ابويا طول عمره كلمته هي اللي تمشي 1
«أبويا طول عمره كلمته هي اللي تمشي على الكل، ولما جه وقال لي إن في عريس متقدم لي، رفضت من غير ما أفكر. بس أبويا قفل الباب وبص لي بجمود وقال: “الراجل شاري، ومستعد لكل طلباتك.. بس عنده شرط واحد غريب، مش عايز يشوف وشك ولا يقعد معاكي غير بعد ما المأذون يخلص كتب الكتاب وتقفلوا عليكم باب واحد.”
مقالات ذات صلة
أبويا طول عمره كلمته هي اللي تمشي2
منذ 50 دقيقة
حكايات منى السيد 3
منذ ساعتين
حكايات منى السيد 2
منذ ساعتين
حكايات منى السيد 1
منذ ساعتين
الشرط كان يخوف ويوتر. ألف سيناريو دار في دماغي.. هو ليه بيعمل كده؟ هل في وشي حاجة مش هتعجبه؟ ولا هو خبيث ومستخبي ورا الشرط ده عشان يورطني؟ بس قدام إصرار أبويا وقسوته، ما كانش قدامي غير إن أسلم أمري لله. لبست الفستان، وحطيت على وشي طرحة بيضاء تقيلة زي ما طلبوا بالظبط، وقعدت في الأوضة مستنية.. قلبي كان بيدق زي الطبلة وأنا سامعة صوت المأذون بره وهو بيقول: “بارك الله لكما وبارك عليكما وجمع بينكما في خير.”
الناس بره بدأت تبارك وتزغرط، وبعد دقائق الباب اتفتح وبدأت الخطوات تقرب. دخل وقفل الباب وراه بالراحة.
كان طويل وعريض، ولابس بدلة شيك جداً، بس أول ما بصيت له من تحت الطرحة، حسيت إن فيه حاجة مش مظبوطة.. خطواته كانت بطيئة وتقيلة، كأنه ماشي لمهلكته مش لليلة فرحه. وقف قدامي، ومد إيده وهي بترتعش عشان يرفع الطرحة. أنا وقتها غمضت عيني، وكنت مستنية أسمع منه كلمة تكسر خاطري أو أشوف في عينه خيبة أمل.
بس اللي حصل خلاني أفتح عيني بذهول.
أول ما الطرحة اترفت وعينه جت في عيني، ملامحه كلها اتغيرت في ثانية. لونه اتخطف ووشه بقى أصفر زي الورقة، وبص لي بنظرة مرعوبة كأنه شاف عفريت قدامه! أنفاسه بقت متقطعة وسريعة، وفجأة، رجله ما شالتوش.. وقع على ركبه على الأرض قدامي وبدأ يعيط بحرقة وبصوت يعصر القلب!
أنا اتسمرت في مكاني من الصدمة، ونزلت على ركبي جنبه وأنا بحاول أستوعب اللي بيحصل: “في إيه؟! أنت كويس؟ مالكجرى لك إيه؟!”
رفع وشه المبلول بالدموع، وكانت عينه متثبتة على جبهتي.. تحديداً على علامة الجرح القديمة اللي معلمة فوق حاجبي الشمال. الجرح ده اللي معلم في جسمي وفي حياتي من ٧ سنين، من يوم الحادثة الصعبة اللي قعدت بسببها في المستشفى شهور، والشخص اللي خبطني بالحرية هرب ومحدش قدر يوصل له.