الحقني يا دكتور

بعد وفــ,,ـــــاه كريم، نورهان ورثت نسبة كبيرة من أسهم المستشفى.أما والد كريم، الدكتور ممدوح، فكان لسه صاحب النصيب الأكبر.وبعد العزاء بشهر تقريبًا، ممدوح راح لنورهان في بيتها، وحط قدامها ورق توكيل.وقال لها وقتها:
—إمضي يا بنتي… إنتي لسه خارجة من مصيبة، وأنا هخلصلك كل الإجراءات.

لكن نورهان رفضت.هي أصلًا كانت خريجة كلية تجارة، واشتغلت سنين مع جوزها في الحسابات والإدارة.وكانت عارفة كويس إن في حاجة غلط بتحصل جوه المستشفى.أجهزة طبية بتتجاب عن طريق شركة وسيطة بأسعار أضعاف تمنها الحقيقي.فقررت تعمل مراجعة شاملة للحسابات.لكن بعد أسبوعين بس… حياتها اتقلبت.

بدأت تتعب بشكل مفاجئ.صداع شديد.دوخة.ترجيع.وبعدها إغماءات متكررة.ممدوح هو اللي أصر يدخلها المستشفى بنفسه.وبعد كام تحليل وأشعة، قال لها بمنتهى البرود:
—عندك ورم في المخ… ومكانه صعب جدًا. العملية مستحيلة.نورهان اتصدمت.—يعني أنا همــ,,ـــــوت؟رد عليها:

—قدامك من أربع لـ6 شهور… لو ربنا كتبلك عمر.ورّوها أشعة رنين فيها بقعة غريبة في المخ.صدقته.كل يوم كانوا بيدوها أدوية.حقن.محاليل.أقراص.ومع كل يوم كانت حالتها بتسوء أكتر.إيديها بدأت تضعف.لسانها بقى تقيل.بقت ساعات كاملة تبص في الحيطة من غير ما تقدر تتحرك.

#انجي_الخطيب
قال:
—الجرعة قربت توصل للتركيز المطلوب… الجمعة هتكون جاهزة.نورهان وقتها افتكرت إنها بتتخيل.لكن في صباح يوم الجمعة، دخلت لها ممرضة وحقنتها بحقنة مختلفة.بعدها بدقايق جسمها كله اتقل.وبصعوبة شديدة فقدت قدرتها على الحركة.كانت واعية… سامعة… شايفة… لكن مش قادرة حتى ترمش.

آخر حاجة فاكرها كانت إنها اتحطت على ترولي.وبعدها سمعت صوت سوستة كيس أسود بيتقفل على وشها.وبعدين سمعت صوت حد بيقول:
—خلصنا… الدــ,,ـــــادثة شكلها مظبوط.نورهان بدأت تعيط وهي بتحكي لحسام:
—كنت سامعة كل حاجة… حطوني وأنا عايشة جوه كيس جثث.

حسام فضل ساكت ثواني.وبعدين خرج بسرعة ناحية غرفة استقبال الجثامين.الكيس لسه موجود.نفس الكيس.عليه اسم نورهان.رقم الحالة.وتوقيع الاستلام.حسام حس بقشعريرة في جسمه.مد إيده وخد عينات دم منها، وحطهم في أنابيب خاصة.وبدأ يكتب تقرير الوفــ,,ـــــاه.