في حفلة عيد ميلادي انجى الخطيب

“حسام بص له. نادر قال:”إنت ماعدتش صاحب القرار.”حسام صرخ:”دي مراتي!”وفجأة صوتي طلع من آخر السلم:”وأنا مش ملكك.”كلهم لفوا ناحيتي. كنت نازلة ببطء، لابسة هدوم واسعة، وشعري مربوط، ووشي عليه آثار التعب. لكن المرة دي كنت واقفة على رجلي. يحيى أول ما شافني، ملامحه اتكسرت للحظة.

قرب مني وقال:”مين عمل فيكي كده؟”بصيت له.”إنت عارف.”يحيى مد إيده لي. مسكتها. وبصيت لإخواتي الخمسة. لأول مرة من سنين حسيت إني مش لوحدي. حسام قرب مني وقال:”داليا، تعالي نتكلم بعيد.”بصيت له وقلت:”اتكلمنا كتير يا حسام.”قال:”اللي حصل امبارح كان عصبية.

“رديت:”العصبية مش بتربط إنسانة في سقف.”سكت. قلت:”والعصبية مش بتخلي أمك تضحك وهي بتتفرج عليا.”سهير صرخت:”أنا كنت بحاول أربيكي!”بصيت لها:”لا… إنتي كنتي بتحاولي تكسري كرامتي.”نهى كانت واقفة وراها، وشها شاحب. وفجأة قالت:”هي اللي وقعت العصير عليا!

“بصيت لها وقلت:”والكاميرات قالت إيه؟”نهى سكتت. رائد رفع موبايله وقال:”الفيديو الأصلي موجود.”حسام اندفع ناحيته:”امسحه.”رائد بصله باستغراب.”ليه؟”حسام سكت. رائد قال:”كنت عايز تمسح الفيديو اللي بيثبت براءتها؟ ولا الفيديو اللي بيثبت جريمتك؟”حسام بدأ يفقد أعصابه.”إنتوا عايزين إيه؟ فلوس؟”ضحك يحيى.

“لو كنا عايزين فلوس، كنا طلبناها.”بص له حسام بتوتر. يحيى كمل:”إحنا عايزين حاجة واحدة.””إيه؟””حق داليا.”سكت المكان. وبعدين يحيى طلع ملف أسود من إيده وحطه على الترابيزة. حسام قرب منه.”إيه ده؟”رائد قال:”بداية بس.”فتح حسام الملف. وأول ورقة شافها كانت صورة من تحويلات مالية.

وبعدها عقود. وبعدها مستندات عن شركات. وبعدها أسماء حسابات. وشه اتغير. قال بصوت منخفض:”إنتوا جبتوا الحاجات دي منين؟”نادر رد:”من المكان اللي المفروض إنك كنت مخبيه كويس.”حسام قفل الملف بسرعة.”إنتوا بتهددوني؟”يحيى رد:”لأ.”وسكت لحظة.”إحنا بنقولك إن اللي حصل لأختنا مش هيتدفن تحت كلمة آسف.

“بصيت لحسام وقلت:”أنا مش عايزة منك اعتذار.”اتوتر.”أمال عايزة إيه؟”بصيت في عينه وقلت:”عايزة أخرج من هنا من غير ما تخوفني تاني.”حسام حاول يتماسك وقال:”يعني عايزة تطلقي؟”رديت:”لأ.”اتصدم.”أمال؟”قربت منه خطوة. وقلت بهدوء:”أنا عايزة الأول أعرف الحقيقة كلها.””حقيقة إيه؟”بصيت ناحية نهى.