انا مش بحبك انا بحبها1

الفصل الرابع
في المستشفى
في مكتب شيماء بعد ان اعترفت بحبها لعاصم واخبرته بخوفها من كلام الناس واهله وعرفت مقدار حبه لها وتمسكه بها
عاصم..انا هروح ياقلبي عشان ورايا عملية
شيماء بأبتسامة خبيثة..لأ سبني انا اروح مع ندى
نظر لها ورفع حاجبه..ايوة عشان الراجل يروح فيها ماهو وقع تحت ايد رايا س\كينة
شيماء بزعل طفولي..كدا ياعصومي بقى احنا شبه رايا وس\كينة
رد عليها وهو يضحك..لأ ياعيون عصومك دا رايا وسك\ينة هما اللي شبهكم ويالا عشان تجهزي نفسك
نظرت له بغباء..اجهز نفسي ل ايه
بضحك بصوت عالي..للعملية يا قمر انتي فهمتي ايه
نظرت له يتسأل..ايه دا مش ندى هي اللي هتعملها معاك
عاصم..لأ انتي اللي هتعمليها معايا ندى وراها شغل كتير
مطت شفتيها بغضب طفولي..ايه دا يعني انت وهي بتضحكوا عليا وتشتغلوني
ضحك على شكلها..ايون بس ايه رأيك كلتيها صح يالا بسرعة مفيش وقت
شيماء..حاضر يالا بينا
خرجا معا لغرفة العمليات
……………
في مكتب ندى
بدأت عملها وادخلت لها الممرضة الحالة واثناء الكشف دخلت الممرضة ويبدو عليها الخوف والفزع..الحقي يادكتورة يوسف بيه وصاحبه غرقان في دمه
توقف قلب ندى لسماعها ما قالته الممرضة فهي لم تفهم من منهم المصاب لافرق عندها بينهم فهذا اخوها وهذا حبيبها خرجت تجري سريعا لا تعرف اين تذهب تود رؤيتهم اشارت لها الممرضة انهم في غرفة الكشف المخصصة للطوارئ دخلت وقلبها يكاد يتوقف من شدة الخوف من رؤية من منهم المصاب وجدت يوسف يقف بجانب السرير اقتربت بخوف وقالت بصوت يملاءه الخوف ..في ايه يايوسف
التفت لها ..دا ياسين اتصاب في دراعه انهاردة في المأمورية
نظرت للجالس على السرير ويده تنزف وكم قميصه مليئ بالدماء لم تتمالك نفسها وبكت بشدة
نظر لها اخيها ثم نظر ل ياسين..وان اللي كنت فاكر انها بتستخف دمك اهي طلعت بتحبك وتخاف عليك يأبن المحظوظة
رد عليه بصوت ضعيف من الألم..بس ياعم عينك دي اللي جيبالي الكفية
اقتربت منه ولاتدري ماذا تفعل وكأنها نست كل ماتعلمته في الطب والجراحة وهي خائفة من رؤية الجرح فهي تشعر بالألم اكثر منه امسكت يده المصابة بيد مرتعشة وضغطت على الجرح بدون قصد قال..اااه
يوسف ينظر لها بأستغراب..انتي شغالة هنا ايه بالضبط فين عاصم الواد هينزف ويموت في ايدك
فاقت لنفسها وقالت..لأ بعد الشر عليه عاصم في العمليات ونظرت حولها تبحث عن شئ
يوسف..ياست عايزة ايه وانا اساعدك
ندى وقد تمالكت نفسها..كلم الممرضة
خرج يوسف ليكلم اي ممرضة قريبة لتساعدها
نظرت ل ياسين ونزلت دموعها مرة اخرى امسك يدها بيده السليمة ..ماتخفيش ياحبيبتي انا كويس وكلمت يوسف في موضوعنا
ندى بفرح ودموع..بجد كلمته وقال ايه
ياسين..وافق ياعمري وهكلم بابا ونيجي نطلبك بس اوعي ترفضي هههههه
كادت ان ترد عليه لكن قاطعها دخول يوسف والممرضة التى علقت نظرها على ياسين وقالت..اقلعه قميصه يادكتورة
نظرت لها ندى نظرة مشتعلة ارعبتها..هو احنا من امتى بنقلع المرضى
الممرضة..مش قصدي عشان بس تشوفي الجرح
ندى بغضب..هاتي المقص والادوات وابرة الخياطة وابرة البينج
خاف ياسين وهمس ل يوسف..الله يخربيتك ماكنت جيبت ممرضة كبيرة ملاقتش غير دي
يوسف بقلق من شكل ندى فهو اول مرة يراها هكذا همس في اذن ياسين..دي شكلها مش هتخيط الجرح لأ دي هتشيل دراعك خالص
مازالت الممرضة تنظر لياسين وهي تمد الادوات لندى..اتفضلي يادكتورة
ندى بغيظ وغيرة..حطيها عندك واتفضلي شوفي شغلك
الممرضة بدلع وهي مازالت تنظر لياسين..طب خليني اساعدك
ندى ..ننننننننعم ونظرت لها نظرة ارعبتها فخرجت مسرعة فنظرة ندى لا تبشر بخير امسكت المقص واقتربت من ياسين وقصت كم القميص واخرجت الرصاصة بعد ان اعطته ابرة البينج وخيطت الجرح تحت نظرات يوسف فهي اول مرة يرى اخته الصغيرة تعمل ولم يكن يعلم انها بهذه المهارة دائما يسمع من عمه وعاصم عن مهارتها فهو فخور بها جدا وتحت نظرات ياسين العاشقة فهو لايشعر بالألم بل يشعر بلمسة حبيبته له ويدها التي تلمس جلده اكملت وكتبت له على الدواء واعطت وصفة الدواء ل يوسف وقالت..يالا خد صاحبك وامشي من هنا
يوسف..انتي بتطردينا ولا ايه
ندى بحدة..ايوة امشي بدل مااتصل على رودينة واقول لها يوسف بيعاكس الممرضات في المستشفى
يوسف بضحك..انا ماعاكستش حد دا ياسين
ياسين..ياعم حرام عليك دا أنا حتى مصاب ارحمني
نظرت ندى ليوسف..خده عندنا البيت
يوسف رافعا حاجبه…نننعم
اقتربت منه..دا نزف كتير خليه يأكل كويس ويأخد الدواء انا مش بهزر
خاف يوسف على ياسين..حاضر وانتي مش هتروحي
ندى..لا عندي شغل كتير روحوا انتوا
يوسف نظر لياسين..يالا ياخويا عشان نروح وامي تغذيك ماأنت كنت ناويها تتغدى معنا
……………..
في بيت يحيى الجبالي
مازالت فيروز جالسة في الحديقة دخل عليها يوسف ومعه ياسبن يده معلقة بشدة في عنقه ويضع الجاكت على كتفه فزعت عندما رأته وقامت مسرعة من مكانها..ايه اللي حصل
القى ياسين بنفسه في حضنها فهو يشعر معها بالحنان والحب والاهتمام الذي حرم منه بعد وفاة جدته فاطمة ام والده
نظر له يوسف ..ايه ياعم هو انا جايب ابن اختي وقع في المدرسة ودماغه اتفتحت
فيروز ربطت على ظهره بحنان ثم ابتعدت عنه..كدا بردو ياسينو مش تأخد بالك ياحبيبي
ياسين وكأنه طفل ..اسف ياماما سامحيني
يوسف وضع يده على خده..الطم هو ايه ياأمي مش تجلي بالك هو كان ماسك س\كينة بيعمل بها السلطة واتعور احنا كنا في مأمورية وبنقبض على تجار سلا\ح ياحجة ثم نظر لياسين ..هو ايه ياخويا اسف ياماما سامحيني دا انتوا تجيبوا الضغط دا أنا شكلي هشوف معاكم ايام سودة
فيروز ببراءة..بس مين اللي قص كم القميص كدا
يوسف يمسح على وجهه..بنتك الشريرة مرضتش تخلي الممرضة تقلعه
فيروز بتساؤل..تقلعه ايه
يوسف..يالهوي عليا وعلى سنيني ياأمي اكيد هتقلعه القميص ركزي معنا شوية الله يخليكي
فيروز نظرت لياسين..يعني ندى شافتك
ياسين..ايوة
يوسف..شافته وقعدت تعيط
فيروز ببراءة..طب خيطته كويس
ياسين..مش عارف
يوسف..ياختتتتي ياأمي ارحميني ماتخفيش هي طلعت الرصاصة وخيطت تمام انا شوفتها
ارادت فيروز الكلام قاطعها يوسف..لا انتوا كدا هتشلوني وانا لسة صغير وعايز ادخل دنيا بقولك ايه انا هروح اتصل بعمي وابلغه اللي حصل واني اليومين دول مش هقدر اروح الشركة عشان البيه مش هيقدر يعمل حاجة يدوب يروح باشا اه صح نسيت اقولك ياسين طلب ندى (نظرت فيروز ل ياسين بسعادة وهو ابتسم لها )وايه رأيك اكلم عمي ونحدد ميعاد الفرح بالمرة والفرح يبقى فرحين
فيروز بسعادة..الف مبروك ربنا يسعدكم
يوسف..ياامي اتقلي عليه شوية وقولي لما افكر سنة اتنين تلاتة مش الف مبروك وربنا يسعدكم
ياسين..ياعم انت مالك انا وماما احرار اطلع منها انت
يوسف..اااه يارقيق ياحنين يارتني صورتك لها صوت وصورة وانت بتتكلم في العربية
فيروز..بردو مش هصدق ياسين مؤدب مش بيتكلم زيك
اخرج ياسين لسانه ليوسف..شوفت مش هتصدقك يالا ياض غور من هنا
فيروز بضحك..ياسين
ياسين ..سوري مامي
يوسف..لأ انا كدا مش هستحمل كتير معاكم انا اروح اكلم عمي احسن وذهب وتركهم
فيروز. احسن حاجة عملتها انك كلمته
ياسين..ايوة انا ارتحت اوي كنت حاسس اني بعمل حاجة غلط من وراه كأني بخون ثقته
فيروز..ربنا يسعدكم ياحبيبي
ياسين..يارب انا الاسبوع اللي جاي عندي اجازة يومين هسافر إسكندرية اجيب والدي واجي اطلبها ونكتب الكتاب ايه رأيك
فيروز..ماعنديش مانع لما تيجي العروسة اسألها
ياسين..طب انا هروح بقى
فيروز..لأ طبعا خليك معنا يومين لما الجرح يلم شوية
ياسين..مش عايز اتقل عليكم
نظرت له بزعل. كدا يا ياسين انا زعلانة منك
ياسين..لأ ارجوكي انا ممكن اتحمل اي حد يزعل مني الا انتي
نظرت له بنص عين..اي حد حتى ندى
ياسين..ندى مقدرش ازعلها دي روحي وحياتي كلها
……………
اتصل يوسف بعمه وانتظر الرد
يوسف..السلام عليكم
امجد..وعليكم السلام عامل ايه يا حبيبي
يوسف..الحمد لله ياعمي حضرتك عامل ايه
امجد..انا كويس الحمد لله محدش بيشوفك ليه
يوسف..والله ياعمي مفيش وقت من الشغل لشركة دا انا بروح البيت مش شايف قصادي اه على فكرة انا اليومين دول مش هقدر اروح الشركة عشان ياسين صاحبي اتصاب انهاردة واكيد هأخد شغله
امجد..الف سلامة عليه طب هو كويس
يوسف ..اه الحمد لله جت الرصاصة في دراعه
امجد..ماشي انا هتابع معهم من البيت وخليك انت مع صاحبك وانا هاجي ازوره في بيته
يوسف..لأ انا جيبته معايا عشان امي تهتم به انت عارف انه عايش لوحده
امجد..خير ماعملت خلاص هبقى ازوره عندكم
يوسف..تشرف في اي وقت اه صحيح ياسين طلب ندى رأي حضرتك ايه
امجد..انا معنديش مانع صاحبك شاب كويس ووالده راجل اعمال محترم وسمعته سابقاه بس شوف رأي والدتك وندى
يوسف..امي فرحانة انت عارف ياسين غالي عندها لكن ندى لسة ماقولتش لها هي لسة في المستشفى
امجد..ربنا يتمم بخير عقبالك
يوسف..عمي انا كنت عايز اتقدم انا كمان لرودينة وماما قالتلي اشوف وقت مناسب مع حضرتك
امجد بفرح..في اي وقت دا بيت عمك يعني بيتك
يوسف..خلاص ياسين هيكلم والده الاسبوع اللي جاي ايه رايك احنا كمان معاهم
امجد..على بركة الله ربنا يسعدكم
………….
في المستشفى
خرج عاصم وشيماء من غرفة العمليات
ذهب عاصم الي مكتبه كي يرتاح قليلا وذهبت شيماء الى مكتب ندى دخلت عليها وجدتها حزينة شاردة الذهن
شيماء..اهلا بالعقل المدبر ورئيسة العصابة
انتبهت ندى..هااا خلصتوا العملية كله تمام(ندى لا تعلم ما حدث بين شيماء وعاصم وانها اعترفت له بحبها)
شيماء بسعادة..ايوة الحمد لله كله تمام
رفعت ندى حاجبها..ياسلام وايه السعادة دي كلها
شيماء..بركة افكارك ياختي
اقتربت منها ..بجد ياشيمو اخيرا
هزت شيماء رأسها بأيجاب..ايوة اخيرا ماتعرفيش انا فرحانة اد ايه وعاصم بيحبني اوي
ندى😉..هو بس اللي بيحبك اوي وانتي ايه
شيماء 😍..انا كمان بحبه اوي بس كنت خايفة
ندى..قولتي له كدا
شيماء..ايوة قولتله كل حاجة خايفة منها لكنه بالعكس احرجني اوي
ندى.بأستغراب..احرجك ليه
شيماء..قالي انتي لازم تكوني فخورة بأهلك لأنهم ناس محترمين وربوكي انتي واخوكي احسن تربية واحسن تعليم
ندى..والله عنده حق برافو عليك ياعاصم وطب وانت قولتي ايه احكيلي
شيماء..ابدا انا فعلا فخورة بيهم وهو قالي هيجي يتقدم ليا ويتجوزني عصب عني لانه بيحبني ولايمكن يتخلى عني
نست ندى حزنها وفرحت من قلبها وصفقت في حماس ..ايوة بقى هو دا عاصم ابن عمي
شيماء بضحك..اومال فين عصومة
ندى بضحك..لأ دا عشان الخطة واهي نجحت خلاص
شيماء..انا اتلهيت عنك وقعدت احكيلك ونسيت اسألك مالك كنتي حزينة وسرحانة في ايه
ندى بحزن..ياسين اتصاب انهاردة
شيماء..يالهوي وحالته ايه
ندى..لأ الحمد لله جت سليمة الرصاصة مادخلتش اوي في دراعه
شيماء..طب الحمد لله ماروحتيش ليه
ندى..عندي شغل كتير وهتجنن واطمن عليه
شيماء..اه الحب ولع في الدرة ياسعدية
ندى..اااه بحبه اوي دا انا اول ما شوفت ايده والدم قعدت اعيط
شيماء بضحك..ياهبلة تعيطي والناس اللي قاعدة كل يوم تقطعي في لحمها دا ايه ان شاء الله
ندى..عارفة نسيت كل حاجة دا انا من خوفي مسكت الجرح وضغط عليه وحكت لها ماحدث
شيماء..يالهوي فضحتينا وسوءتي سمعة المستشفى يافاشلة وكمان كل دا قدام يوسف ولا سماح دي كمان
ندى..دا انا بصيت لها وبرءت خافت وياسين خاف هو و يوسف وقعدوا يتكلموا بصوت واطي
شيماء بضحك..شاطرة ادبحي له القطة من اولها عشان يخاف
ندى..حرام عليكي دا نسى جرحه وألمه وقعد يطمني لما شافني بعيط
وضعت شيماء يدها اسفل وجهها ..ياسلام
ندى..بطلي بقى دا انا عايزة اروح ماتخليكي جدعة وتخدي شغلي والكشوفات انتي وعاصم ايه رأيك وغمزت لها
شيماء..هااا انا وعاصم معنديش مانع
ندى..لا والنبي
شيماء..اه والنبي يالا روحي قوليلوا
اقتربت منها ندي وقبلتها في خدها ..حبيبتي ياشيمو
وخرجت مسرعة
دخلت عايدة على شيماء في مكتب ندى فهي كانت تبحث عنها شيماء اول ماشفتها بلعت لعابها بصعوبة وقالت لنفسها..ربنا يستر وقالت بصوت عالي..اهلا وسهلا بحضرتك
عايدة بتكبر..اهلا انا جاية عشان الكشف الدوري وتحليل الدم واقيس الضغط
ضغطت شيماء على الجرس كي تأتي الممرضة
نظرت لها عايدة بعدم رضا
دخلت الممرضة ..افندم يادكتورة
شيماء..اسحبي من المدام العينة
الممرضة..حاضر واقتربت من عايدة التي رفضت مد يدها وقالت..لأ هي اللي تيجي تسحب العينة واشارت على شيماء
شيماء..انا
عايدة بتكبر..ايوة انتي انتي نسيتي نفسك ولا ايه
لم ترد شيماء لكنها تشعر بالاحراج من الممرضة لكن الممرضة شعرت بخجل شيماء وتركتهم وذهبت
اكملت عايدة بنفس الطريقة ..هو انتي عشان بقيتي دكتورة هتنسي اصلك وانتي بنت مين وكانوا شغالين عند مين
شيماء وقد تملك منها الغضب ………..