حماتي وقفت وسط العيلة 3

مصفح ب 4 مسامير صلب في حلق خرسانة، ميتكسرش بعتلة ولا باتنين.
وقفت بثقة وبصيت في الكاميرا، وقولت
كملوا… اخبطوا كمان، كله متسجل صوت وصورة، وبث مباشر لجهات التحقيق!
وفجأة، صوت حركة سريعة جداً في بير السلم وصوت رجلين بتجري وبتطلع درجات العمارة بقوة.
صوت الأسانسير وقف، وخرج منه أحمد المحامي، ومعاه ظابط واتنين أمناء شرطة بالزي الرسمي والسلاح!
صوت الظابط شق العمارة زي الرعد
ثَبّت إيدك ياض أنت وهو! ارمي الحديدة دي في الأرض وارفع إيدك على الحيطة!
صړاخ حماتي انقطع كأنه اتبلع.
صوت العتلة لما وقعت ورنت على بلاط الطرقة برة كان أحلى نغمة سمعتها في حياتي.
في إيه يا باشا؟! في إيه إحنا في بيت ابني وبنتفاهم مع مراته!
حماتي حاولت ترجع لنبرة الردح والإنكار، بس الظابط زعق فيها بحزم يخوف
اخرسي خالص! أنت كريم الدسوقي؟
كريم وشه اصفر، وصوته اختفى، بلع ريقه وهو بيترعش بقلم منال علي
أ… أيوة يا فندم.
صادر ضدك أمر ضبط وإحضار من نيابة أكتوبر في القضية رقم … لسنة 2026 حصر حبس، تنفيذ أحكام تبديد وشيكات بدون رصيد. والأستاذ اللي معاك ده يفتش شنطته حالاً!
أنا فتحت الباب بهدوء.
فتحت الترباس، ووقفت على عتبة بيتي، رافعة راسي، لابسة حجابي وكامل هيبتي.
المنظر برة كان كفيل يمسح أي ذرة حزن من قلبي.
كريم واقف وشه في الحيطة وإيديه متكلبشة بالحديد، عينه مکسورة في الأرض ومقادرش حتى يرفعها في عيني.
والمحامي متكلبش جنبه، وأمين الشرطة بيفتح شنطته وطلع منها
العقد الأصلي الأزرق بتاع شقتي!
وعقد بيع ابتدائي عرفي عليه إمضاء مزورة باسمي، وفاضل بس يروح الشهر العقاري يرفع بيه دعوى صحة توقيع غيابية!
أحمد المحامي قرب، أخد العقد الأزرق بإيده، وسلمهولي قدامهم وهو بيبتسم باعتزاز
حقك رجعلك يا باشمهندسة، ومحدش يقدر يمس طوبة واحدة من اللي بنيتيه بعرقك.
حماتي بصتلي، ولأول مرة أشوف في عينيها الانكسار والړعب الحقيقي بدل التكبر والتعالي.
قربت مني، ودموع التماسيح بتنزل على خدها، ووطت تحاول تبوس كتفي
رنا… يا بنتي، أبوس إيدك الحقي كريم! هيدخل السچن يا ضنايا! هتفضحي جوزك عشان حتة شقة؟! إحنا ملناش غيرك، اتنازلي وهو يكتبلك كل اللي أنتي عايزاه!
رجعت خطوة لورا بقرف، وبصيتلها من فوق لتحت وقولت بجمود تام
بعد الجواز مابقاش في حاجة اسمها شقتك وشقته… كل اللي معاكي بقى لعيلة جوزك… مش دي كانت كلمتك أول إمبارح؟
النهارده بقى، القانون هو اللي بيتكلم.
وابنك مش راجل يعتمد عليه زي ما كنتي بتتباهي قدام العيلة… ابنك نصاب وحرامي، ومكان الحرامية مش في بيوت بنات الناس المحترمة… مكانهم في الحجز.
كريم رفع راسه وهو بيبكي باڼهيار وذل
رنا، سامحيني، كنت مضغوط والديون كانت هتخنقني، الشيطان وزني… أنا بحبك!
بصيت في عينيه بنظرة واحدة مفيهاش حتى كره… كان فيها عدم احترام، وده أسوأ بكتير من الكره