اختي ومرات اخويه 1

اختى اتسببت فى طـــ،،لـــ،ـاق اخويا من مراته وجوزتها جوزها احنا ساكنين فى بيت عيله واخويا متجوز من سنتين ومراته كانت شايله البيت وامى واخويا بيحبوها وبعد فتره اختى اتصاحبت عليها وكانت مرات أخويا اوقات تروحلها تساعدها تعملها اكله جديده وبقوا صحاب وبعد فتره من صداقتهم بدأت الخلافات بين اخويا ومراته على اتفهه الاسباب واختى كانت تدخل بدل ماتلم الموضوع تكبره وفضلت تعلب فى ودان اخويا انه يطلقها عشان تتعلم الادب ومن الناحية التانيه تسخن مرات اخويا وتخليها تصر على الـ،،طـــ،ـلاق لحد ما فعلا تم الـ،،طـــ،ـلاق بينهم حاولت كتير انا وماما نصلح بينهم لكن اختى مكانتش بتدى حد فرصه يدخل بينهم بعد ما تم الـ،،طـــ،ـلاق بخمس شهور اتفاجئنا إن هاجر مرات اخويه اتجوزت صلاح جوز اختى ولما سألنا عرفنا إن اختى هى اللى سعت للجوازه دى حاولنا نتواصل معاها او مع هاجر لكن محدش فيهم كان بيفدنا ومش بيقولوا غير كل شئ قسمه ونصيب اخويا كان عايش فى عالم تانى والحزن ماليه من اللى حصل وازاى وثق فى اخته وسلمها ودانه وطلق مراته انا وماما اخدنا الفضول إننا نعرف ليه اختى عملت كده المفروض ده اخوها ماتخربش بيته وزاى أصلا مرات اخويا تسمعلها وفوق ده كله اللى كان هيجننا ازاى اختى تقبل على نفسها تتجوز على ضره ومش بس كده دى هى اللى منقياها كمان وجيباها لجوزها ولما واجهناها وجرينا ورا السـ،،ر،، اكتشفنا المصيبة الأكبر.

.أختي كانت مخبية علينا إن جوزها صلاح مهـ،،ددهـ،،ا بالـ،،طـــ،ـلاق عشان مش بتخلف، وبدل ما ترضى بقضاء ربنا، فكرت بخبث شيطانى : “أنا أجوز صلاح واحدة من طرفي تسد عينيه وتحمل منه وتربيلي ولادي، وفي نفس الوقت أضمن إنها تحت طوعي وما تاخدوش مني خصوصاً ان حماتها مشيلاها شغل البيت كله بحجه أنها فاضيه وموراهاش لا عيل ولا تيل فقررت تجيب هاجر لانها كانت عارفه إن هاجر شاطره فى شغل البيت وغلبانه ولقت إن “هاجر” مرات أخويا هي الضحية المثالية؛

جميلة، ومتربية، وست بيت، وبتسمع الكلام، ومن كتر ما هي نيتها صافية صدقت أختي ان اخويا بيديها موانع حمل ولما حملت وسقـ،،طـ،،ت ومرتين كان بسببه لانه بيحب واحده تانيه . أختي قعدت شهور تخطط وتبخ سمها، من ناحية تكره أخويا فيها وتقوله “دي مش حباك وشايفة نفسها عليك ومش عايزه تخلف منك وبتاخد حبوب منع حمل ولما حملت سقـ،،طـ،،ت تفسر بايه انها سقـ،،طـ،،ت حمل مرتين “، ومن ناحية الثانية تروح لـ هاجر وتقولها “أخويا مش مقدرك وناوي يتجوز عليكِ، كرامتك بالدنيا وتطـ،،لـ،ـقي أفضل”.فضلت وراهم لحد ما خربت البيت وعقدت الأمور وما سابتش أي باب للصلح.