في حفلة عيد ميلادي انجى الخطيب

“سهير تدخلت:”إنت مين أصلًا عشان تتكلم مع ابني بالطريقة دي؟”عمي رد من غير ما يبصلها:”أنا الشخص اللي كان المفروض يحمي داليا من اليوم اللي أبوها مات.”يحيى قال:”بس إنت ماحميتهاش.”عمي بص له وقال:”لأني كنت بحاول أحميكم كلكم.”سكت الخمسة. أنا حسيت إن قلبي بيخبط.”تحمينا من إيه؟

“عمي قرب مني.”من أبوكي.”اتجمدت.”أبويا؟”قال:”أبوكي قبل ما يمو. ت كان سايب وراه حاجات محدش فيكم يعرف عنها حاجة.”نادر قال بعصبية:”إحنا عارفين كل حاجة عن شغل أبويا.”عمي هز راسه.”لأ… إنتوا عارفين الجزء اللي هو سمح لكم تعرفوه.

“بصيت لإخواتي. لأول مرة شفت الشك في عيونهم. قلت:”إنت بتقول إيه؟”عمي طلع ظرف قديم من جيبه. الظرف كان لونه مصفر، وعليه خط أبويا. أول ما شفته، نفسي اتقطع. قلت:”ده خط بابا.”عمي مد الظرف لي.”كان مكتوب باسمك.”مديت إيدي، لكن يحيى مسكني.

“استني.”بصيت له.”ليه؟”قال:”ممكن يكون فخ.”عمي رد:”لو كنت عايز أأذيها، كنت سيبتها لجوزها اللي ربطها وض. ربها قدام الناس.”حسام اتوتر.”خلاص بقى! إنتوا عايزين تعملوا إيه؟”عمي لف له وقال:”عايزين نعرف ليه داليا كانت لازم تختفي من حياتك.”نهى بدأت تتحرك ناحية الباب.

نادر وقف قدامها.”رايحة فين؟”قالت وهي بتبكي:”أنا تعبت.”رد:”لسه.”بصيت للظرف. وبصيت لعمي.”افتحه.”يحيى قال:”داليا…”قاطعته:”أنا لازم أعرف.”فتحت الظرف بإيدي المرتعشة. جواه ورقة واحدة. وكان أول سطر فيها:”لبنتي داليا… لو الورقة دي وصلت لك، يبقى أنا مت.

“حسيت دموعي نزلت. كملت القراءة بصوت مسموع:”يا داليا، إخواتك هيحاولوا يحمواكي بطريقتهم، لكنهم مش عارفين إن الخطر الحقيقي مش برا العيلة… الخطر جوه العيلة.”رفعت عيني ببطء. كل إخواتي كانوا ساكتين. كملت:”في شخص قريب منك هيحاول يوقع جوازك، وهيستخدم حسام عشان يوصل لهدفه.”حسام اتراجع خطوة. قلت:”مين؟

“الورقة كانت فيها سطر أخير. قرأته. وبمجرد ما قريته، إيدي ارتخت والورقة وقعت على الأرض. يحيى انحنى وأخدها. قرأ. وشه اتغير. رائد قرب منه.”مين؟”يحيى رفع عينه وبص لإخواتي. وبعدين بصلي. قال:”سامح.”اتلفت ناحية عمي.”إنت؟”عمي ما أنكرش. قال بهدوء:”أيوه.”الهواء نفسه وقف.

صرخت:”إنت كنت بتخطط لكل ده؟!”عمي هز راسه.”أنا خططت إن حسام يخسر كل حاجة لو أذاكي… لكن اللي حصل امبارح ماكانش بأوامري.”يحيى اندفع ناحيته:”كداب!”عمي رفع إيده.”اسمعني للآخر.”يحيى وقف. عمي قال:”أنا كنت متابع حسام من فترة، وعرفت إنه بيخون داليا، وعرفت إن نهى بتضغط عليه عشان يطلقها ويتجوزها.