في حفلة عيد ميلادي انجى الخطيب
“الحارس بلع ريقه.”بس أنا عندي تعليمات…”شادي قاطعه:”تعليمات مين؟”الحارس سكت. فارس ابتسم ابتسامة صغيرة وقال:”حسام المنشاوي؟”هز الحارس راسه. نادر قرب منه وقال بهدوء:”بلغه إن إخوات داليا وصلوا.”بعد أقل من دقيقة، كان صوت حسام جاي من جوه الفيلا:”إيه اللي بيحصل هنا؟
!”خرج من باب القاعة وهو لابس نفس البدلة اللي كان بيحتفل بيها امبارح. لكن أول ما شاف الخمسة واقفين قدامه، وشه اتغير. يحيى وقف قدامه وقال:”صباح الخير يا حسام.”حسام حاول يضحك.”أهلًا… بس بصراحة مش فاهم الزيارة دي.”رائد رد:”إحنا فاهمين كويس.”حسام بص لهم واحد واحد.
“داليا في أوضتها.”يحيى قال:”عارف.”حسام حاول يمنعه:”بس هي مراتي.”يحيى قرب خطوة وقال:”وأنا أخوها.”سكت المكان كله. يحيى كمل:”والفرق إنك كنت فاكر إن كلمة مراتك معناها إنها ملكك.”حسام اتوتر وقال:”إنتوا مكبرين الموضوع ليه؟ حصل خلاف في حفلة وانتهى.”شادي ضحك ضحكة قصيرة.”خلاف؟”فتح موبايله وشغل تسجيل صوتي.
صوت حسام كان واضح:”اربطوها.”وبعده صوت سهير:”خليها تتعلم الأدب.”وبعده صوت نهى وهي بتضحك:”تلاتين ض. ربة.”حسام وشه اصفر. بص لشادي وقال:”إنت جبت التسجيل ده منين؟”شادي قفل الموبايل وقال:”من المكان اللي انتوا عملتوا فيه الجريمة.”حسام اتلعثم:”جريمة إيه؟”رائد رد:”الاعتداء على زوجتك وتصويرها وإهانتها قدام أكتر من مية وخمسين شاهد.
“حسام بدأ يتعصب:”دي مش قضيتكم!”نادر قال:”لأ… من اللحظة اللي رفعت إيدك عليها، بقت قضيتنا.”وفي اللحظة دي سهير خرجت من القاعة. أول ما شافتهم، وقفت مكانها.”إنتوا مين؟”يحيى بص لها وقال:”إحنا إخوات داليا.”سهير رفعت حاجبها وقالت:”وجايين تعملوا إيه؟
“يحيى رد بهدوء:”جايين نعرف بس… مين اللي سمح لابنه يض. رب أختنا؟”سهير حاولت تضحك:”ابني كان بيربي مراته.”فارس لأول مرة اتكلم:”المرات مش حيوان يتربى.”وش سهير احمر.”إنت بتكلمني أنا كده؟”فارس قال:”لأ، أنا بكلم أم الراجل اللي ض. رب أختي.”وفجأة ظهر والد حسام من وراها.
كان ساكت طول الوقت، لكن ملامحه كانت مختلفة. قال:”إحنا ممكن نتفاهم.”يحيى بص له:”ممكن.”الرجل تنفس براحة. لكن يحيى كمل:”بعد ما داليا تخرج من هنا.”حسام قال بسرعة:”هي مش هتخرج.”نادر ضحك لأول مرة.”إنت لسه مش فاهم؟
