الحقني يا دكتور
كان مكتوب اسم طفلة تانية.والأغرب من كده…
إن اسم أم الطفلة كان اسم ست حسام نفسه يعرفها كويس.ست كان فاكر إنها ماتت من أكتر من 26 سنة.حسام فضل ساكت، وإيده بدأت ترتعش.نورهان قالت بخوف:
—الدكتور حسام… إنت لقيت إيه؟رفع عينه لها ببطء وقال:
—أنا مش عارف إنتي مين بالظبط…
بس شهادة الميلاد دي… ممكن تغيّر حياتي أنا كمان.ولأول مرة، حسام بدأ يشك إن إنقاذ نورهان من المــ,,ـــــوت كان مجرد بداية للحكاية.لأن السر المدفون في الأرشيف من 26 سنة…
كان مرتبط بحياته هو شخصيًا.واللي هيكتشفه بعد شوية…
هيقلب كل حاجة رأسًا على عقب.#انجي_الخطيب
وقفت نورهان قدامه، حابسة أنفاسها، وعينيها بتتنقل بين الورقة الصفرة المتهالكة وبين وش حسام اللي اتبدلت ملامحه تمامًا.. الحمرة هربت من وشه، والشحوب غطى كل تقاطيع جبهته، وإيده كانت بترتعش لدرجة إن الملف كان بيتهز بصوت مسموع.
سحبت نورهان الورقة بالراحة من بين صوابعه.. عينيها جرت على السطور:
اسم المولودة: مريم حسن الشناوي.اسم الأم: سلوى عبد الحميد الجمال.نورهان بلعت ريقها وبصت له بحيرة:
— مين دي يا دكتور؟ ومين سلوى دي؟ أنا نورهان.. أنا طول عمري أعرف إن أمي الله يرحمها اسمها ماجدة!
حسام حط إيده على الترابيزة الحديد اللي وراه عشان يسند طوله.. كان حاسس إن الأرض بتميد بيه.. الصوت خرج من زوره مخنوق ومتقطع:
— سلوى.. سلوى دي كانت مراتي الأولى يا نورهان.. الست اللي قالوا لي إنها ماتت وهي بتبكي في المستشفى وهي بتولد بنتي من 26 سنة.
. البنت اللي قالوا لي إنها اتولدت ميتة واندفــ,,ـــــنت قبل ما حتى ألمح وشها!السكون نزل على أوضة الأرشيف زي الجبل.. نورهان اتسمرت مكانها، عينيها وسعت من الصدمة، صوابعها سابت الورقة للواقع..— يعني إيه؟ أنت.. أنت بتقول إيه؟
حسام قرب منها ببطء، إيده المرتعشة اترفت لمست وشها، صوابعه لمست الجرح الصغير اللي فوق حاجبها.. مسح دمعة نزلت من عينيه من غير ما يحس:
— البقعة الشبه الهلال اللي تحت أذنك الشمال.. سلوى كان عندها نفس الوحمة.. أنا كنت فاكرها مصادفة لما شفتك على الترابيزة..
كنت فاكر عقلي بيتهيألي عشان الذكرى.. بس الملف ده.. الملف ده مكتوب فيه رقم الإخطار بتاع مستشفى الشاذلي القديمة.. المستشفى اللي سلوى ولدت فيها!نورهان هزت راسها بالنفي، مش قادرة تستوعب حجم البشاعة:
— لا.. لا يا دكتور.. ممدوح الشاذلي؟ حمايا؟ هو اللي..؟— ممدوح الشاذلي ماكانش مجرد دكتور وقتها..