في حفلة عيد ميلادي انجى الخطيب

والأغرب إنه كان داخل من الباب الرئيسي. نادر قال:”يعني حد من جوه الشركة.”حسام بدأ يعرق.”أنا عندي مئات الموظفين.”يحيى بص له:”بس مش كلهم عندهم مفاتيح مكتبك.”حسام سكت. فجأة شادي رفع عينه من الموبايل وقال:”لقيتها.

“كلنا قربنا منه.”العربية خرجت من التجمع واتجهت على طريق السويس.”يحيى قال:”الموقع ثابت؟””لأ، بيتحرك بسرعة.”نادر سأل:”مين آخر حد اتصل بفارس؟”شادي بدأ يدور. ثواني وعدت. وبعدين وشه اتغير.”الرقم ده…”يحيى قال:”إيه؟”شادي رد:”رقم حسام.”كل العيون راحت ناحية حسام. حسام رفع إيده:”والله ماكلمته.

“يحيى قرب منه:”موبايلك معاك.”حسام طلعه بسرعة. رائد أخده وبص في سجل المكالمات.”المكالمة موجودة.”حسام قال:”ممكن حد يستخدم رقمي.”عمي سامح قال:”وده اللي بيحصل غالبًا.”بصيت له:”يعني حد سرق هويته؟”قال:”أو حد عنده وصول لتليفونه.”يحيى سأل حسام:”فين موبايلك طول الحفلة؟”حسام سكت. سهير قالت:”كان معاه.

“رائد قال:”متأكدين؟”نهى فجأة قالت:”أنا شفته معايا.”الكل بص لها. حسام اتصدم:”إنتي؟”نهى ارتبكت:”أخدته عشان أصور بيه.”رائد قرب منها:”إمتى؟”قالت:”قبل ما تبدأ الحفلة.”شادي قال:”وقد إيه كان معاكي؟””حوالي عشر دقايق.”رائد بص ليحيى.”كفاية.”حسام صرخ:”إنتي عملتي إيه في تليفوني؟!”نهى انهارت:”أنا ماعملتش حاجة!

“يحيى قال:”يبقى عندنا احتمالين.”رفع صباعه الأول:”يا إما نهى استخدمت تليفون حسام.”ورفع التاني:”يا إما حد استغل وجودها عشان يعمل حاجة.”عمي سامح قال:”وفي الحالتين، لازم نعرف فارس فين قبل ما الوقت يعدي.”وفجأة جالي إشعار على موبايلي.

رقم غريب. فتحت الرسالة. كانت صورة. صورة فارس وهو قاعد على كرسي في أوضة ضلمة. إيديه مربوطين، لكنه كان صاحي. وتحت الصورة جملة واحدة:”لو عايزة أخوكي يرجع، تعالي لوحدك.”صرخت:”فارس!”يحيى خ. طف الموبايل من إيدي وشاف الرسالة.

قال:”مستحيل تروحي.”بصيت له:”ده أخويا.””وأنا أخوكي برضه، ومش هسمحلك تروحي.”قلت:”يبقى نروح كلنا.”هز راسه:”لأ.”رائد قال:”المكان فين؟”فتحت تفاصيل الصورة.”مفيش موقع.”شادي قال:”الرسالة اتبعت من رقم مش معروف.”نادر قال:”يبقى عايزيننا نعرف حاجة تانية.

“بصينا له. قال:”هم مش عايزين داليا.”سكت.”هم عايزيننا إحنا.”يحيى فهم فورًا.”عايزين يجمعوا الخمسة في مكان واحد.”عمي سامح قال:”علشان ينهوا الموضوع مرة واحدة.”حسام رجع للخلف.”أنا مالي؟”يحيى بص له:”إنت جزء من الموضوع من البداية.”حسام قال:”أنا ماخدتش فارس!