت داليا ايديها و قالت بحرقة: يارب يا عادل زي ما حرمتني راحة البال ،،ما تدوق الراحة في الدنيا و الآخرة

كل ده و سعاد وافقة ساكتة ،تشاهد بصمت ،شايفة انهيار بنتها و لسه بتفكر ،ده دلع بنات أو لازم تبعد عن عادل.

عادل: شايفة السوداء اللي جوة قلب بنتك ،انتي ساكتة ليه يا سعاد ، اوعي تكوني صدقتي بنتك الخبيثة.

قامت داليا من على الارض بخيبة أمل و قالت : متخافش ،هي زي العادة هتصدقك انت و تكدبني أنا، و في كل مقارنة بينا هتختارك انت و انا لا.

و كانت داخلة اوضتها بس وافقت على صوت سعاد : استني يا داليا

وقفت داليا و قالت: نعم يا ماما

سعاد: عادل اتعدي عليكي

داليا بحزن: أيوة يا ماما.

سعاد بصت ل عادل و قالت: طلقني

عادل و داليا اتصدموا ،قال عادل: ازاي صدقتي الخبيثة دي

ضربته بالقلم و قالت: كل السنين اللي فاتت انا كنت عامية، بس لما توصل اني بنت ترفع عليك الس/كينة تبقي هي صادقة، هات مأذون خلينا نخلص كل حاجه