أول مادخلت العيادة
أول ما قعدت قدامه قالها
أنا عارف إن الكلام اللي هقوله ممكن يسببلي مشاكل كبيرة بس ضميري مش مستحمل أفضل ساكت
فتح الشنطة وطلع مجموعة صور من عقود وتحويلات مالية
دينا بدأت تقرا الأوراق واحدة واحدة وكل ما تقلب صفحة كانت ملامحها بتتغير
فيه عقد تمويل قديم باسم شركتها الاستثمارية وفيه ملحق للعقد بيمنح شريف صلاحيات أوسع بكتير من اللي كانت موافقة عليها
والأخطر إن الملحق عليه توقيع شبه توقيعها
لكن دينا كانت متأكدة إنها عمرها ما مضت الورقة دي
رفعت عينيها لسامح وقالت
التوقيع ده مش توقيعي
سامح هز راسه
أنا عارف يا فندم وعشان كده خدت نسخة من الملف قبل ما يختفي من الأرشيف
دينا رجعت تبص للورق وسألته
والتحويلات دي راحت فين
سامح أشار لجدول طويل
جزء منها دخل حسابات الشركة وجزء تاني اتحول لشركة مقاولات صغيرة وبعدها الفلوس اتنقلت على أكتر من حساب لحد ما اختفى أثرها
دينا قلبت الصفحة الأخيرة وفجأة شافت اسم خلّاها تحس ببرودة في أطرافها
أدهم
صاحبها القديم اللي كانت لسه باعتة لأبوها إنها وافقت تقابله
بصت لسامح بصدمة
إيه علاقة أدهم بالموضوع ده
سامح رد بحذر
الشركة اللي استقبلت جزء من التحويلات مسجلة باسم شريك قديم لأدهم وفيه مراسلات بتقول إنهم كانوا بيجهزوا يدخلوا في مشروع مع شريف
دينا قفلت الملف بعنف
إنت متأكد إن الورق ده حقيقي
سامح قال
أنا جبت النسخ من أرشيف الشركة بنفسي بس لازم محامي مستقل يراجع كل حاجة قبل ما نتحرك
دينا قامت من مكانها وهي بتحاول تسيطر على أعصابها
متشكر يا سامح ومحدش يعرف إننا اتقابلنا
خرجت من الكافيه وركبت عربيتها لكنها مخرجتش على مكتب أبوها زي ما كانت ناوية
راحت لمكتب محاميتها نهى وحطت الملف قدامها
نهى بدأت تراجع المستندات بتركيز شديد وبعد حوالي ساعة رفعت عينيها وقالت
دينا إحنا قدام احتمال تزوير مستندات مالية واستغلال توقيعك في توسيع صلاحيات شريف لكن مينفعش نتهم حد قبل ما نثبت مصدر الورق ونطلب فحص رسمي