حماتي رفعت ايدها ناحية
الدوسيه وطلع ورق كتير
امضي هنا بس عشان نثبت إننا اتفقنا على المصاريف والبيت وكده
بصيت على الورق
مكتوب فوق بخط صغير عقد اتفاق ودي
وتحت فيه كلام كتير متلخبط
وكلمة باينة في النص توكيل عام بالتصرف و نقل ملكية
قلبي وقع
هو ده الورق اللي سمعتهم بيتكلموا عليه
قلت سيب الورق هقراه على مهلي
حماتي اتعصبت تقري ايه هو انتي شاكة فينا، ده جوزك يا بنتي
قلت عشان جوزي لازم أقراه كويس، مش هامضي وانا مش فاهمة
جوزي قال انتي هتعملي فيلم، ده ورق عادي
قلت لو عادي سيبه ساعتين
حماتي قالت لا امضي دلوقتي عشان نروح الشهر العقاري قبل ما يقفل
هنا اتأكدت
شهر عقاري يبقى توكيل بيع
قلت مش همضي غير لما المحامي بتاعي يشوفه
سكتوا هما الاتنين
حماتي بصت لجوزي وقالتله مش قلتلك
جوزي احمر وشه وقال يعني انتي مش واثقة فيا
قلت واثقة، بس الشقة دي بتاعة أهلي اللي ماتوا وسايبينهالي أمانة، مش همضي على ورقة تخصها من غير ما أفهمها
قمت خدت الورق ودخلت أوضتي وصورته وبعته للمحامي
بعد 5 دقايق المحامي كلمني وهو پيصرخ
إوعي تمضي، ده توكيل بيع للنفس وللغير للشقة كلها، لو مضيتي الشقة هتروح منك في ثانية وحماتك هتبيعها لنفسها
إيدي سقعت
يعني كانوا عايزين يسرقوا شقتي وأنا واقفة بتفرج
طلعت الصالة وكنت هادية جدا
قلت الورق ده مش هامضيه
حماتي قامت وقفت ليه يا هانم هو انتي فاكرة نفسك مين
قلت فاكرة نفسي صاحبة الشقة اللي انتي قاعدة فيها بقالك شهر وبتتحكمي فيا
جوزي قال احترمي أمي
قلت أمك عايزة تسرق شقتي وانت واقف بتتفرج، فين احترامك انت ليا
هنا حماتي اټجننت
رفعت إيدها زي ما حكيت في الأول وقالت لجوزي بص يا ابني اتعلم الست المفروض تتعامل ازاي
جوزي واقف ثابت
لا اتكلم ولا منعها
وأنا في اللحظة دي كل حاجة جوايا اتجمعت
7 سنين بشقى
7 سنين بطبخ واغسل واروق واشتغل واصرف
7 سنين بسمع كلام زي السم
7 سنين وجوزي عمره ما وقف جنبي مرة
مسكت إيدها قبل ما توصل وشي
قلت إيدك لو اتمدت تاني هتندمي
بعدت خطوتين وفتحت شنطتي
كنت مجهزة الجواب اللي المحامي كتبهولي من الصبح
طلعت الجواب وحطيته على الترابيزة
حماتي ضحكت بثقة وفتحت الجواب
أول سطرين قرتهم وشها اتغير
تاني سطرين إيدها بدأت تترعش
تالت سطر وقعت على الكرسي
الجواب كان فيه
إنذار رسمي على يد محضر بعدم التعرض للمالكة وطلب إخلاء الشقة من الضيوف
غير المرغوب فيهم خلال 48 ساعة وإلا سيتم اتخاذ الإجراءات القانونية پتهمة التعدي ومحاولة الاستيلاء على ملكية خاصة بموجب توكيل مزور
وكمان كان فيه
تم تسجيل مكالمة صوتية بتخطيط لنقل الملكية دون علم المالكة وسيتم تقديمها للنيابة في حالة عدم الإخلاء
أنا مسجلتش حاجة بس المحامي قالي اكتبي كده عشان تخاف
وفعلا خاڤت
حماتي بصتلي وقالت انتي بتطرديني
قلت أنا مش بطردك، أنا بطلب منك تسيبي بيتي اللي انتي فاكرة إنه بتاعك، انتي قلتي هتقعدي كام يوم وقعدتي شهر، قلتي هتساعدي وقعدتي تنتقدي، قلتي هتصلحي بيننا وكنتي بتسخني جوزي عليا، ودلوقتي عايزة تسرقي الشقة
جوزي قال انتي بتبالغي
قلت أبالغ، طب خد الورق اللي كنت عايزني أمضيه وروح بيه لأي محامي في الشارع واسأله ده ورق اتفاق ولا ورق بيع شقة
سكت ومعرفش يرد
قلت 48 ساعة وتكونوا انتوا الاتنين بره الشقة، انت تروح تقعد عند مامتك وهي ترجع بيتها اللي سابته لبنت أختها، ولا انت نسيت إن عندها بيت
حماتي قامت لمت شنطتها وهي بټعيط وتدعي عليا
جوزي لسه واقف
قال طب وأنا
قلت انت اخترت، لما أمك رفعت إيدها عليا وانت وقفت تتفرج انت اخترت، لما خططت تسرق شقتي وانت عارف إنها ورث أهلي انت اخترت، أنا كنت مستعدة أستحمل أي حاجة إلا السړقة والمد إيد
قال هتندمي
قلت أنا ندمت 7 سنين إني كنت ساكتة، مش هندم يوم إني حافظت على بيت أهلي
مشيوا هما الاتنين
قفلت الباب بالمفتاح وقعدت على الأرض عيطت
مش عشان زعلانة
عشان أخيرا ارتحت
بعد يومين جوزي بعتلي رسالة ممكن نتكلم
مردتش
بعد أسبوع بعت أمي رجعت بيتها وانا قاعد لوحدي
مردتش
بعد شهر المحامي كلمني قال جوزك عايز يرجع بس بشروطك انتي
قلت شروطي إن الشقة دي خط أحمر، وإن أمه متدخلش بيتي تاني غير ضيفة ساعتين وتمشي، وإن يحترمني قدام أهله مش يسيبهم يهينوني
وافق
رجع بس رجع واحد تاني
بقى يعمل شاي لنفسه
يروق أوضته
بطل يسمع كلام أمه في كل حاجة
ولما أمه جت تزورنا مرة حاولت ترفع صوتها عليه
هو اللي وقفها وقال متكلميش مراتي كده، دي شقتها وهي اللي سمحتلنا نقعد فيها
ساعتها بس حسيت إني أخدت حقي
مش بالجواب ولا بالمحامي
لما جوزي نفسه فهم إن اللي كان فاكرها ضعيفة طلعت هي اللي شايلة البيت كله
والشقة
الشقة لسه باسمي
ولسه فيها ريحة أهلي
ولسه محدش يقدر يقول عليها بتاعته غيري
بعد ما رجع
قعد أول أسبوعين زي الفل
يعمل قهوة الصبح
يغسل مواعينه
حتى بقي يلم هدومه من على الأرض اللي أمه كانت بتقولي أنا اللي المفروض ألمها
كنت