يجلس في ردهة استقبال ولاء رفعت2
شكلك هتطلع شقي زي أبوك … براحة ع مامي
قالت بتهكم :
بدل ماتوصيه وصي باباه الأول عليا
جعلها تلتف إليه محاوطا خصرها :
وهو باباه عملك أي ؟
إبتسمت بسخريه :
جايبلي حية صفرا ف القصر
عقد حاجبيه ثم إبتسم وقال :
تاني يا صبا الي قولناه هنعيده تاني !! أظن فهمتك إنها مسأله مؤقتة لحد ماتسافر
صبا بحنق :
مش قولت إنك هتأجرلها داهيه تقعد فيها لحد ماتغور وتسافر
زفر بسأم وقال :
فكرت ف الموضوع لاقيت مش هينفع
صبا :
ليه إن شاء الله ؟؟؟
قصي :
طبعا نيكلاوس باعت رجالته ف كل حته يدورو عليها وبما فيهم هنا ف مصر ولو سبتها تقعد لوحدها ف شقه ممكن يوصلولها فالقصر أأمن لها
صاحت بسخريه :
ياعيني ياحنين !!
أمتعض وجهه وقال محذرا :
صبا!!
أبتعد عنه وهي تزيح يديه عنها :
بلا صبا بلا بتاع … ويكون ف علمك بقي أنا مش داخل دماغي حوار هروبها ده وشاكه إن كلاوس باعتها لك عشان يخلص منك وعشان عارفك كويس بعتلك معاها الملف طعم يصطادك بيه
رمقها بنظره حاده وقال :
مش قصي العزازي الي يضحك عليه ياصبا وأنتي أكتر واحده عارفه كده
قالت بإبتسامه صفراء :
لايقع إلا الشاطر يا كينج وبكره الايام هتثبتلك كلامي
أجاب بكل ثقة :
يبقي لسه معرفتيش جوزك كويس …
إتجه نحو الباب وأردف بدون أن ينظر لها :
أنا نازل أتعشا زمان سيلينا مستنياني من بدري … قالها وإبتسم بجانب فمه بمكر وغادر تاركا بركان من الغضب خلفه حيث ألقت وساده خلفه وهي تزمجر بغيظ .
“”””””^^^^^^^””””””^^^^^^^””””””””^^^^^^^^^
_ بداخل إحدي الملاهي الليلية الشهيرة ف مدينة موسكو يعم الصخب وضجيج الموسيقي الغربية ذات الإيقاع السريع … وضحكات بائعات الهوي المتجلجلة … وها هو أكبر زعماء المافيا يجلس بإريحية وسط جواريه كما يسميهم ع الأريكة الجلدية السوداء يحتسي الخمر . . ويحاوطهم من الجانبين حراسه بأجسادهم الضخمة يحملون أسلحة آلية …
تقدم نحوه إحدي رجال الأعمال ذو أصول يهودية أوروبية وهو يرفع كأسه ف الهواء يلقي التحيه بطريقة ساخره :
تحيا زعيمنا كلاوس وحورياته الجميلات
إندفع نحوه الحراس فأوقفهم كلاوس :
أتركوه
تقدم الرجل مبتسما بتهكم وجلس ف المقعد المجاور للأريكة واضعا ساقه البمني فوق اليسري بزهو وكبرياء …