اطلعي براانا مش مصطفى جابر 1

خد يوسف و دخل..
رهف بغيظ طفولي: ماشي يا بو طويلة انا هوريك لما تخرجي لي .
: انتي شرفتي انا كنت قادرة احبسك مع اخوكي بس عملت مردتش لانك كنتي مرات المرحوم الغالي ابني جمال .

رهف بصت وراها بغضب: انتي.
سيدة ببرود: اه انا اللي هربيكي و هربي اخوكي الهمجي اللي اتهجم عليا وكان عاوز يسرقني و مد ايده عليا.
رهف بغضب: انتي كدابة هو معملش حاجه انتي عاوزة اي بالظبط مش خدتي اللي عاوزاه.
سيدة بهمس: لا لسه فاضل كتير لو سمعتي كلامي يا رهف هتنازل علي المحضر و علي فكره الكاميرا جايبة اخوكي وهو بيزقني يعني لابساه لابساه.
رهف بغضب: انتي عاوزة اي بالظبط مني.
سيدة ببرود: هقولك بس مش دلوقتي لما اخليكم تتعذبوا شويه عشان تترجوني اقف جنبكم.
رهف بجمود: عمري ما هترجاكي يا سيدة و اخويا لو مخرجش منها ف انا والله هاجي اتحبس معاه هنا بس بعد ما اخلص عليكي انتي فاهمه كله الا سندي في الدنيا.
سيدة بتوتر و غضب: انتي بتهدديني يا بت انتي.
رهف بجمود: انا مش بهددك انا بوعيكي اللي يقرب من اخويا اللي حيلتي همحيه من علي وش الدنيا ..اوعي تفتكري اني هسكت لك علي ظلمك لا انا مش ضعيفه انا اقدر اعمل فيكي اللي ما يتعمل بس كنت بقول قد امي و بحترم جوزي بس عند اخويا خط احمر فاهمه.
شفيق من وراها : وانتي عندك حق يا رهف يا بنتي في كل حرف وسيدة هتتنازل هتمضي علي ورقة التنازل قصاد ورقة تنازل منك انتي كمان.
رهف باستغراب: تنازل عن اي انتو عاوزين اي بالظبط وبتخططوا ل اي.
شفيق بخبث: تتنازلي عن دهبك و عن نص البيت اللي كتبه ليكي جمال قبل ما يموت.
رهف بصدمة: اييي اتنازل.
سيدة ببرود: اه حقنا يا عنيا دا تعب وشقا الواد الله يرحمه واحنا اولى بيه.
رهف بخبث: بس اخويا مش عملك حاجه وانتي عارفه كده كويس.
سيدة ببرود: اه معملش وانا اللي كنت بستفزه عشان يزقني او يمد ايده و عارفه انه مكنش قصده بس تقدري تثبتي دا بقا.
رهف بخبث: اه يا حماتي السابقة اقدر وميرسي جدا علي صوتك القمر دا.
فتحت تليفونها وورتهم التسجيل
شفيق بصدمه :

روايه جديده أتمني تعجبكم واتمني متبخلوش عليا بالدعم والتفاعل… لو الرواية عجبتكم هنزل بارت جديد.. مستعدين؟