في حفلة عيد ميلادي انجى الخطيب
“سكت لحظة. وبعدين قال:”حاجة لو وقعت في إيد الناس اللي خ. طفوا فارس… مش بس حسام اللي هينتهي.”بصيت له:”إيه الحاجة؟”عمي ما ردش. وفي اللحظة دي، وصلني اتصال من نفس الرقم المجهول. بصيت ليحيى. قال:”ما ترديش.”لكن أنا رديت. حطيت الموبايل على ودني.
صوت راجل غريب قال بهدوء:”أخيرًا… عرفتِ مكان أخوكي.”قلت:”إنت عايز إيه؟”ضحك وقال:”أنا مش عايز الملف.”سكت لحظة.”أنا عايزك إنتِ.”قلبي وقف. قال:”لأن أبوكي ماخباش الحقيقة عن إخواتك بس.”صوته اتغير وبقى أكثر هدوءًا:”هو خبى عنكِ الحقيقة الأهم.
“وقبل ما أقفل، قال جملة واحدة خلتني أتجمد:”داليا… فارس مش أخوكي الوحيد اللي في خطر.”وبعدين الخط اتقطع. بصيت لإخواتي، وقلت بصوت مبحوح:”هو قال إن واحد فيكم مش أخويا.”ساد الصمت. ويحيى بص لإخواته الأربعة. ولأول مرة…ولا واحد فيهم قدر يبص في عيني.
ماحدش اتكلم. فضلت واقفة في نص الأوضة، ببص لإخواتي واحد واحد، وبحاول أقرأ في وشوشهم أي حاجة تفسر الجملة اللي سمعتها.”واحد فيكم مش أخويا.”قلت الكلام تاني، المرة دي بصوت أوطى:”مين؟”يحيى قرب مني.”داليا، متصدقيش الراجل ده.”بصيت له:”طب بص في عيني وقولي إن كلامه كدب.
“يحيى سكت. قلبي اتقبض. رائد تدخل بسرعة:”الموضوع ممكن يكون مجرد لعبة عشان يفرق بينا.”قلت:”يبقى قولوا لي الحقيقة.”شادي قال:”إحنا نفسنا مش عارفين.”بصيت لنادر.”وأنت؟”نادر بص في الأرض.”داليا…”قاطعته:”إنتوا عارفين.”فارس كان غايب، وأنا لأول مرة حسيت إن غيابه مش مجرد خ. طف.
كان فيه سر أكبر مستخبي وراه. عمي سامح قرب وقال:”أبوكي كان عنده سبب يخلي الموضوع ده سر.”صرخت:”سبب إيه؟! أنا اللي حياتي اتدمرت وأنا آخر واحدة تعرف!”عمي سكت. يحيى قال:”كفاية.”بصيت له:”كفاية إيه؟”قال:”مش هنا.””أمال فين؟””في المكان اللي أبوكي كتب عنه.
“رائد فهم:”المخزن.”يحيى هز راسه.”هنروح هناك.”قلت:”وأنا جاية.”قال:”لا.”صرخت:”فارس هناك!”رد:”وعشان كده مش هخليكي تيجي.”قلت:”لو حد فيكم حاول يمنعني، هروح لوحدي.”يحيى بصلي فترة طويلة، وبعدها قال:”خلاص.”رائد اتفاجئ:”يحيى!”قال:”هتيجي… بس هتفضلي في العربية.”بصيت له:”مش هقدر أوعدك.
“ابتسم رغم توتره.”كنت عارف.”خرجنا من الفيلا بسرعة. قبل ما أركب، عمي سامح وقفني. قال:”داليا.”بصيت له. مد إيده بحاجة صغيرة. مفتاح قديم.”لو حصل أي حاجة… افتحي الباب الحديد اللي ورا المخزن.”سألته:”إيه اللي جواه؟”قال:”الحقيقة.”ركبت العربية. طول الطريق محدش اتكلم.
