انا محتجاك جمبي
المرحوم كان قايم بالليلة كلها ومش مقصر في حاجة بس الوضع اتغير دلوقتي وماينفعش اللي كان بيحصل زمان يتعمل عادي!
ردت عليه بصعوبة محاولة التمالك أمامه واظهار قوتها
وضحلي غرضك يا حاج فتحي
أجابها بنبرة عازمة وهو ينظر مباشرة في عينيها بقوة
أنا هاشتري نصيبكم في الأرض بما يرضي الله وهراضيكم على الأخر!
وجدت أن الأمر شبه محسوما من قبل ابن خالتها بالطبع الأمر معتاد هنا ومرتب له خاصة إن كانتا بمفردهما ولذا هي ليست بحاجة لتخمين النتائج..
حاولت فقط أن تثنيه عن رأيه وتعطي ابنتها فرصة لتقرير مصيرها فهتفت قائلة بصوت متردد
انت عارف ان أسيف متعلقة بحتة الأرض دي وفيها ذكرياتها مع أبوها ومن يوم ما المرحوم فارقنا وهي.. وهي دايما بتروح تقعد عند….
قاطعها قائلا بقسۏة جامدة
ودي الحاجة التانية اللي كنت هاكلمك فيها إحنا عوايدنا غير ومايصحش اللي هي بتعمله لولا انتي مقدر الظروف وعارف إن العيبة ماتطلعش من بنت الحاج رياض خورشيد كنت اتصرفت معاها تصرف تاني!
شعرت بتلميح ضمني يحمل الټهديد بين
طيات كلماته فانقبض قلبها أكثر وخشيت على ابنتها من التعرض للأذى وبعاطفة أمومية صادقة هتفت مدافعة عنها
أنا بنتي متربية كويس والعيبة….
لم يدعها تكمل عبارتها للنهاية وقاطعها مكملا بقسۏة
عارف ده يا ست حنان بس الناس ليها الظاهر!
ردت عليه بحدة وقد بدا وجهها منزعجا للغاية
الناس مابتسبش حد في حالها أبدا عاوزين ايه مننا ده احنا قافلين علينا بابنا و….
هتف مقاطعا بجدية مفرطة
المثل بيقول الباب اللي يجيلك منه الريح سده واستريح وأنا عرضت عليكي عرضي وهاسيبك كام يوم تفكري ويا ريت تحسبيها صح وتدوري على مصلحة بنتك!!!
حدقت فيه پصدمة واضحة. فقساوة الحياة لم تتركهما ينعمان بالهدوء لبرهة.. وها قد بدأت دوامتها.
لم يضف المزيد ونهض واقفا من مقعده وابتسم لها بود مصطنع قائلا
هاستنى منك رد قريب سلام يا مرات المرحوم الغالي!
تصلبت في مكانها ولم تتمكن من تحريك حتى عجلتي مقعدها لتودعه.
أيقنت أنها لن تستطيع مجابهة كل شيء بمفردها شعرت بقلة حيلتها أخفضت نظراتها نحو ساقيها العاجزتين ولم تمنع نفسها من الانخراط في البكاء حسرة على حالها وحياتها القادمة.
انتهت جلسة المصالحة العرفية بين عائلتي حرب وأبو النجا على دفع مبلغ مالي ضخم كتعويض عن تصرف سليل عائلة أبو النجا الأهوج ولضمان عدم تكراره لتلك الفعلة الطائشة.
