عز وغزل انجى الخطيب 9

أما غزل، فكانت ماشية جنبه وهي مسهمة، حاسة إن رجليها مش شايلينها، وكل خطوة بتبعدها عن الناس بتقربها من أسئلة كتير مش لاقية لها إجابة هو إزاي قدر يقول الكلام ده قدام العمدة والمأمور من غير ما يرمش له جفن؟ !

والأهم من ده كله، ليه حست للحظة إنه كان خايف عليها بجد؟! أول ما دخلوا الجناح، عز قفل الباب وراهم، ولف ناحيتها، لكن غزل سحبت إيدها منه بسرعة، وبصت له بعينين مليانين غضب وارتباك. “ممكن تفهمني إيه اللي إنت قولته ده تحت؟

! وإيه الكلام الماسخ اللي رميته عليا وقدام الناس؟ ! إنت إزاي تقول إني بقيت مرتك، وإنك دخلت عليا، وإنت عارف زين إن ولا حاجة من دي حصلت؟!” عز فضل باصص لها من غير ما يتكلم، مستنيها تخلص كل اللي جواها، لكنها كانت بتتكلم بسرعة من شدة توترها: “إنت فكرت في منظري قدامهم؟

! فكرت في اللي الناس ممكن تقول عليه؟! إنت بكلمة واحدة خليت كل اللي في الدوار فاكرني مراتك، وأنا حتى مش فاهمة إنت عملت كده ليه! ولو حد صدّق الكلام ده وبدأ يتكلم عني، هتعمل إيه ساعتها؟!

” قرب منها عز خطوة، لكنها رجعت لورا فوقف مكانه، ورفع إيده ولمس وشها كأنه بيطمنها إنه مش هيقرب أكتر من كدا، وقال بصوت هادي اهدي يا غزل، وخدي نفسك الأول. ردت عليه بانفعال: “ما تقوليش أهدى! إنت اللي ولعت الدنيا كلها بكلمتين، وعايزني أهدى إزاي؟

” عز زفر بضيق، ومرر إيده في شعره، وبعدها بص لها بجدية: “بصي يا غزل، أول حاجة لازم تعرفيها إني عمري ما كنت هسمح لحد ياخدك من هنا، ولا إنك تتشالي من قدامي وأفضل مش عارف إنتِي فين ولا بيحصل لك إيه.

لما شوفت عمك حمدان جاي ياخدك، ما كانش قدامي غير إني أوقفه عند حدّه، والكلام اللي قولته كان أسرع حل قدرت أفكر فيه.” غزل عقدت حواجبها، وردت بمرارة: “يعني عشان تمنعهم ياخدوني، تلبسني في حكاية زي دي؟! ما كنت تقول أي كلام تاني!

إيه اللي خلاك تختار إنك تقول إني مرتك؟!” عز سكت لحظة، ونظراته اتعلقت بملامحهااولا عشان لو كنت قولت اي سبب تاني مكنش حد هيقتنع وكان عمك هياخدك وساعتها ما كنتش هقدر أعمل حاجة. إنما لما قلت إنك مراتي، هو نفسه ما بقاش عنده سبب يقدر ياخدك بيه وانتي بقيتي علي ذمة راجل ثانبا ودا الاهم لان دا اللي كان نفسي فيه من زمان واديني حققتةطيب افزض كان قالك فين القسيمة اللي تثبت اولا محدش يجرأ يقول لعز بية الظابط ابن العمدة اثبتلي دا انا القانون ولا انتي شايفة ايه عيبك انك مستقلية بجوزك بعدت ايدة عن وشها وقالت بس متقولش جوزي انت مش جوزي دي كدبة انت اخترعتها اوعاك تصدقها ولازم تحلها زي ما عقدتهاوبصتلك بنظرة كلها حب وبداريها عنه وقالت وأنا ذنبي إيه في كل ده؟