في حفلة عيد ميلادي انجى الخطيب

“نهى صرخت:”كدب!”عمي بص لها:”ولو كدب، ليه بعتّي له رسالة قبل الحفلة بساعات بتقولي فيها إن داليا لازم تخرج من حياته بأي طريقة؟”نهى سكتت. عمي كمل:”لكن اللي محدش فيكم يعرفه إن نهى ماكانتتش بتتصرف لوحدها.”بصيت لها.”مين معاكي؟”نهى انهارت في العياط.”أنا… أنا مش عارفة أعمل إيه.

“حسام صرخ:”اسكتي!”هنا شادي لأول مرة فقد هدوءه.”إنت تسكت.”حسام بص له. شادي قرب منه وقال:”أختي اتعلقت في سقف قدام مية وخمسين واحد، وإنت دلوقتي لسه فاكر إنك تقدر تأمر حد؟”سكت حسام. فارس أشار ناحية الباب.”اتفضلوا كلكم جوه المكتب.”والد حسام قال:”دي فيلتي.

“فارس رد:”وعشان كده هنقعد في أوضة الضيوف.”دخلنا كلنا. وأول ما قعدنا، رائد حط اللابتوب على الترابيزة. قال:”قبل ما نكمل، في حاجة لازم داليا تشوفها.”فتح فيديو من كاميرات الحفلة. ظهر المشهد من زاوية مختلفة. أنا واقفة بالصينية. نهى بتتحرك ناحيتي.

لكن قبل ما تخبط الصينية، ظهر شخص في آخر القاعة بيشير لها بإيده. كبر رائد الصورة. أنا قربت من الشاشة. وقلت:”ده…”يحيى قال:”أيوه.”حسام وقف فجأة.”مين ده؟”رائد بص له وقال:”راجل من رجال الأمن بتوعك.”حسام اتوتر:”مستحيل.”شادي رد:”هو نفسه اللي ادّى أمر للناس يمسكون داليا.

“بصيت لحسام.”إنت كنت عارف؟”قال بسرعة:”لأ.”رائد فتح تسجيل تاني. ظهر نفس الراجل وهو واقف قبل بداية الحفلة بدقايق، وبيتكلم مع نهى. لكن الصوت كان ضعيف. شادي رفعه. وسمعنا جملة واحدة واضحة:”بعد ما تخلصوا منها، الملف هيتنقل للمكتب.”حسام قرب من الشاشة.”أي ملف؟”سكتنا كلنا.

لأن الإجابة كانت موجودة في آخر الفيديو. الراجل كان ماسك شنطة سوداء. والشنطة كانت مكتوب عليها اسم شركة حسام. يحيى بص لحسام وقال:”إنت كنت بتخبي إيه؟”حسام بدأ يتراجع.”أنا مش فاهم.”نادر قال:”إحنا كمان.”وفجأة عمي سامح وقف.”أنا فاهم.

“بصيت له. قال:”الملف اللي أبوكي كان خايف يوصل لحسام… موجود في الشنطة دي.”حسام بص له بفزع.”إنت عرفت؟”عمي رد:”من سنين.”يحيى قال:”وإنت كنت ساكت؟”عمي بصلي وقال:”كنت مستني داليا تكون مستعدة تعرف الحقيقة.”صرخت:”أنا كنت مستعدة من زمان!

“عمي قرب مني وقال:”لأ… لأن الحقيقة دي مش هتغير جوازك بس.”سكت.”هتغير نظرتك لعيلتك كلها.”بصيت لإخواتي.”يعني إيه؟”عمي رد:”يعني أبوكي قبل ما يمو. ت ماكانش بيثق في حد… حتى ولاده.”سكت الجميع. وفجأة موبايل رائد رن. بص للشاشة. وشه اتغير.