قبل زفافى بدقايق

ما ترجعيش له دلوقتي وخلي بالك هو مش هيسيبك بسهولة.
طب أعمل إيه؟!
قالت جملة واحدة
خليكي أذكى منه.
وسابت إيدي
ومشيت.
وقفت لوحدي
في نفس المكان
بس أنا مش نفس البنت.
بصيت في الموبايل
ولقيت رسالة من رامي
إنتي فين؟ المحامي مستني.
ابتسمت ابتسامة صغيرة
بس مش زي الأول.
المرة دي
أنا اللي بفكر.
أنا اللي بلعب.

ورجعت بصوت واطي أقول لنفسي
اللعبة بدأت بس المرة دي مش أنا الضحية.
رجعت البيت وأنا مش نفس سارة اللي خرجت منه الصبح.
الفستان الأبيض كان لسه عليا
بس الإحساس؟ اتبدل.
المرة دي أنا داخلة مش كعروسة
أنا
داخلة أعرف الحقيقة وأنهيها.
فتحت الباب بهدوء
لقيت رامي واقف في الصالة مستنيني.
وشه كان هادي بس عينيه؟
كان فيهم سؤال وقلق وغضب مستخبي.
إنتي كنتي فين؟
حطيت الشنطة بهدوء
نزلت أتمشى شوية.
قرب خطوة

من غير ما تقولي لي؟
ابتسمت ابتسامة خفيفة
مش لازم أستأذن صح؟
سكت
بس النظرة اتغيرت.
المحامي مستني من الصبح.
خليه يستنى.
الصمت وقع بينا
بس المرة دي أنا اللي مسيطرة.
قعدت على الكرسي وبصيت له مباشرة
عايزة أفهم حاجة.
إيه؟
إنت كنت متجوز قبل كده؟
في ثانية
وشه اتشد.
مين قالك؟
جاوب.
سكت لحظة
وبعدين قال
آه كنت متجوز.
ليه مخبتش؟

ملوش لازمة.
ضحكت بسخرية
ملوش لازمة؟!
الموضوع انتهى.
انتهى إزاي؟
بص لي بنظرة تقيلة
اتطلقنا.
بس؟
آه.
قمت وقفت قدامه
واللي بعدي؟
سكت.
بس سكوته كان إجابة.
في واحدة تانية اختفت صح؟
اللحظة دي
الهدوء اتكسر.

إنتي بتقولي إيه؟
صوته على شوية بس مش قوي.
بقول الحقيقة.
قرب مني بعصبية
إنتي مين اللي كلمك؟!
ابتسمت
الماضي اللي إنت فاكر إنه اتدفن.
إيده اتقبضت
اسمعي يا سارة بلاش تعملي مشــ,اكل من أول يوم.
أنا مش بعمل مشـ,اكل أنا بكشفها.
ورميت الملف قدامه.
فتح
قرأ
وسكت.
قريته؟

ده مش عقد ده مصيدة.
بص لي بعين باردة
ده نظام بيحميني.
وبيسحق اللي قدامك.
دي مش مشكلتي.
الجملة دي
كانت النهاية.
خدت نفس طويل

وقلت
بهدوء
أنا مش همضي.
هتمضي.
قالها بثقة.
لأ.
إنتي مش فاهمة
فاهمة كويس.
قرب أكتر وصوته واطي وخــ,طر
أنا مش بسيب حاجة تبدأ من غير ما تخلص بطريقتي.
بصيت له في عينه بدون خوف
وأنا مش بسيب نفسي تتدمر.
في اللحظة دي
الموبايل رن.