انا مش بحبك انا بحبها1

الفصل التاسع
مرت الايام وعمر يعمل في وظيفته بجانب دراسته وفيروز تجتهد في دراستها في تريد ان تدخل الجامعة وتفرح والديها فهم يضعوا عليها امالهم وكل عطلة ل عمر يأخذ فيروز ويتمشوا
في احد الايام وهم يتمشوا على الكورنيش نظر عمر ل احد العمارات الكبيرة
عمر..ياسلام لو الواحد يسكن هنا
فيروز..وشقتنا مالها بس
عمر مقلدا صوتها..وشقتنا مالها بس انتي مقتنعة بالكلام اللي بتقوليه دا
فيروز..ايوة مقتنعة هما اللي عايشين هنا احسن مننا في ايه عندهم ايه مش عندنا عايشين في شقة احنا كمان عايشين في شقة عندهم عيلة احنا كمان عندنا عيلة عيالهم شاطرة في الدراسة احنا كمان الحمد لله ممكن تقول هما احسن مننا في ايه
عمر بتهكم..عندهم اهم حاجة في الدنيا ومش عندنا(نظرت بتساؤل)ايوة عندهم الفلوس وعايشين مرتاحين
نظرت له ..وانت تعبان في ايه احمد ربنا انت متفوق في دراستك وشغال في شركة ولما تتخرج هتشتغل في وظيفة اعلى واحسن ومرتب اكبر ومستقبلك انت تقدر تبنيه وتخليه احسن لازم نتعب عشان نحس بطعم الراحة لو مادقتش المر عمرك ماتحس بطعم الحلو
عمر بسخرية..يعني هو لازم التعب والمر مينفعش نعيش في الراحة والحلو انا لو الاقي اي طريق يخليني غني مش هتأخر
نظرت له بخوف من كلامه هو فعلا مستعد لفعل اي شئ ليصبح غني ..انت قصدك ايه
عمربضحك..انتي مال وشك جاب الوان كدا
فيروز..خوفت من كلامك وانك ممكن تعمل اي حاجة عشان تبقى غني
عمر..لأ ياحبيبتي انا فعلا نفسي ابقى غني بس اكيد مش بالطريقة اللي وصلتلك يعني مش هسرق ولا اختلس ولا اعمل اي حاجة حرام فاهمتي
فيروز براحة..اه ريحت قلبي كدا تمام ربنا يرزقك وتحقق احلامك وتبقى غني وعندك فلوس كتير لو دا هيسعدك
عمر..يااااه لو دا يحصل دا انا ابقى اسعد واحد في الدنيا
مرت الايام ونجحت فيروز في الثانوية ودخلت كلية الصيدلة فهي كانت تود ان تكون دكتورة لكن عدد سنواتها كثيرة وتحتاج الى مصاريف كثيرة ولتحقيق حلمها دخلت كلية الصيدلة
(تخرج عمر وهو يعمل محاسب في الشركة كما وعده الدكتور )اتفق عمر مع فاطمة وامينة على اقامة حفلة بسيطة لفيروز بمناسبة نجاحها ويريد ان يفاجئها فاحضر تورتة وعصير وشيكولاتة وذهب معها ليحضر لها هدية وفي نفس الوقت يبعدها حتى تتمكن فاطمة وامينة من ترتيب كل شئ
فيروز بأستغراب..هو احنا رايحين فين
عمر..تعالي بس وانا هفهمك وتمشوا حتى وصلوا لمحل لبيع الفضة وقف ينظر على الاشياء المعروضة
فيروز..انت بتبص على ايه هنا
عمر..عايز اجيب هدية للقمر بتاعي
فيروز بفرحة..بجد هتجبلي هدية
عمر بحب..ايوة هو انا عندي غير قمر واحد يالا اختاري عايزة ايه
ظلت تقلب نظرها بين المعروضات الى ان وصلت لما تريده هي دائما كانت تود ان تلبس سلسلة بها اسمه
نظرت له بحب..اهي اللي انا عايزاها واشارت له على ما تريد
نظر لها بحب عندما رأى ما تريد ..هي دي اللي انتي عايزها بس دي صغيرة
فيروز..لأ دي اجمل حاجة دي حلوة اوي
نظر لها بحب اكبر وتاهه في عيناها ..بس دي مافهاش غير عمر لاوردة ولارسمة
فيروز..عجباني وبعدين انت قولت اختاري وانا اخترت
عمر بخبث..يعني انتي مش عايزة غير عمر
ابتسمت إبتسامة رائعة وهزت رأسها بمعنى نعم
امسك يدها ..طب تعالي ياقلب عمر
ودخلوا الى المحل واشترى لها مااختارت ووضعها البائع في علبة ورجعوا البيت وجدوا الباب مفتوح وهدوء وظلام
قالت..عمر في ايه
دخلت تنادي ..ماما انتي فين بابا لم يرد عليها احد
وضعت يدها على مفتاح الضوء وما اضاءت الصالة حتى رأت الزينة والتورتة والحلويات والشيكولاتة والعصير على طاولة صغيرة نظر لها وهمس بصوت واطي..لو كنت اقدر كنت عملت ليكي احلى واكبر حفلة ياحبيبتي
نظرت له بفرحة كبيرة وعيونها لمعت ..دي احلى حفلة ربنا يخليك ليا يا عمري
عمر..انتي قولتي ايه
فيروز بخجل..قولت ربنا يخليك ليا
عمر..ياايه
فيروز زاد احمرار وجهها..بطل ياعمر
عمر..والله ماانا سيبك الا لما تقولي
فيروز بصوت هادي ناعم..ياعمري
عمر..دا انتي اللي عمري وحياتي كلها
فاطمة..انت ياخويا انت وهي بتتوشوشو بتقولوا ايه
فيروز..هاا ولا حاجة ياخالتي انا كنت بقول ان كان مسربني عشان تحضروا كل دا
فاطمة..طبعا ياحبيبتي هو احنا عندنا كام فيروز الف مبروك يابنتي وعقبال الشهادة الكبيرة
فيروز..يارب ياخالتي ادعيلي ربنا يوفقني
فاطمة..ربنا معاكي ياحبيبتي
امينة احتضنتها..الف مبروك ياحبيبتي
فيروز بزعل مصتنع..كدا يا ماما ماتقوليش لي
امينة بضحك..وانا مالي ياختي عمر هو اللي وصاني عشان يعمللك مفاجأة
عمر..ايوة انا اللي قولتلها
محمد..الف مبروك يابنتي ربنا يوفقك ويسعدك
اخرج عمر العلبة من جيبه
فاطمة/امينة..ربنا يخليك لها ياحبيبي
ضحكت فاطمة وامينة لانهم قالوا نفس الجملة في نفس الوقت فتح عمر العلبة واخرج منها السلسلة ونظر ل محمد..تسمحلي ياعمي البسها لها
محمد..لبسها يابني ماهي على اسمك من يوم ماتولدت فيروزتك ولا نسيت
حك عمر رأسه بأحرج..لأ ياعمي مانستش دي عمري كله وقام والبسها السلسلة وهمس لها وهو يقف خلفها..عارفة اللقطة دي كانت عايزة ايه
لم تفهم قصده فردت ببراءة..كانت عايزة ايه
ضحك انها لم تفهم قصده..كانت عايزة نبقى لوحدينا وانا كنت فهمتك عملي
احمر وجهها لقد فهمت مايقصده وابتعدت عنه في خجل وقالت بصوت واطي..انت قليل الادب
نكزها بخفة دون ان يلاحظه احد..وهي دي قلة ادب لأ ياعمري دا انا هعلمك قلة الادب على اوصولها
تحركت سريعا من مكانها
فاطمة..مالك يا فيروز عملك ايه الواد دا
عمر ببراءة..انا عملت ليكي حاجة ونظر لها
لم تستطيع النظر له..لأ معملش حاجة انا بس عايزة اكل من التورتة والحلويات ولا هو جيبها نتفرج عليها
فاطمة..ايوة صح هو احنا مش هنأكل ولا ايه
امينة ..يالا نقطع التورتة واحضرت الاطباق
قامت فيروز بسرعة تهرب من نظرات عمر التي تشعرها بالارتباك قام خلفها وقال بصوت واطي..بتهربي مني مش كدا هيجي يوم وتقعي تحت ايدي ومش هتعرفي تهربي ياقمر
زاد احمرار وجهها ولم ترد لاحظت فاطمة وجه فيروز
فاطمة..انت بتقول لها ايه البت وشها بقى زي الطماطم
عمر ببراءة..اسأليها لو انا قولت لها حاجة
نكزته بجانبه بمرفقها..عاجبك كدا
عمر..ماهو وشك دا اللي فاضحنا
…………
في الجامعة
ذهبت فيروز الى الجامعة فهذا يومها الاول تشعر بالرهبة والخوف فهي مثل التائهه لاتعرف شئ ولا تعرف احد الجامعة كبيرة وبها بنات وشباب كثيرون اوصلها عمر للباب وتركها وذهب سألت عن مكان الجدول ونقلته وجدت فتاة تقف بفردها ويبدو على وجهها نفس شعورها اقتربت منها فيروز في هدوء..صباح الخير
البنت..صباح الخير
فيروز..انتي في سنة اولى
البنت..ايوة بتسألي ليه
فيروز..اصل بصراحة حاسة اني تايهة ومعرفش حد وحسيت انك زيي فلو مش هيضايق احنا ممكن نتعرف ونبقى مع بعض بدل ما كل واحدة فينا لوحدها
البنت بسعادة..لأ مايضايقنيش دا كنت هروح
فيروز..ما دام كدا انا فيروز محمد ومدت يدها
مدت البنت يدها..وفاء صلاح الجيار (فتاة ليست جميلة وليس لديها مايميزها غير شخصيتها الطيبة وروحها الحلوة والدها رجل اعمال كبير لديه العديد من الشركات وهي ابنته الوحيدة)تصافحت الفتاتان ومنذ ذلك اليوم نشأت بينهم صداقة ومع مرور الايام والاشهر اصبحوا لا يفترقوا عن بعض واخذت كلا منهم تحكي عن حياتها للاخرى
وفاء..انا ياستي وحيدة ماما متوفية وانا عايشة مع بابا لوحدنا عندنا اقارب كتير بس بيزورنا في المناسبات بس وكنت ……وسكتت قليلا
فيروز..لو مش عايزة تحكي بلاش
وفاء..لأ مش كدا بس انتي عارفة انك اول صاحبة ليا بجد كل اللي عرفتهم كانوا بيصاحبوني عشان مصلحة اللي عايزاني اشغل ابوها ولا اخوها ولا عشان اوصلها معايا ولما تخلص المصلحة تبعد عني انتي اول واحدة تقرب مني من غير ماتكون عايزة من حاجة عشان كدا ان حكيت ليكي عن حياتي ومش هخبي عليكي انا كنت بحب ابن عمي اوي من واحنا صغرين وهو كان بيعاملني عادي بكل ذوق انا كنت بفهم ذوقه معايا على انه بيحبني واتعلقت به اوي بس للاسف بابا عمل حاجة كسرت نفسي اوي
فيروز بأستغراب..عمل ايه
ادمعت عيناي وفاء..بابا لاحظ تعلقي به وطلب منه انه يتجوزني وهو طبعا مش بيحبني فقال لبابا انه مش هيقدر يتجوزني ف بابا قاله لو اتجوزتها اكتبلك شركة من شركاتي وهو طبعا راح لعمي ومرات عمي وهما يومها جم عندنا البيت وانا طبعا معرفش الحكاية دي كلها
فلاش باك ***
في فيلا صلاح الجيار
دخل اخوه وزوجته وهم في قمة غضبهم
اخوه..السلام عليكم
صلاح..وعليكم السلام اهلا وسهلا اتفضلوا
زوجة اخيه..ولا اهلا ولا سهلا اسمع بقى ياصلاح ابعد عن ابني خالص
صلاح بدهشة من كلامها..هو انا عملت ل ابنك حاجة دا ابن اخويا يعني إبني
اخوه..بصراحة كدا ابعد عنه انت عايز تضحك عليه وتجوزه بنتك
صلاح..وفيها ايه دا المثل بيقول اخطب لبنتك ولا تخطب ل ابنك
زوجة اخيه..انت عايز تدبس الولد في بنتك الوحشة اللي انت عارف ومتأكد ان مفيش حد هيتقدم لها وعايز تكتبله شركة من شركاتك وهو اشترى ليك حاجة وانت بتديله شيكولاتة دا جواز يعني عشرة طول العمر يعني هيصحى كل يوم يتصبح بوشها وبعدين هو احنا محتاجين فلوس …..
قاطعتها وفاء التي استمعت الى كل كلمة وشعرت بالذل والاهانة كيف لوالدها ان يفكر هكذا وان يعرضها عليه ويغريه بشركة كي يوافق على الزواج بها)..معلش يا طنط اكيد بابا مكنش يقصد كدا وعلى العموم انا شايفها زي اخويا ولايمكن افكر فيه
زوجة عمها..كدا تمام ياحبيبتي ربنا يرزقك باللي يسعدك ونظرت ل زوجها ..يالا بينا
خرج عمها وزوجته وانهارت في بكاء مرير ..ليه يابابا تعمل كدا لدرجة دي عايز تخلص مني
احتضنها بشدة..لأ ياحبيبتي والله مش قصدي كدا انا قصدي اطمن عليكي مع واحد اثق فيه انا خايف عليكي خايف اموت واسيبك لوحدك من غير راجل يخلي باله منك وقولت ابن عمك كويس وراجل محترم واخلاقه عالية وهو دا الشخص اللي اطمن عليكي معه
وفاء بدموع..خلاص يابابا الموضوع انتهى
باك***
وفاء..بس ياستي هو دا اللي حصل ومن يومها وانا بتجنب عمي ومراته وابن عمي اتجوز وخلف ولما بيجوا عندنا انا بفضل حابسة نفسي في اوضتي لحد مايمشوا
فيروز..وليه كل دا ماخلاص الموضوع انتهى واهو اتجوز يعني خلاص خلي الامور عادية
وفاء..مااكدبش عليكي مش قادرة ابص في وش اي حد منهم صحيح الحكاية عدى عليها سنتين بس انا حاسة انها حصلت امبارح
فيروز..انا بقى ياستي وحيدة زيك واحنا ساكنين في منطقة ….وبابا موظف في…….وامي ست بيت وتقدري تقولي اننا مقطوعين من شجرة امي يتيمة كانت عايشة عند عمها وبعد ماجوزها ل بابا خلاص ولاكأنه يعرفها وبابا معندوش اخوات وملناش في الدنيا غير خالتي فاطمة وجوزها عم محسن الله يرحمه وعمر
وفاء..دي خالتك
فيروز..لأ دي جارتنا وهي اللي مربياني اصل احنا ساكنين الشقة قدام الشقة ودايما الشقتين مفتوحين ونأكل في مكان مفيش شقتك وشقتي
وفاء..الله يابختك دي حاجة حلوة اوي ان يكون في ناس بتحبك كدا وخلاص من غير سبب
فيروز..ايوة صح
وفاء..بس ايه حكاية عمر بقى
فيروز..عمر دا حكاية لوحده انا فتحت عنيا عليه يعني تقدري تقولي كدا اخويا وصاحبي و……..لم تكمل وتقول لها انه حبيبها وخطيبها قاطعها صوت عمر..السلام عليكم
فيروز/وفاء..وعليكم السلام
فيروز..هو دا ياستي عمر اللي قولتلك عليه
مدت وفاء يدها ..اهلا اتشرفت بمعرفتك
عمر..اهلا بيكي الشرف ليا انا ونظر ل فيروز ..يالا بينا
فيروز..طب يافوفة يالا سلام
وفاء..مع السلامة ظلت تتابعهم حتى اختفوا تماما وقالت..هييييييح دا موز اوي…………