أول مادخلت العيادة
لكن اللي حصل كان مختلف تمامًا
الباب اتفتح ودخلتها مديرة المنزل للصالة ولقت دينا قاعدة مع نهى المحامية وأبوها حسن
ميرفت ابتسمت ابتسامة متكلفة وقالت
يا بنتي أنا جاية أطمن عليكي وأشوفك هتفضلي زعلانة لحد إمتى
دينا بصتلها من غير ما ترد
ميرفت كملت
اللي حصل بينك وبين شريف ممكن يتحل وكل بيت فيه مشاكل وإنتي عارفة إن ابني عصبي شوية بس قلبه طيب
دينا سألتها بهدوء
هو حضرتك جاية تصالحيني ولا جاية عشان التمويل اتوقف
ميرفت اتوترت وقالت
إنتي فاهمة غلط يا دينا أنا طول عمري بعتبرك بنتي
حسن المنشاوي اتكلم لأول مرة
لو كنتي بتعتبريها بنتك مكنتيش سمحتي لواحدة تانية تقعد في بيتها وتلبس حاجتها وتسرق ذكريات أمها من غير ما تعترضي
ميرفت حاولت تدافع عن نفسها
يا أستاذ حسن إحنا عيلة واحدة وكل حاجة ممكن تتصلح
دينا قامت من مكانها وقالت
أنا مش جاية أطلب منكم اعتذار ولا مستنية منكم ترجعوني لبيت شريف أنا بس عايزة كل واحد يتحمل نتيجة اختياراته
ميرفت قربت منها وقالت بصوت منخفض
طيب اسمعيني بعيد عن الكل شريف مستعد ينهي علاقته بنادين ويرجعلك البيت زي الأول بس إنتي لازم تساعديه في موضوع الشركة
دينا بصتلها بعدم تصديق
يعني لو الشركة مكنتش اتأثرت مكنتيش جيتي
ميرفت سكتت
دينا أشارت للباب وقالت
أنا مش هكمل الكلام ده اتفضلي يا طنط
ميرفت خرجت وهي بتتمتم بكلام غاضب لكن قبل ما توصل للعربية رن موبايلها وكان شريف
ردت عليه بسرعة
عملتي إيه
ميرفت قالتله
بنت المنشاوي دي مش سهلة ومش ناوية ترجع لكن عندي إحساس إن فيه حاجة أكبر من التمويل هي اللي مقلقاها
شريف سألها
يعني إيه
ميرفت بصت حواليها واتأكدت إن مفيش حد قريب منها وبعدين قالت
أنا شفت المحامية اللي كانت قاعدة معاها وكان قدامهم ملف كبير فيه أوراق شركتك
شريف اتوتر
ملف إيه
معرفش بس لو دينا عرفت حاجة عن الورق القديم لازم نتصرف قبل ما الموضوع يكبر
شريف سكت لحظة وبعدين قال
إنتي عارفة حاجة عن الورق القديم يا أمي
