يجلس في ردهة استقبال ولاء رفعت2

لاء مش نازل ورايا مشوار مهم

تعجبت من ملامحه المتجهمه فسألته :

مالك يا إيهاب ؟؟

تأفف بضيق وحنق :

مفيش يارحمة … يلا أنزلي

توقعت سبب غضبه المفاجئ وإنه لاحظ نظراتها نحو طه لتشعر بإنها أرتكبت خطأ كبير … مدت يدها ووضعتها ع كتفه بحذر وقالت :

أأ أنا مكنش قا….

قاطعها بصراخ مدوي أفزعها :

قولتلك أنزلي

وضعت كفها ع فمها تمنع شهقاتها … ترجلت من السيارة ع الفور وأخذت حقيبة يدها وقبل أن توصد الباب أنطلق مسرعا

دلفت لفناء مسكنها وهي تحاول منع عبراتها .. أخذت تتنفس بروية حتي هدأت .. تقدمت نحو باب منزل عائلتها لتضغط ع زر الجرس بيد مرتجفه …

_ حاضر يالي ع الباب … قالتها والدتها من الداخل لتفتح وتحدق ف إبنتها غير مصدقة ….

_وحشتيني يا أمي … تفوهت بها رحمه لتجذبها والدتها ف عناق قوي وهي تقول :

حبييتي يابنتي … كده ياضنايا أهون عليكي تغيبي عني كل ده … هونت عليكي يابنت بطني !!

وكانت كلمات عتاب والدتها كفيلة إن تجهش بالبكاء مطلقة لعبراتها العنان ….

وبصوت باكي :

آسفه يا أمي … حقك عليا يا حبيبتي

أخذتها والدتها للداخل وأغلقت الباب ليجلسا معا ع الأريكة البالية …

ربتت ع ظهرها بحنان :

حقك عليا أنا يانور عيني إن رميتك ف النار بإيديا … حسبي الله ونعم الوكيل فيهم كلهم

قالت وهي تجفف عبراتها :

مش كلهم ياماما علاء وفاتن كانو واقفين جمبي ولولا جدعنة علاء معايا كان زماني عبده عند عديلة والي مايتسمي إبنها … الحمد لله ربنا نجاني منهم

والدتها وهي تتفحص وجهها :

أومال فين خطيبك مجاش معاكي ليه ده شاب ماشاء الله عليه ربنا يحفظه أدب وأخلاق وجه طلبك مننا

أجابتها بدون أن تنظر لها :

ما هو لسه موصلني وجاله فجاءة مشوار مهم ومشي وقالي أعتذرلك وإنه هيجي وقت تاني

والدتها :

أهلا بيه ف أي وقت … والله من ساعت ما أسامه أخوكي جه وحكالي إنه شافك وإتصالحتو والفرحه مش سعياني وقعدت أدعيلك بكل خير وإن ربنا يعوضك بالفرحة الي إتحرمتي منها

رحمة :

إن شاء الله ياماما … هو فين أسامه ؟؟

والدتها :

أخوكي جاله شغل ف إسكندرية وهيرجع بعد يومين عشان تجهيزات فرحك

رحمة : ربنا يرجعه بالسلامه

والدتها : يارب … أومي بقي غيري هدومك هتلاقيها زي ماهي ف دولابك عقبال ما أحضرلك الغدا وكأن قلبي كان حاسس عملالك المكرونة البشاميل الي بتحبيها وجمبها صينية كفتة بالبطاطس