قبل زفافى بدقايق

أنا الأولى وفي واحدة بعدي اختفت.
اختفت.
الكلمة دي وقفت الزمن.
اختفت يعني إيه؟
بصّت حواليها كأنها خايفة حد يسمعنا
يعني محدش يعرف هي فين ولا حصل لها إيه.
جسمي كله سقع.
وإنتي؟ حصل لك إيه؟
سكتت شوية
وبعدين

قالت
أنا مضيت.
الصمت نزل بينا.
على نفس الورق؟
نفسه تقريبًا.
وبعدين؟

ضحكت ضحكة صغيرة مليانة مرارة
بقيت صفر.
إزاي؟
كل حاجة كانت باسمي اتحولت باسمه حساباتي اتقفلت شغلي وقف حتى الشقة اللي كنت عايشة فيها خرجت منها.
طب إزاي خرجتي من الجواز؟
بصت لي نظرة تقيلة
أنا ما خرجتش هو اللي خرجني.
قلبي اتقبض
إزاي؟
همست
اتحطيت في موقف خلى الكل يصدق إني أنا الغلطانة.
سكتت لحظة
واتطلقت من غير ما آخد حاجة.
أنا كنت واقفة بس حاسة إني بقع.
طب ليه بتقولي لي ده؟

قربت مني أكتر
عشان إنتي لسه عندك فرصة.
فرصة لإيه؟
تهربي.
الكلمة دي خبطتني.
أهرب؟!
آه قبل ما يبقى متأخر.
سكتت شوية
وبعدين طلعت حاجة من شنطتها.
ملف صغير.
ده إيه؟
نسخة من الورق اللي مضيت عليه زمان.
خدته بإيدي
قلبي بيدق.
اقري.
فتحت الملف
ولقيت نفس الجمل

نفس الصياغة
بس في الآخر
كان فيه بند زيادة.
يحق للطرف الأول التصرف الكامل في كافة ممتلكات الطرف الثاني دون الرجوع إليه.
شهقت.
ده مش عقد ده استيلاء!
بالظبط. قالتها بهدوء.
طب محدش بلّغ؟ محدش وقف له؟
بصت لي نظرة مليانة تعب
رامي ذكي بيلعبها قانوني كل حاجة شكلها سليم بس في الحقيقة فخ.
سكتت شوية
وبعدين قالت
بس المرة دي في حاجة مختلفة.
إيه؟
إنتي.
أنا؟
إنتي رفضتي تمضي.
حسيت بحاجة جوايا بتتحرك
خوف بس معاها قوة.

بس
أنا اتجوزته خلاص
لسه تقدري تنقذي نفسك.
إزاي؟
قربت مني وهمست
هو مش متوقع إنك تعرفي.
يعني؟
يعني عندك وقت.
وقت لإيه؟
تعرفي الحقيقة كاملة.
سكتت
وبعدين قالت الجملة اللي رجّعت الخوف من أول وجديد
والحقيقة أخطر من اللي إنتي شايفاه.
بلعت ريقي
أخطر إزاي؟
بصت لي مباشرة
رامي مش بس بياخد فلوس.
أومال بيعمل إيه؟
سكتت لحظة
وبعدين قالت
هو بيمسح الناس.
قلبي وقف.

يعني إيه؟
يعني بيخليهم يختفوا من حياته ومن حياة أي حد.
رجلي اتلخبطت.
إنتي قصدك
قاطعتني بسرعة
أنا ما بقولش حاجة أكيدة بس في حاجات حصلت ومفيش تفسير.
الهواء بقى تقيل.
وفي اللحظة دي
موبايلها رن.
بصت فيه
وشها اتغير.
لازم أمشي.
استني! أنا لسه
اسمعي كويس
مسكت إيدي بقوة